ঙাকশেল মন্ত্রালয়
ওপরেসন সমুদ্র সেতু- আই.এন.এস. জলশ্ব মালদিবতগী ভারত মচা ৭০০কা লোইননা তুতিকোরিন্দা থুংখ্রে
Posted On:
07 JUN 2020 7:31PM by PIB Imphal
আই.এন.এস.জলশ্ব, ইন্দিয়ন নেভীগী “ওপরেসন সমুদ্র সেতুগী মখাদা জুনগী ৭, ২০২০দা মালে, মালদিবতগী পুথোরকখিবা ভারত মচা ৭০০কা লোইননা তুতিকোরিন হিথাংফমদা থুংখ্রে৷ হৌজিক ফাওবদা বন্দে ভারত মিসনগী শরুক অমা ওইনা আই.এন.এস. জলশ্বনা মালদিব অমসুং শ্রীলঙ্কাদগী ইন্দিয়াদা ভারত মচা ২৬৭২রোম পুথোরকখ্রে৷
ভারত মচাশিং পুথোরপগী থৌওং অদু মালদিবতা লৈবা ইন্দিয়ন মিসন্না পাঙথোকখি৷ মীওইশিং অদু স্ক্রিন্নিং নিংথীনা তৌরবা মতুংদা জহাজতা তোংহনখি৷ সমুদ্রগী লম্বী অদুদা কোবিদতগী ঙাকথোক্নবা মরী লৈনবা প্রোতোকোলশিং অদু চেকশিন্না ইনখি৷
পুথোরক্লিবা মীওইশিং অদু তুতিকোরিন্দা মফমদুগী ওথোরিতীশিংনা ওকখি অমসুং পুথোরক্লিবা মীওইশিং অদুগী হেল্থ স্ক্রিন্নিং, ইম্মিগ্রেসন অমসুং ত্রান্সপোর্তেসন তৌনবা মতিক চানা শিল্লম্মী৷
মী পুথোক্লিবা অসিগা মরী লৈননা, হৌজিক চত্থরিবা লাইচৎ অসিদা ইন্দিয়ন নেভীনা মানদিব অমসুং শ্রীলঙ্কাদগী ভারত মচা ২৮৭৪ মরমদমদা পুরকখ্রে৷
*****
(Release ID: 1630183)
Visitor Counter : 172