وزارت بجلی ، حکومت ہند اور وزارت برائے توانائی ، افادیت اور آب و ہوا ، حکومت ڈنمارک کے مابین انڈو۔ ڈنمارک توانائی تعاون سے متعلق مفاہمت نامہ پر ایک مضبوط ، گہرے اور طویل مدتی تعاون کو فروغ دینے کے لئے دونوں ملکوں کے درمیان مساوات ، باہمی منافع اور باہمی فائدے کی بنیاد پر بجلی کے شعبے میں دو ممالک کے مابین 5 جون ، 2020 کو دستخط کیے گئے۔

اس مفاہمت نامہ پر ہندوستان کی طرف سے سکریٹری (بجلی) جناب سنجیو نندن سہائے اور ڈنمارک کی طرف سے ہندوستان میں ڈنمارک کے سفیر مسٹر فریڈی سوانے نے دستخط کیے۔

اس مفاہمت نامہ میں آف شور ونڈ ، لانگ ٹرم انرجی پلاننگ ، پیشن گوئی ، گرڈ میں لچک ، مؤثر طریقے سے متغیر جنریشن متبادل طریقوں کو ضم کرنے اور چلانے کے لئے گرڈ کوڈوں کو مضبوط بنانے ، بجلی کی خریداری کے معاہدوں میں لچک پیدا کرنے ، پاور پلانٹ کے لچک کو فروغ دینے ، قابل تجدید توانائی کی پیداوار وغیرہ میں تغیر پزیری جیسے کئی شعبوں میں باہمی تعاون کی سہولت فراہم کی گئی ہے۔ ہندوستانی بجلی مارکیٹ کو ان شعبوں میں ڈنمارک کے ساتھ تعاون سے فائدہ ہوگا۔

شناخت شدہ علاقوں کے نفاذ کے لئے مفاہمت نامہ کے تحت ایک مشترکہ ورکنگ گروپ (جے ڈبلیو جی) قائم کیا جائے گا۔ جے ڈبلیو جی جوائنٹ سکریٹری سطح کے عہدیداروں کی زیرصدارت ہوگا اور دونوں جہتوں سے سکریٹری سطح کے افسر کی مشترکہ صدارت میں ایک اسٹیئرنگ کمیٹی کو رپورٹ کرے گا۔

حکومتیں ایم او یو کے ذریعے شناخت شدہ علاقوں میں باہمی فائدے کے لئے بجلی کے شعبے میں اسٹریٹجک اور تکنیکی تعاون کو فروغ دینے اور اس کی حوصلہ افزائی کے لئے ضروری اقدامات کرنے کی کوشش کریں گی۔

*************

م ن۔ن ا ۔م ف 

 (08-06-2020)

U: 3132