কর্নাতকানা রাজ্য অদুদা জল জীবন মিসন চৎননবা চহিগী ওইবা মখোয়গী এক্সন প্লান জল শক্তীগী মন্ত্রলয়দা পুথোরকখ্রে৷ দ্রিঙ্কিং ৱাতর অমসুং সেনিতেসন লোইশঙগী সেক্রেতরীনা লুচিংদুনা পাঙথোকখিবা মীফম অদুনা লৈবাক অদুদা এক্সন প্লান অদু ২০২০-২০২১গী ওইনা চৎননবা অয়াবা পীখ্রে৷ জল শক্তিগী মন্ত্রলয়না রাজ্যশিংগা খুৎশম্নদুনা ২০২৪ ফাওবগী মনুংদা লৈবাক অসিগী খুঙ্গংশিংগী য়ুমথোং খুদিংদা নোংমদা মী অমদা থক্নবা ঈশিং লিতর ৫৫ পীনবা পান্দম থম্লিবা প্রাইম মিনিস্তরগী ফ্লেকশিপ প্রোগ্রাম জল জীবন মীসন অসি চৎনবা য়ানবা রোদমেপ অমা শেম্লি৷

কর্নাতকানা ২০২২-২৩ ফাওবদা য়ুমথোং চামদা চামা চলহন্নবা হোৎনরি৷ রাজ্য অদুদা খুঙ্গংগী ইমুং লাখ ৮৯গী মনুংদা লাখ ২৪.৫০দি তোতিগী ঈশিং ফংহনখ্রে৷ ২০১৯-২০দা ইমুং ২২,১২৭ খক্তমক তোতিগী ঈশিং ফংহনখি৷ লেমহৌরিবা খুঙ্গংগী ইমুংশিংদা তোতিগী ঈশিং ফংহন্নবা চাওনা থজবা লৈ৷ ২০২০-২১দা রাজ্য অসিনা ইমুং লাখ ২৩.৫৭দা তোতিগী ঈশিং ফংহনবা ঙম্নবা হোৎনরি৷ মখা তানা রাজ্য অসিনা ২০২০-২১গী মনুংদা দ্রিস্ত্রিক ১, ব্লোক ৫ অমসুং খুঙ্গং ৮,১৫৭ চামদা চামা মনুং চলহন্নবা হোৎনরি৷ মফম খরগী ইমুংশিংদা তোতিগী ঈশিং হান্না ফংহনবা হায়বা ৱাখল্লোল অসিদা মন্ত্রালয়গী ওফিসিয়েলশিংনা ‘ইক্যুইতী অমসুং ইনক্লুসিবনেস’কী ৱাখল্লোলদা পাংথোকই অদুগা রাজ্যনা সমাজ অদুগী শোৎথরবা কাংলুপ , এস.সি.শিং/ এস.তি.শিংদা এফ.ঐচ.তি.সি.শিং অদু ফংহন্নবা পানদম থম্লি৷ রাজ্য অসিনা চৎলিনা চহি অসিদা হান্নগী লৈরম্লিবা পাইপকী ঈশিংগী সিস্তেম ৩,১৩৯ অদু ‘কেমপেন্দ মোদ’কী মওংদা নৌনা শেমজিন শাজিন্দুনা ইমুং লাখ ২৩.৫৭দা ঈশিং পীনবা পান্দম থম্লি৷

কর্নাতকা লৈঙাক্কী শোৎথরবা দিস্ত্রিক ২ লৈ অদুনা প্লান্নিং তৌরিঙৈদা হায়রিবা মফমশিং অসিদা হান্না ঈশিং ফংহনবিয়ু হায়না স্তেত্তা হায়খ্রে৷ অসিগুম্না সনসদ আদর্শ গ্রাম য়োজনগী মখাদা লৈরিবা খুঙ্গংশিং, ফিভম শোক্না শোকহল্লবা মফমশিং, এস.সি./ এস.তি. হেন্না নমনা খুন্দারিবা খুঙ্গংশিং অমসুং ঈশিং নিংথীনা ফংদবা মফংশিংদা চাং মান্নবা মওংদা ঈশিং ফংহন্নবা মীৎয়েং চঙগদবনি৷

কেন্দ্রগী লৈঙাক্না কর্নাতকাদা ২০১৯-২০দা লুপা কোতি ৫৪৬.০৬ থাদরম্বা অদুদগী চাং ৱাংনা হেনগৎতুনা জল জীবন মিসন অদু চৎননবা লুপা কোতি ১,১৮৯.৪০গী শেনফম থাদবগী অয়াবা পীখ্র৷ ফিজিকেল আউপুত্তা য়েংলগা কেন্দ্র লৈঙাক্না রাজ্যদা অথুবা মতমদা প্রোগ্রাম অদু চৎননবা হায়রম্মী, লৈরিবা তোতি পুশিনবা মশিংগা শেল থুমগী চাওখৎপা খোঙথাং অনি অসি মান্ননা চৎমিন্নবা মতমদা রাজ্য অসিগী প্রফোর্মেন্সকী মতুং ইন্না অহেনবা শেল লাকপা ঙমগনি৷ রাজ্য অসিদা লুপা কোতি ৫৫.৬৭ ফংহনদুনা অমসুং চহিগী ওইবা এলোকেসন লুপা কোতি ১,১৮৯.৪০গা লোইননা অমসুং রাজ্যগী চান্নবা শরুক অদুগা য়েংনরগা কর্নাতকাগী খুঙ্গংগী মফমশিংদা লৈরিবা ইমুংশিংদা জল জীবন মিসনগী মখাদা তোতি শম্নবা লুপা কোতি ২,৭০৯.২৫ ফংহনগদৌরি৷

রাজ্য অসিনা পি.আর.আই.শিংদা ১৫শুবা শেঞ্জাগী কম্মিসন গ্রান্ত ওইনা লুপা কোতি ৩,২১৭ ফংলগনি শেনফম অদুগী তংখায় অমদি শোইদনা ঈশিং অমসুং সেনিতেসনদা থাদরগনি৷ রাজ্য অসিনা তোঙান তোঙানবা প্রোগ্রামশিং খুদম ওইনা এম.জি.এন.আর.ই.জি.এস., এস.বি.এম. (জি),পি.আর.আই.শিংদা ১৫শুবা শেঞ্জাগী কম্মিসন গ্রান্ত, দ্রিস্ত্রিক্ত মিনরেল ফন্দ, সি.এ.এম.পি.এ., সি.এস.আর. ফন্দ, লোকেল এরিয়া দিবেলপমেন্ত ফন্দগী মখাদা কনবর্জেন্স প্লান্নিং তৌবা দর্কার ওই৷ অসিগুম্বা ফন্দশিং অসি পুনশিন্দুনা ঈশিং ফংফম অমসুং থক্নবা ঈশিংগী অৱাৎপা লৈতনবা ঈশিং য়োক্তুনা মাংহনদনা থম্নবগী থবক কয়া পাংথোকপা য়ানবা খুঙ্গং খুদিংমক্কী ভিলেজ লেবেল অমসুং ভিলেজ এক্সন প্লান শেমগদবনি৷

খুঙ্গংগী লমশিংদা মতম কুইনা ঈশিং পীবগী সিস্তেম অসি লৈহৌনবা রাজ্যনা লোকেল ভিলেজ কম্যুনিতী/গ্রাম পঞ্চায়ৎ নত্ত্রগা প্লান্নিং তৌবদা য়াওবা য়ুজর কাংলুপশিং, ইমপ্লিমেন্তেসন, মেনেজমেন্ত, ওপরেসন অমসুং ঈশিং পীবগী মেন্তেনেন্স য়াওনবা হোৎনরি৷ খুঙ্গং খুদিংমক্তা আই.ই.সি. কেমপেন্ত কম্যুনিতী মোবিলাইজ তৌদুনা জে.জে.এম. অশেংবা মীয়ামগী ইহৌ অমা ওইনবা খোংথাং লৌখৎলি৷ খুঙ্গংগী মনুংদা লৈরিবা ঈশিং পীবগী ইফ্রাইস্ত্রকচর অমসুং মদু চলাইহনবা অমসুং য়েংশিন্নবগীদমক লৈঙাক্না সেল্ফ হেল্প গ্রুপ অমসুং ভোলুনতরী ওর্গনাইজেসন লিংখৎনবা হোৎনরি৷

জে.জে.এম.গী মখাদা ঈশিং চাংয়েং তৌবগী শরুক অমা ওইনা চহি অমদা ঈশিংগী সোর্স খুদিংমক কেমিকেল পেরামীতরদা অমুরক অমসুং কুমগী নোং তারবা অমসুং লোইরবা মতুং মহিক মতাই বেক্তরিয়া য়াওশিনব্রা হায়না অনিরক চাংয়েং তৌনবা প্রোবিজন শেমখ্রে৷ মদুগী মতুং ইন্না ঈশিং লৌফম খুদিং শুংশোই শোইদনা চাংয়েং তৌগদবনি হায়দুনা রাজ্যদা খঙহনখ্রে৷ অসিদসু নত্তনা প্রজা মীয়ামদা অফবা ঈশিং লেবোরেতরীগী খুদোংচাবশিং ফংহন্নবা হাংদোক্কদবনি হায়দুনা রাজ্যনা খঙহল্লকখ্রে৷ খুঙ্গং খুদিংদা থারক্লিবা ঈশিং অদু চাংয়েং তৌবা হৈনবা খুঙ্গং খুদিংগী নুপী ৫ তম্বীরি৷ লৈরিবা রাজ্য অমসুং জিলাগী থাক্তা লেবোরেতরীশিংদা থাজবা হেনগৎনবা য়াম্না কন্না হোৎনরি৷ ২০২০-২১দা কর্নাতকানা ঈশিং চাংয়েং তৌবগী লেব ৩০ হেন্না ফগৎহনবগী পান্দম থম্লি৷

চৎথরিবা কোবিদ ১৯ লাইচৎকী মতাং অসিদা খুঙ্গংগী লমদমশিংদা খুদক্তগী ঈশিং পীবগী অমসুং ঈশিং য়োকশিনদুনা থম্বগী মরী লৈনবা থবকশিং হৌনবা রাজ্যনা হায়রকখ্রে মসিনা হৈশিংলবা মাইগ্রেন্ত থবক শুবশিংবু থবক পীদুনা হিংনবগী পাম্বৈ অমা ওইহল্লনি অমসুং খুঙ্গংগী ইমুং খুদিংগী মীওইশিংদা অফবা থক্নবা ঈশিং ফংহল্লগনি৷

*****