হাউজিং অমসুং অর্বান এফিয়ার্সকী মন্ত্রালয়না স্তেকহোলদরশিংগা খন্নদুনা তোঙান-তোঙানবা শহর অমসুং ম্যুনিসিপালগী মফমশিংদা মীওইশিং চত্থোক চৎশিন তৌবা য়াবা কৈথেল মফমশিংগী ওইনা হোলিস্তিক প্লান্নিং তৌনবা খংহনখ্রে। হাউজিং অমসুং অর্বান এফিয়ার্স মন্ত্রালয়গী সেক্রেতরী শ্রী দুর্গা শঙ্কর মিশ্রানা রাজ্যশিং/শহরশিং/ম্যুনিসিপাল কোর্পোরেসনশিংদা পীখিবা চেরোল অমদা মীওই মিলিয়ন অমগী মথক্তা লৈবা শহরশিংনা মীওইশিং চত্থোক চৎশিনা তৌবা কৈথেল অহুম অমসুং মীওই মিলিয়ন য়ৌদনা লৈবা শহরগীনা কৈথেল অমা খন্নবা হায়খ্রে।

কৈথেল মনুংদা মীওইশিংনা চত্থোক চৎশিন তৌবা য়াবা লম্বী শেম্নবা মখাগীশিং অসি ইন্নবা খংহনখ্রেঃ

১. কৈথেলগী লৈফম খন্দোকপা- মীওই মিলিয়ন অমগী মথক্তা লৈবা শহরশিংনা য়ামদ্রবদা কৈথেল অহুম খন্দুনা মদুদা মীওই চত্থোক চৎশিন তৌবা য়াবা লম্বী শেম্নবা খংহনবা। মীওই মিলিয়ন শুদনা লৈবা শহরশিংনা মীওই চত্থোক চৎশিন তৌবা য়ানবা লম্বী শেম্নবা কৈথেল অমা খন্দোকপা।

২. মফমশিং অদুগী হোলিস্তিক প্লান্নিং তৌবাঃ কৈথেল মনুংদা মীওইশিংনা চত্থোক চৎশিন তৌবা য়ানবা লম্বী শেম্বদা দুকান ফম্বশিং, ম্যুনিসিপাল ওফিসারশিং, ত্রাফিক পুলিস, পার্কিং তৌফম চলায়রিবা মীওইশিং, দুকান মপুশিং অমসুং পোৎ লৈবা লাক্কদৌরিবা স্তেকহোলদরশিংগা তান্নদুনা য়াৎথোকপা য়াগনি। মসিদা স্তেকহোলদরশিং অসিনা শিজিন্নরিবা মফমশিং অসি নিংথিনা সর্বে তৌবগী তঙাই ফদবা লৈগনি। লাক্কদৌরিবা মীওইশিং অদুনা সোসিএল দিস্তেন্সিং তৌদুনা চত্থোক চৎশিন তৌবা য়ানবা নিংথিনা কাংলোন শেম্বগী থৌওং অমা য়াৎপগী মথৌ তাই। হান্ননা লৈরিবা উ-পাম্বীশিং শোক্তনা, উশিং অদু মীওইশিংনা চত্থোক চৎশিন তৌবদা কায়দনা খাজিনবা, পোৎ য়োনফমশিং নিংথিনা খায়দোক্তুনা চৎপা য়ানবা মফম পীবা, ফত্ত হাউদি লৌথোকফম অমসুং অমাংশংগী মফমশিংদা কায়দনা চংথোক চংশিন য়ানবা হীরমশিং য়েংদুনা থৌওংশিং অসি য়াৎথোক্কদবনি। খনগৎলবা কৈথেলশিং অদুগী অকোয়বদা লৈবা শিজিন্নবদি য়ারগা শিজিন্নদনা লৈবা মীয়ামগী ওইবা মফমশিংসু থৌওং অসিগী মনুং চলহনবা য়াগনি।

৩. থৌরমশিং অসি য়াৎথোকপা হেক লোইবগা শহরশিংদা তাঙ্কক অনি থোক্না থবক হৌনবা পাউ পীগনি – অতেনবা মতম অমসুং অশাংবা মতম

৪. অতেনবা মতমগী তাঙ্কক অসিদা অথুবা, মতম খরগী ওইবা, লাইনা শেম্বা য়াবা, লোকদাউনগী মতুংদা চত্থোক চৎশিন তৌবা মীওইশিংদা তেক্ত কায়হন্দনবা শিনবগী থবক য়াওই। কৈথেল ফমগদবা মফমশিং অসি শম্বল খাজিনবা অমসুং গারি চংহন্দনবা লম্বী থিংবগী মতম খরগী ওইবা থবকশিং অসি থৌওংশিনা শিন্দোকপা য়াগনি।

৫. লম্বীদা লৈরিবা গারি খামফম অমসুং থেলা গারি ইনফম অসি মী চৎফম অমসুং মী ঙাইফম ওন্থোকপা য়াই।

৬. শহরশিংনা অহেনবা লম্বীশিং শিজিন্নদুনা কৈথেল অসিদা লাইনা য়ৌহল্লক্নবা শিনবা য়াই।

৭. সাইকল থৌবশিংনা মখোয়গী ওইনা শেমদুনা থম্বা লম্বীশিংদা চৎহনবা য়াই।

৮. কৈথেলগী মনুংদা লৈবা মীওইশিংগী গারিশিং অসিনা মখোয়গীদমক্তা অকক্ননা শেম্বা লম্বী খক্তদা চৎপা য়াগনি।

৯. কৈথেলদা য়ৌরক্কদবা খোং লম্বীশিং অসি ম্যুনিসিপাল বোদিশিংনা পাকথোকহনবা য়াই।

১০. মীয়াম্না কেথেলশিংদা ৱাদনা য়ৌরকপা য়ানবা তোয়না চেনবা মীয়ামগী চত্থোক চৎশিন তৌনবা গারিশিং শিনবা য়াই।

১১. পোৎ য়োনফমগী মওংশিং অসিনা অনৌবা কয়া পুথোকপগী খুদোংচাবসু পীরি।

১২. মতম কুইনা চৎকদবা মীয়ামগী চত্থোক চৎশিন তৌনবা লম্বী শেম্বা হৌবসি অতেনবা মতমগী ওইনা পাংথোক্লিবা থৌওং অসিনা মায় পাক্লবা মতুংদা পায়খৎকনি।

মতমগী পরিংশিং

মীওইশিংনা চত্থোক চৎশিন তৌনবা লম্বী শেম্নবগীদমক্তা কৈথেল মশক খংদোকপা অসি জুন ৩০, ২০২০ ফাওবগী মনুংদা পাংথোক্কদবনি। স্তেকহোলদরশিংগা খন্নদুনা থবক অসিগী হোলিস্তিক প্লান্নিং তৌবসিনা মথংগী থা ৩, সেপ্তেম্বর ৩০, ২০২০,গী মনুংদা পাংথোক্কদবনি। কৈথেলগী মফম কল্লিবা দুকান ফম্লিবা অমসুং অতোপ্পা মীওইশিংগী সর্বে তৌবা অসিনা জুলাই ৩১, ২০২০ ফাওবগী মনুংদা লোইশিনগদবনি। সেপ্তেম্বর, ২০২০গী লোইশিল্লক্লবা মতমদদি থৌওংশিং অসি থবক ওইনা পাংথোকপা হৌবা য়ানবা য়াৎথোকপা লোইশিনবা য়ারে। য়াৎথোক্লবা থৌওংশিং অসি য়েংথোক্নবা মতম খরগী ওইনা খাজিনবা, ত্রাফিক্কীদমক্তা লম্বী থিংবা, মফমশিং হক্তুনা থম্বনচিংবা মতম খরগী ওইবা থৌওংশিং অসি ওক্তোবর, ২০২০গী অহানবা চয়োলদা হৌবা য়ারে। য়াৎথোক্লিবা অসিগী অতেনবা মতমদা তৌগদবা থৌওংশিং অসি য়েংশিন্নবা থবক হৌবগী থৌওংশিং অসি নবেম্বর, ২০২০দা হৌদুনা মসিদা তঙাই ফদনা শেমদোক্কদবা থবকশিং হাপচিনবগী থৌওংশিং অসি নবেম্বর, ২০২০গী মনুংদা লোইশিনগদবনি।

শহরশিংনা লোকদাউন কোম্থোক্তুনা লাপ্ননা লৈদুনা সোসিএল দিস্তেন্সিং তৌদুনা তাক্ত কায়দবা, শেল চংদবা চত্থোক চৎশিন তৌনবগী পাম্বৈ পীনবা হোৎনরিবা অসিগী মরক্তা কৈথেলশিংদা মীওইশিংনা চৎপদা অমসুং সাইকল থৌবা য়াবা লম্বী শেম্বা অসিসু য়াম্না মরু ওইবনি। কোবিদ-১৯গী লায়চৎ অসিনা মীয়ামগী চৎনবা লম্বীগী অনৌবা ৱাহন্থোক অমা পীবগী খুদোংচাবা অমা পীরবনি। কৈথেলগী মফমশিংবু কোবিদ-১৯ লৈতবা অমসুং মীয়ামগী নুংঙাইনবা ওইহন্নবা ভারতকী শহরশিংনা হৌজিক হোৎনফম থোকপা অসি মীওইশিংগী চত্থোক চৎশিনা তৌনবা কৈথেল মনুংদা লম্বী শেম্বনি।

হাউজিং অমসুং অর্বান এফিয়ার্সকী মন্ত্রালয়না মীওই মিলিয়ন হেন্না লৈবা শহরশিংদা নুংশিৎকী মগুন ফগৎহন্নবা বস অমসুং মেত্রোগী পাম্বৈ শিজিন্ননবা হায়বগী খোংথাং কয়া পায়খত্তুনা লাক্লিবগি মথক্তা সাইকল থৌফম অমসুং কৈথেলদা মীওইশিংনা চত্থোক চৎশিন তৌনবা লম্বী শেম্বদসু অখন্নবা মিৎয়েং থমদুনা লাক্লি।

কোবিদ-১৯না মালেমদা য়ৌরক্ত্রিঙৈ মমাংদগী চেন্নৈ, পুনে অমসুং বেঙ্গালোরগুম্বা ভারতকী শহরশিংদি পীপল-ফ্রেন্দলী সিতী ওইনা শেমদোকপা হৌখ্রবনি। মমাংগী চহী ৫দা চেন্নৈদদি শহর মনুংদা পেদেস্তরিয়ান প্লাজা অমা য়াওনা মীওইশিংনা চত্থোক চৎশিনা তৌবা য়াবা কিলোমীতর ১০০ হেনবা লম্বী শেমখ্রবনি। মখা তানা মেগা স্ত্রীৎ প্রোগ্রামগী মখাদা চেন্নৈগী অনসেফ স্ত্রীৎশিং অসি চত্থোক চৎশিন তৌবা য়াবা অমসুং সাইকল থৌবা য়াবা ওইহন্দুনা অশেংবা লম্বী ওন্থোক্নবা খোংথাং কয়া অমা পায়খৎখ্রবনি। চেন্নৈগী থৌওং অসিনা ইথিল পীরদুনা রাজ্য অসিনা তমিল নাদু পুম্বদা খোংথাং অসি পায়খৎনবা শেলসু থাদখ্রবনি। পুনেনা সাইকল থৌবা য়াবা কিলোমীতর ৪০০ শাংবা লম্বী শানবা হৌদোক্তুনা ভারতকী অহানবা সাইকলগী মপুং ওইবা প্লান অমা পুথোকখ্রে। ভারতকী শহর কয়া অমনসু সাইকল-শিজিন্নমিন্নবগী পথাপ হৌদোকখ্রে। মখোয়না কোলেজগী মহৈরোয়শিং, মরু ওইনা নুপীশিংদা, সাইকল থৌদুনা শহরগী মনুংদা নিংতম্না চৎনবা পুক্নিং থৌগৎলি। মেয়র/ম্যুনিসিপাল কম্মিসনর/স্মার্ত সিতী অমসুং মীয়ামগী কাংবুশিংনা ভারতকী শহরশিংদা সাইকল থৌবগী চৎনবী অমা হৌদোরক্লিবা অসিগা লোয়ননা চৎনবী অসি লৌশিনবগী খুদোংচাবা ফবা অমা ফংলবনি হায়বা য়াই।

*****