দিবেলপমেন্ত ওফ নোর্থ ইস্তর্ন রিজন (দোনর), এম.ও.এস., পী.এম.ও, পর্সনেল, পব্লিক গ্রিবেন্স, পেন্সন্স, এতোমিক ইনর্জী অমসুং স্পেসকী ইন্দিপেন্দেন্ত চার্চ পুরিবা রাজ্য য়ুনিয়ন মন্ত্রী, দা.জিতেন্দ্র সিংহনা ঙসি হায়খ্রে মদুদি প্রাইবেত সেক্তরনা মখোয়গী কেপাসিতী হেঙ্গৎনবা ইসরোগী কান্নবশিং অমসুং অতোপ্পা মরী লৈনবা এসেতশিং শিজিন্নবা য়ারগনি হায়না ফোংদোকখ্রে৷

মোদী সরকারগী অনিশুবা তর্মগী অহানবা চহীগী মনুংদা স্পেস তেক্নোলোজীগী হিরমদা ভারতনা ফংখিবা মীংচৎশিং অদু তেনতক্না দা.জিতেন্দ্র সিংহ হায়খ্রে মদুদি শেল থুমগী মন্ত্রীনা ফোংদোকখিবগী মতুং ইন্না মরোমদোম লেপচবা ঙম্বা ওইননবগীদমক মোদী সরকারগী ‘আত্মনির্ভর ভারত’ রোদমেপনা স্পেসকী থবকশিংদা প্রাইবেত পার্তিসিপেসন তৌরকপা অসিনা ভারতকী প্রাইবেত সেক্তরনা ভারতকী স্পেস সেক্তরগী খোঙচৎতা চৎমিন্নবা কো-ত্রবেল্লর ওইরগনি৷

সেতলাইৎ, লোঞ্চ অমসুং স্পেসকা মরী লৈনবা থবকশিংদা প্রাইবেত কম্পেনীশিংদা লেবেল প্লেয়িং ফিল্দ পীগদৌরি৷

প্লানেতরী এক্সপ্লোরেসন অমসুং স্পেসকী মপানদা চৎপগী তুংগী প্রোজেক্তশিংদা প্রাইবেত সেক্তরগী মফম পীরি৷

ইসরোনা পাংথোক্কদৌরিবা ভারতকী ইহান হানবা হ্যুমেন স্পেস মিসন ‘গগনয়ান’গী মতাংদা পল্লদুনা অসুম্না হায়রম্মী মদুদি এস্ত্রোনোৎশিং খনবগী থৌওং লোইরে অমসুং মখোয়গী ত্রেন্নিংসু রসিয়াদা হৌখ্রে অদুবু কোরোনা লাইচৎ অসিনা অপনবা পীদুনা লৈরে হায়না হায়খি৷ মহাক্না প্রোজেক্ত অদু থুনমক মখা তানা চৎথরগনি হায়না ফোংদোকখি৷

দা.জিতেন্দ্র সিংহ অসুম্না হায়খি মদুদি প্রধান মন্ত্রী শ্রী নরেন্দ্র মোদীনা থৌনা হাপ্পিদুনা চৎখিবা চহি অসিদা ইসরোনা নৌরিবা স্কুল মহৈরোইশিংগী অখননবা প্রোগ্রাম ‘য়ং সাইন্তিস্ত প্রোগ্রাম-য়ুবিকা’ লোঞ্চ তৌখি৷

মহাকনা মখা তারদুনা অসুম্না হায়খি মদুদি প্রোগ্রাম অসিনা নহা ওইরিবা মীরোলদা স্পেস তেক্নোলোজী অমসুং মদুগী মরমদা মরু ওইবা ৱাখল্লোল খঙহনবা হায়বা ৱাখল্লোল অসিদা পান্দম থম্লি৷

কোরোনা লাইচৎ অসিগী মনুং অসিদসু ইসরোগী সাইন্তিসশিংনা তঙাই ফদনা চংবা খ্বাইদগী ফরবা মেদিকেল খুৎলাইশিং, প্রোতেক্তিব কিৎশিং অমসুং অতোপ্পা ইক্বুইপমেন্ত পীনবা কন্না হোৎনখি৷

*****