ভারত সরকারগী পাৱরগী মন্ত্রালয় অমসুং কিংদম ওফ দেনমার্ক্কী ইনর্জী, য়ুতিলিতীজ অমসুং ক্লাইমেতকী মন্ত্রালয় অনিগী মরক্তা থোং মান্ননা, মতেং পাংনদুনা অমসুং লৈবাক অনিমক কানমিন্নবা হায়বা হিরম অসিদা য়ুমফম ওইদুনা অকনবা, মরা চেৎপা অমসুং তুং কোইনা মতেং পাংন্নবগীদমক ইন্দো-দেনমার্ক ইনর্জী কোওপরেসন্দা য়ানবগী ৱারোল অদু ২০২০গী জুন তাং ৫দা খুৎয়েক পীনখ্রে৷

ভারতকী মাইকৈদগী পাৱরগী সেক্রেতরী শ্রী সঞ্জিব সহাই অমসুং দেনমার্ক্কী মাইকৈদগী ভারত্তা দেনমার্ক্কী এম্বাসেদর ওইরিবা শ্রী ফ্রেদী সবেন্তনা য়ানা ৱারোল অদুগী খুৎয়েক পীনখি৷

য়ানা ৱারোল অসিনা ওফসোর ৱিন্দ, তুং কোইনা চৎনগদবা ইনর্জী প্লান্নিং, ফোর্কাস্তিং, গ্রিদতা ফ্রেক্সিবল লৈনবা, ইন্তিগ্রেত তৌনবা গ্রিদ কোদশিং কন্সোলিদেসন তৌনবা অমসুং বেরাইএবল জেনেরেসন ওপ্সনশিং নীংথিনা চলাইনবা, পাৱর পর্চেজ এগ্রীমেন্তশিংদা ফ্লেকসিবল লৈনবা, পাৱর প্লান্ত ফ্রেক্সিবিলিতী ইন্সেন্তিবাইজ লৈনবা, রিন্যুয়েবল ইনর্জী পুথোকপদা মখল মখা কয়া লৈহনবা অসিগুম্বা হীরমশিং অসিদা মতেং পাংনবগী ৱারোল পল্লি৷ হিরমশিং অসিদা দেনমার্ক্কা পুন্না চৎমিন্নবা অসিদগী ভারতকী পাৱর মার্কেত্তা কান্নবা ফংলগনি৷

শকখংলবা লমশিং অসি ইমপ্লিমেন্ত তৌনবা য়ানা ৱারোল অসিগী মখাদা জোইন্ত ৱর্কিং গ্রুপ অমা শেম্লগনি৷ জোইন্ত ৱর্কিং গ্রুপ অদু জোইন্ত সেক্রেতরীগী থাক্তা ওফিসিয়েলশিংনা পুন্না লুচিংগনি অমদি নাকল অনিমক্তগী সেক্রেতরীগী থাক্তা লৈবা ওফিসরনা পুন্না লুচিংবা স্তীরিং কমিতীদা রিপোর্ত পীশিনগনি৷