কোবিদ-১৯ লাইচৎকী মতুং তারকপদা সরকারনা লাইরবশিং অমসুং খুদোংচাবা ফংজদ্রবা মীয়াম্না মশাগী শিনফমশিংদা হঞ্জিনবা ঙম্নবা লেপ্পা লৈতনা হোৎনরিবসিদা রাজ্যশিংদগী পুক্নিং থৌগৎনিংঙাই ওইবা পাউদম কয়া অমা পীনরক্লি।

ত্রাইবেল মীয়ামগী ওইনা য়েংবদা, ত্রাইবেল এফিয়র্স মন্ত্রালয়গী মীৎয়েং মখাদা ত্রাইফেদনা রাজ্য সরকারশিংদা বন্ধন ভেল্যু এদিসনগী থবক থৌরমশিং শৌগত্তুনা অতেনবা মতমগী অমসুং কুইনা চৎপা হিংনবগী লম্বী পীনবা খুদক্কী ওইবা শেল তান্নবগী ওইনা আর্তিকল ২৭৫ (আই)গী মখাদা এম.এফ.পি.গীদমক শেল থাদদুনা এম.এস.পি. নীংথীনা থবক ওইনা পায়খৎনবা প্লান তৌনবা খঙহনখ্রে।

মসিগী পাউতাক অসি মীয়াম্না পাম্নরে হায়বা উবা ঙম্লে। রাজ্য ১৭না লৈশিনবগী থবক পায়খৎপা হৌখ্রে অমসুং রাজ্যশিংনা স্কিম অসিগী মখাদা চাউরাক্না লুপা কোতি ৫০রোমগী ওইগদবা এম.এফ.পি. লৈশিনখ্রে। মসিগীসু মথক্তা, হোৎনরিবশিং অসিগী মরম্না, রাজ্য ৭তা লৈবা প্রাইবেৎ এজেন্সীশিংনা এম.এস.পি.গী মমলদগী হেন্না লুপা কোতি ৪০০ লোম য়ৌনা এম.এফ.পি. লৈখ্রে।

মতম চানা এম.এস.পি.গী খোংথাংশিং লাউথোকপা অসিনা অমসুং ত্রাইবেল এফিয়র্স মন্ত্রালয়না এম.এস.পি.শিংদা শেমদোকপনা অমসুং অসিগুম্বা ত্রাইফেদনা হোৎনরিবা কয়া অসিনা ত্রাইবেলশিংনা কৈথেলদা এম.এস.পি.দগী ফাওবা মমল হেন্না ভেল্যু ৱাংনা শেল ওন্থোকপা ঙমজরে।

মসিগীসু মথক্তা, রাজ্য ৬না ভি.দি.কে.শিংদা এম.এফ.পি.শিং স্কিম অসিগী মখাদা লৈশিন্নবা শেল থাখ্রে অমসুং মসিগী চেনেল অসিগী খুথাংদা লুপা কোতি ৪.০৩গী পোৎ-চৈ লৈখ্রে। রাজ্য ৭না আর্তিকল ২৭৫ (আই)গী মখাদা কোবিদ রিলিফকীদমক মখোয়গী রাজ্যগী ওইবা থৌরাংশিং শেম্বা হৌখ্রে অমসুং থৌরাংশিং অসি অয়াবা লৌনবগীদমক অমসুং শেল কাইথনবগীদমক মন্ত্রালয়দা অথুবদা মন্ত্রালয়দা পীশিল্লগনি।

পনবা য়াই, মমাঙদা, ত্রাইবেল এফিয়র্স মন্ত্রালয়না মসিগী কাংলুপ অসিবু মতেং পাংনবা অকক্নবা খোংথাংশিং লাউথোকপা লৈখ্রে মরমদি ত্রাইবেলশিংগী শেল অয়াম্বা মাইনর ফোরেস্ত প্রদ্যুসশিংদা য়ুম্ফম ওইবা থবকশিংদগী লাকপনা অমসুং এপ্রিল অমসুং জুন থা অসি মখোয়গী খ্বাইদগী চপ চাবা মতম ওইবননি। মন্ত্রালয় অসিনা স্কিম অসিগী "মিনিমম সপ্পোর্ত প্রাইসকী খুথাংদা মাইনর ফোরেস্ত প্রদ্যুস (এম.এফ.পি.)শিং য়োন্নবগী মেকানিজম অমসুং এম.এফ.পি.গী ভেল্যু চেন চাউখৎহনবা" চৎন-কাংলোন অমা উমংগী পোত্থোক খোমজিল্লিবশিংদা এম.এস.পি. পীনবা অমসুং ত্রাইবেল গ্রুপ অমসুং ক্লস্তরশিংগী খুথাংদা ভেল্যু এদিসন মার্কেতিং তাকপীনবগীদমক পুথোকখ্রে।

মে ১, ২০২০দা, সরকারনা এম.এফ.পি. ৫০গী এম.এস.পি.গী শেমদোক্লবা মমলগী লিস্ত অমা পুথোকখ্রে অমসুং এম.এফ.পি. অয়াম্বনা ত্রাইবেল গেদররশিংদা কান্নবা ফংজনবগীদমক ৩০-৯০% ফাওবা শেমদোকখ্রে। মসিগীসু মথক্তা, অহেনবা পোৎলম ২৩সু মসিগী স্কিম অসিদা এম.এস.পি. ওইনা হাপচিনখ্রে। হাপচিল্লিবা অসিনা লৌউ-শিংউগী পোত্থোক্কা অৱাং-নোংপোক্কী রাজ্যশিংদা ত্রাইবেলশিংনা খোমজিনবা হোর্তিকলচরগী পোত্থোক্কা পুনশিন্নহল্লে।

এম.এফ.পি.গী কাউন্ত অপুনববু মাইনর ফোরেস্ত প্রদ্যুস (এম.এফ.পি.) স্কিমগী মিনিমম সপ্পোর্ত প্রাইসকী মখাদা কাউন্ত ৭৩দা থমখিবা অমসুং রাজ্য খুদিংমক্তগী মাইনর ফোরেস্ত প্রদ্যুসশিং লৈশিনবগী তঙাই ফদবা খোংজেল পীগনি পীগদৌরিবা অমসুং রাজ্য সরকারশিংদগী পাউখুম লাক্নবগীদমক ত্রাইফেদনা লৌখৎলিবা খোংথাং অসিনা অৱাবা মাইয়োক্নরিবা ত্রাইবেল মীয়ামগী ফিবম খরমখৈ শাফরগনি।

*****