আয়ুশ মন্ত্রালয়না মোরার্জি দেসাই নেস্নেল ইন্সতিত্যুৎ ওফ যোগগা খুৎশম্নদুনা আই.দি.ৱাই. ২০২০গী হৌদোকপগী থৌরম ওইনা জুন ১০, ২০২০গী নুমিদাং পুং ৭তগীনা ৮ ফাওবা দি.দি. ন্যুজদা উৎকদৌরিবা তেলিবিজনগী থৌরম অমগী হোস্ত ওইগদৌরি। হায়রিবা থৌরম অসি আয়ুশ মন্তালয়গী ফেসবুক পেজদসু লাইব স্ত্রীম পীগদৌরি।

হায়রিবা হৌদোকপগী থৌরম অসিনা আই.দি.ৱাই. ২০২০ হৌগদৌবা নুমিৎ ১০নিগী কাউন্ত দাউন পীগদৌরি। কেন্দ্রগী আয়ুশ রাজ্য মন্ত্রী ওইরিবা শ্রী শ্রীপদ নাইক, রাজ্য মন্ত্রী (পি.এম.ই.) দা. জিতেন্দ্র সিংহ অমসুং ইন্দিয়ন কাউন্সিল ফোর কলচরেল রিলেসনগী প্রসিদেন্ত, দা. বিনে সহাস্রাবুদ্ধেনা লৈবাক মীয়ামদা ইলেক্ত্রোনিক্কী খুথাংদা ৱা ঙাংগদৌরি। আয়ুশকী সেক্রেতরী বাইদ্য রাজেশ কোতেচানা থৌরম অদুগী মীথুংলেন ওইগনি।

হৌদোকপগী থৌরম অসিগী মতুং নুমিৎ ১০নিদি (হায়বদি জুন ১১, ২০২০দগী জুন ২০, ২০২০ ফাওবা) দি.দি. ভারতি/দি.দি. স্পোর্তস্তা অয়ুক পুং ৮দগীনা ৮.৩০ ফাওবা কম্মন যোগ প্রোতোকোলগী ত্রেনিং সেসন উৎকনি। হায়রিবসি লৈবাক অসিগী মকোক থোংবা যোগ তাকপীবা ইন্সতিত্যুৎ অমা ওইরিবা মোরার্জি দেসাই নেস্নেল ইন্সতিত্যুৎ ওফ যোগ, নই দিল্লীনা কন্দক্ত তৌগনি।

যোগগী গুরু স্বামি রামদেব জী, শ্রী শ্রী রবিশঙ্কর জী, সধগুরু জগী বাসুদেব জী, দা. ঐচ.আর. নগেন্দ্র জী, শ্রী কাম্লেশ পতেল জী (দাদাজী), সিস্তর সিবানি অমসুং স্বামি ভারত ভুসন জীনা ঐখোয়গী পুন্সিদা যোগগী মরুওইবশিং অমসুং হকচাং ফনা লৈনবা অমসুং ৱাখল ফনা থম্নবা অমসুং অপুনবা ওইনা য়াইফনবগীদমক যোগবু করম্না শীজিন্নগনি হায়বগী মতাংদা শুগাইনা তাকপীগনি।

হৌজিক ওইরিবা কোবিদ ১৯ লাইচৎ অসিগী খুদোংচাদ্রবা মতম অসিগী মনুংদা মীয়াম্না করম্না য়ুমদা যোগ তৌবা য়াগনি হায়বগী মতাংদা মরু ওইবা ৱাফম কয়া থম্লদুনা মন্ত্রালয় অসিনা লৌখৎলিবা খোংথাংশিংগী মতাংদা মন্ত্রালয় অসিদগী শক্নাইরবশিংনা মীয়ামদা ৱা ঙাংগনি। এ.আই.আই.এম.এস.কী দিরেক্তর, এ.আই.আই.এ.গী দিরেক্তর অমসুং এম.দি.এন.আই.ৱাই.গী দিরেক্তরসু খঙ হৈরবশিংগী ফম্ফমদা শরুক য়াগনি।

হন্দক্কী চহি অসিদা লৌনগনবা লাইচৎ অমা ওইরিবা কোবিদ-১৯না লাকশিল্লক্লিবা মতম অসিদা আই.দি.ৱাই.না চোংথোক্লক্লি। মসিনা তাক্লে মদুদি, যোগ তৌবনা হকচাং ফহল্লিবা অমসুং ৱাখল ৱাবা ফহল্লিবা অসি হৌজিক ওইরিবা ফিবম অসিদদি য়াম্নমক চুন্নরে। মরম অসিনা, আই.দি.ৱাই.-২০২০গীদমক্তদি, হায়রিবসি মীয়ামনা ময়ুমদগী সোসিএল দিস্তেন্সিংগী কাঙলোন ইন্দুনা যোগ য়াওনবা অমসুং তমজনবা মতাং য়াম্না চারে। আয়ুশ মন্ত্রালয়না অমসুং অতোপ্পা স্তেক হোল্দিং ইন্সতিত্যুসনশিংনা থৌরম অসিবু শরুক য়ানবা শেম শাহৌনবা মখোয়গী পোর্তেলশিংদা অমসুং ফেসবুক, ইন্সতাগ্রাম, ত্বীতর অমসুং য়ুত্যুব য়াওনা অতোপ্পা সোসিএল মীদিয়াশিংদা তোঙান-তোঙানবা দিজিতেল রিসোর্সশিং পীবীরি। মালেম শীনবা থুংনা লৈরিবা যোগবু পামজবশিংনা জুন ২১গী অয়ুক পুং ৭ তাবা মতমদা অপুনবগী শক্তম উত্তুনা কম্মন যোগ প্রোতোকোল ময়ুম ময়ুমদগী নুংঙাইনা শরুক য়াগদৌরি।

*****