কোয়লা কম্পেনীশিংদগী কোয়লা লিঙ্কেজকী থৌওং অসি কোয়লাগী খনিদগী শীজিন্নরিবশিংদা পুথোক পুশিন তৌবগী অরাপ্পা হন্থহন্নবগীদমক রেস্নেলাইজ তৌখ্রে‍। থৌওং অসিনা পুথোক পুশিন তৌবগী মচাক মথুমদা লৈরমবা পোৎলুম হন্থহনবগা লোয়ননা পুথোকখিবগী খুদোংচাদবা লৈরম্বশিংসু লায়থোকহল্লগনি‍।

মমাঙদা তৌখিবা রেসনেলাইজেসনকী থৌওংশিংদি পাৱর সেক্তরখক্তগী ওইনা তৌরম্বনি অমদি মদুনা কোয়লা এম.তি. ৬৩.১২ পুথোক পুশিন তৌবগী থৌওংদা রেসনেলাইজেসন তৌদুনা চহীদা লুপা করোর ৩৭৬৯রোম কান্নহনবা ঙমহল্লি‍। মমাঙগা মান্নদবা মওংদা হৌজিক চৎনরিবা লিঙ্কেজ রেস্নেলাইজেসনগী থৌওং থৌশিল অসিনা কঞ্জ্যুমর মখল খুদিংমক্কী পাৱর অমদি নন-রিগুলেতেদ সেক্তর (এন.আর.এস.)বুসু কোনশিল্লি অমদি মপান্দগী পুশিল্লকপা কোয়লা স্বাপ্পিং তৌবসু য়াহল্লে‍।

থৌরাং অসিনা গ্রোস কেলোরিফিক ভেল্যুদা ওন্দুনা কোয়লা ত্রান্সফর তৌবদা মীৎয়েং থম্মী অমদি নন-কোকিং কোয়লাখক্তদা চৎনগনি‍। থৌরাং অসি মান্নবা সেক্তরখক্তদা চৎনগনি হায়বদি এন.আর.এস. (নন-রিগুলেতেদ সেক্তর)গা এন.আর.এস.কা অমদি পাৱর (রিগুলেতেদ সেক্তর)গা পাৱরগা‍। থৌরাং অসিদা শরুক য়াবা হায়বসি মশাগী অপান্বগী মতুং ইন্না ওইগনি অমসুং রেল অমদি সমুদ্রগী লম্বীদা কোয়লা রেসনেলাইজ/স্বাপ্পিং তৌরিবা কাংবু অনিগী মরক্তা শিন্নবা থৌরাং নাকল অনিমক্কী ওইগনি‍। কম্মিতী অমনা থৌরাং অসি চৎনহনবগী থৌওংশিং অমদি চৎনহনবা মতমদা থেংনগদবা মরুওইবু ইসুশিংসু য়েংশিনগনি‍। শরুক য়ানিংবা /কঞ্জ্যুমরশিংনা রেসনেলাইজেসনগীদমক ইলেক্ত্রোনিক প্লেতফোর্মদা রেজিস্তর তৌগদবনি অমদি মথৌ তাবা ইনফোর্মেসনশিং থাগৎকদবনি‍। থৌওং অসিদা চোংথোরকপা শেনফমদু ইন্দিয়ন রেলৱেজ/দিসকোমশিংদা থাজিল্লক্কদবনি‍।

*****