অয়েংবশিংদা হান্না চৎলুদ্রিবা মফমশিং ভর্চুএল ওইনা পুবীনবা, ছতিশগরগী লোত্তুনা লৈরিবা মফমশিং, তোপ-তোপ্পা নাৎ, ত্রাইবেলশিংগী ইপা ইপুনা থম্বীরম্বশিং অমসুং কুমহৈশিংগী মতাংদা মীয়ামদা খঙহন্নবগীদমক তুরিজম মন্ত্রালয়না ০৯.০৬.২০২০দা "ছতিশগরগী লোত্তুনা লৈরিবা লনশিং" উত্তুনা পরিং নাইনা চত্থরকপা দেখো অপনা দেশ ৱেবিনারগী সেসন পাঙথোকখ্রে। পরিং নাইনা চত্থরকপা দেখো অপনা দেশ ৱেবিনার অসিনা এক ভারত শ্রেস্থ ভারত থৌরমগী খাদা ভারতকী ইনাক খুল্লবা তোঙান-তোঙানবা হীরমশিং উৎনবা হোৎনরি।

জুন ৯, ২০২০দা পাঙথোকখিবা পরিং নাইনা চত্থরকপা দেখো অপনা দেশ ৱেবিনার অদু তুরিজম মন্ত্রালয়গী এদিসনেল দিরেক্তর জেনরেল রুপিন্দর ব্রারনা ৱাতেমখি। ছতিশগর লৈঙাক্কী, সেক্রেতরী (তুরিজম অমসুং কলচর) পি. অনবালাগন্না সেসন অদুগী নুংগী ওইবা ৱাফমশিংদু মহাক্কী হৌদোক ৱাহৈগা লোইননা থমখি অমসুং সেসন অদু আইস্ক্যুবস হোলিদেজ লিংখৎখিবা জস্প্রীৎ সিংহ, অনএক্সপ্লোর্দ বাস্তর লিংখৎখিবা জীৎ সিংহ আরিয়া অমসুং অইবা অমসুং ব্লোগর ওইরিবা থোম্মেন জোসনা খুদোল তমখি। খুদোল তমখিবা মখোই অহুম্মক্না ছতিশগরগী হান্না চৎখিদ্রিবা মফমশিং অমসুং তোপ-তোপ্পা নাৎ অমসুং ইপা ইপুনা থম্বীরম্বশিং ভর্চুএল ওইনা খুদোল তমখি।

শ্রী জস্প্রীৎ সিংহনা রাজ্য অসিগী মরুওইবা হীরমশিং অমসুং তুরিজমগী হীরমদা চাউখৎপা য়াবশিংগী মতাংদা পল্লদুনা সেসন অদু হৌদোকখি। মধ্য প্রদেশতগী খাইদোক্লক্তুনা নবেম্বরগী ১, ২০০০দগী হৌনা লৈরক্তুনা ভারতকী রাজ্যশিংগী মনুংদা ৯শুবা খ্বাইদগী চাউবা রাজ্য ওইরি। ভারতকী ময়াই থংবা নোংপোক লমদম ওইবনা রাজ্য অসিনা রাজ্য ৭কা ঙমখৈ থংনরি, লমগী শরুক ৪৪%না উমং ওইরি, ত্রাইবেল মীয়াম্না ৩৪% ওইরি। নেসনেল পার্ক ৩ লৈবগা লোইননা ৱাইল্দ লাইফ সেঙ্কচুৱরী ১১, বাইওস্ফিয়র রিজর্ব ১ লৈদুনা ভারতকী খ্বাইদগী অশং-অমান ওইবা রাজ্যশিংগী মনুংদা অমা ওইরি অমসুং লৈবাক অসিগী মফম অয়াম্বগা নোংথক্কী লম্বী, রেল অমসুং লৈমাইগী লম্বীগা শম্নরি।

লৈবাক অসিগী খ্বাইদগী ফজবা ঈশিং চাইবীশিংগী মনুংদগী অয়াম্বদি ছতিশগরদা লৈরি, মখোয়শিং অসিগী মনুংদগী খরদি, চিত্রকোতে, অম্রিৎধরা, পাৱাই, মাচলিনচিংবনি। ছতিশগরদা চম্পরান্যা, রজিম অমসুং শিওরিনরায়ন হায়বা শক্তিপীথ অহুম খুদোলবীরমই। য়ৈথোক্লবা য়ৎ, শেম্বুঙ অমসুং তেরাকোত্তা হায়রিবশিং অসি ছতিশগরগী মমিং লৈরবা খুৎশা হৈবগী পোত্থোকশিংনি।

শ্রী জীৎ সিংহনা অয়েংবা মীয়াম্বু বাস্তরদা ভর্চুএল ওইনা পুবীখি। বাস্তর হায়বসি ছতিশগরগী খা থংবদা লৈবা কয়া চৎনদ্রিবা মফম অমনি। বাস্তরগী জগা অসিদা নীংথীজরবা মীৎয়েংফম ওইবা য়াবা মফমশিং, লম্বী, মীনা খঙনদ্রিবা ঈশিং চাইবীশিং লৈ। বাস্তরদা ঈশিং চাইবী ১৫দগী হেন্না লৈ। মেঘালয়গী মথংদা শম্নদুনা লৈবা শুরুংশিংগী মনুংদা অমা ওইরিবা কোতুমসার শুরুংসু ছতিশগরদা লৈ। মালেমদা খ্বাইদগী শাংবা নুমিৎ ৭৫নি পাঙথোকপা কুমহৈ অমা ওইরিবা বাস্তর দুসেরানা ধান্তেস্বরিগা মরী লৈনবা তোঙান-তোঙানবা ৱারী কয়া লীরি। গোন্দগী, মাদিয়া, মৌরিয়াগী ত্রাইবশিংনা বাস্তরবু য়েলহৌঙৈদগী লৈরক্লবা ত্রাইবশিংগী লম অমা ওইহনলি। মফম অসিগী খুৎশা হৈবগী থবকশিং অসি হরাপান সিবিলাইজেসনগী মতমদগী লৈরক্লে হায়না পানরি, মসিদা শীজিন্নরিবা তেক্নিক্তি মাঙখ্রবা খোইরুগী তেক্নিক্নি। মালেমদা খ্বাইদগী ৱাংবদা সেন্দ স্তোন অমখক্তদগী শাবা অহুমশুবা ওইরিবা ভগবান গনেশকী মীতমসু মফম অসিদা লৈরি। চগী ১২০০০ হেন্না লিরবা শুরুংদা য়েকপা লাইশিংসু বাস্তরদা লৈ।

শ্রী থোমসন জোসনা ছতিশগরগী মখাদা পীরিবা মীনা কয়া খঙনদবা লমকোইবশিংগী পুক্নিং চিংশিনগদবা মফমশিং অমসুং এক্সপিরিএন্সশিং অসি থমখিঃ

• কার্কাভাৎঃ লমকোইবশিংনা খঙদবনা চঙনরমদবা মেগালিথিক্কী ফুম্ফম জগা। হায়রিবা মফম অসিদা নৈনদুনা য়েংবা মতমদা মেনহির মখল ৩ ফংখি- শেরৈ মানবা, অব্লিক ওইনা মচীন তুম্বা অমসুং ঙা মমৈগুম্না বাইফর্কেৎ ওইবা।
• দিপাদিহঃ চহী চা ৭ হেল্লে হায়না দেতিং তৌরিবা খুবম অসি ছতিশগরগী খ্বাইদগী চেৎনা থুপনা লৈরম্বা আর্কিওলোজিগী ওইবা মফম অমনি। তৌথোক্লুবদা ফংবা নুঙগী য়ুম্বীশিংনা চঙফমগী হেক নাকল-নাকলদা য়ুংদুনা লৈদুনা লাইৱারীগী ওইবা শক্তম কয়া য়েক্লি।
• ঘোতুল- মসি অরিবা ত্রাইবেলগী পথাপ অমা ওইবগা লোইননা মশাগী পথাপ নাইজবা হৈরার্কী লৈবা মফম অমনি।
• সোনাবাই- ছতিশগরগী মমিং লৈরবা বেজ রিলিফ অসি সোনাবাইনা মহাক্কী মচা নুপা দরোগা রামবু শুম্নবগীদমক শানপোৎ শাবীখিবগী ৱারীদগী হৌরকখি।
• ত্রাইবেলশিংগী মশানা- য়েন কাওনবা।

ৱেবেনার অসিবু লোইশিল্লদুনা রুপিন্দর ব্রারনা তুরিজম মন্ত্রালয়দা তোঙান-তোঙানবা হোস্পিতালিতী অমসুং ত্রাবেল ত্রেদকী সেক্তর মমিং ওইনা পল্লবদা হোতেল, রেস্তোরন্তশিং, আর এন্দ বি, হোমস্তে/ফার্মস্তে অমসুং তুরিজমগী সর্বিস পীনবা ওপরেসনেল রিকমেন্দেসনশিং ফোংবগী মতাংদা পাউদমখি। হায়রিবশিং অসি লোকদাউন লোইরবা মতুংদা ইনগদবা তুরিজমগী সেক্তরগী চেকশিন্নবা অমসুং হাইজিন ওইনবা চৎন-কাংলোনশিংনি। অকুপ্পা মরোলশিং তুরিজম মন্ত্রালয়গী ৱেবসাইৎ tourism.gov.in দা ফংগনি।

ইলেক্ত্রোনিক্স অমসুং ইনফোর্মেসন তেক্নোলোজী (মৈতী)না শেম্বা নেসনেল ই-গবর্নান্স দিবিজন (এন.ই.জি.দি.)না অখং-অহৈশিংগী কাংবু অমনা নীংথীনা শীন্দুনা মীয়াম্না য়েংনিংনবা অমসুং স্তেকহোল্দরশিংগা দিজিতেল প্লেৎফোর্ম শীজিন্নদুনা পাউ ফাউননবা শীনবীদুনা মন্ত্রালয় অসিনা দেখো অপনা দেশ ৱেবিনারশিং পাঙথোকপদা তেক্নিকেলগী ওইবা মতেং পীরি।

পরিং নাইনা শন্দোকখিবা ৱেবিনারগী সেসনশিং অসি https://www.youtube.com/channel/UCbzIbBmMvtvH7d6Zo_ZEHDA/featured দা অমসুং তুরিজম মন্ত্রালয়, ভারত সরকারগী সোসিএল মীদিয়া হেন্দলশিংদা ফংগনি।

হিমাচল- এরাউন্দ দি নেক্স বেন্দ হায়না মিংথোনবা ৱেবিনার অসিগী মথংগী তাংকক অসি জুন ১১, ২০২০গী অয়ুক পুং ১১দা পাঙথোক্কনি। https://bit.ly/HimachalDAD দা মিং চনবা য়ারগনি।

*****