ପ୍ରତିରକ୍ଷା ମନ୍ତ୍ରଣାଳୟ
ଅପରେସନ ସମୁଦ୍ର ସେତୁ –ମାଳଦୀପରୁ 700 ଭାରତୀୟଙ୍କ ସହିତ ତୁତିକୋରିନ ପହଞ୍ଚିଲା ଆଇଏନଏସ ଜଳଶ୍ଵ
Posted On:
07 JUN 2020 7:31PM by PIB Bhubaneshwar
“ଅପରେସନ ସମୁଦ୍ର ସେତୁ” ପାଇଁ ନିୟୋଜିତ ଭାରତୀୟ ନୌସେନା ଜାହାଜ ଆଇଏନଏସ ଜଳଶ୍ଵ ମାଳଦୀପର ମାଲେରୁ 700 ଭାରତୀୟ ନାଗରିକଙ୍କୁ ନେଇ ଆଜି (07.06.2020) ତୁତିକୋରିନ ବନ୍ଦରରେ ପ୍ରବେଶ କରିଛି । ଏପର୍ଯ୍ୟନ୍ତ ବନ୍ଦେ ଭାରତ ମିଶନର ଅଂଶ ଭାବେ ଆଇଏନଏସ ଜଳଶ୍ଵ ମାଳଦୀପ ଏବଂ ଶ୍ରୀଲଙ୍କାରୁ 2672 ଭାରତୀୟ ନାଗରିକଙ୍କୁ ଭାରତକୁ ଫେରାଇ ଆଣିଛି ।
ବନ୍ଦେ ଭାରତ ମିଶନ ଦ୍ୱାରା ଭାରତୀୟ ନାଗରିକଙ୍କ ଯାତ୍ରା ମାଳଦୀପରୁ ଆରମ୍ଭ ହୋଇଥିଲା । ଆବଶ୍ୟକ ଡାକ୍ତରୀ ପରୀକ୍ଷା ପରେ ଭାରତୀୟମାନେ ଜାହାଜରେ ଯାତ୍ରା କରିଥିଲେ । କୋଭିଡ ସମ୍ବନ୍ଧୀୟ ସୁରକ୍ଷା ନିୟମଗୁଡିକ ମଧ୍ୟ ସମୁଦ୍ର ଯାତ୍ରା ସମୟରେ କଡାକଡି ଭାବରେ ପାଳନ କରାଯାଇଥିଲା ।
ଯାତ୍ରୀମାନଙ୍କୁ ସ୍ଥାନୀୟ କର୍ତ୍ତୃପକ୍ଷ ତୁତିକୋରିନଠାରେ ସ୍ଵାଗତ କରିଥିଲେ ଏବଂ ଶୀଘ୍ର ଅବତରଣ, ସ୍ୱାସ୍ଥ୍ୟ ପରୀକ୍ଷା, ଇମିଗ୍ରେସନ ଏବଂ ଯାତ୍ରୀଙ୍କ ପରିବହନ ପାଇଁ ସମସ୍ତ ବ୍ୟବସ୍ଥା କରାଯାଇଥିଲା ।
ବର୍ତ୍ତମାନର ମହାମାରୀ ସମୟରେ ଏହି ଫେରନ୍ତାଙ୍କ ସହିତ ଭାରତୀୟ ନୌସେନା ମାଳଦୀପ ଏବଂ ଶ୍ରୀଲଙ୍କାରୁ 2874 ଭାରତୀୟ ନାଗରିକଙ୍କୁ ଦେଶକୁ ଫେରାଇ ଆଣିଛି ।
**********
(Release ID: 1630108)
Visitor Counter : 283