নেস্নেল গেলরী ওফ মোদর্ন আর্ত, নই-দিল্লীনা জুন ৮দগী জুলাই ৩, ২০২০ ফাওবা ওনলাইন নাইমিশা কৌবা সমর আর্ত প্রোগ্রাম অমা পাংথোক্কনি হায়না লাউথোকখ্রে। হৌজিক ওইরিবা লায়চৎ অমসুং লোকদাউনগী মতমসিদা ম্যুজিয়ম অমসুং কলচরগী ইন্সতিত্যুসনশিংনা মহৌশাগুম হাংদোক্তুনা য়েংবা লাকপা মীওইশিংবু সেবা তৌবা ঙম্নদ্রি। মরম অসিনা এন.জি.এম.এ.না য়েংনিংবা মীওইশিংগী ওইনা ওইনা পাম্বৈ থিদুনা লাক্লি। মমাংগী থা অনিদগী এন.জি.এম.এ.না ভর্চুৱেল ওইনা অসিগুম্বা থৌরম কয়া পাংথোক্তুনা লাক্লি। তেক্নোলোজীদা চাউখৎলকপসিনা অসিগুম্বা থৌরম শিনবা য়াবগী খুদোংচাবা কয়া অমা পীরি। মরম অদুনা এন.জি.এম.এ.না মখোয়গী খ্বাইদগী মমিং চৎপা নাইমিশা প্রোগ্রাম অসি দিজিতেলগী খুত্থাংদা পাংথোক্নবা শেম শারি।

এন.জি.এম.এ., নই-দিল্লীনা থা অমা চত্থগদবা সমর প্রোগ্রাম অসিদা য়াওনিংবশিংনা মখোয়গী হক-শেলগী ফিভমদা য়াশিন্নবা লৈতনা মসিদা য়াওরিবা আর্তিস্তশিং অসিগা লোয়ননা য়েকমিন্নবা অমসুং তম্বগী খুদোংচাবা অমা পীগনি। এন.জি.এম.এ.না ভর্চুৱেল ওইনা য়াওবা য়ানবা হায়দুনা থৌরম অসিগী মনুং চনবা ৱর্কশোপ মরি পাংথোক্নবা শিন লাংদুনা থম্লে। জুন ১দা ৱর্কশোপ অসিগী মতাংদা লাউথোকরকখিবা মতমদা মীয়াম্না য়াম্না পাম্নখি অমসুং য়াওনিংবা মীওই ৬০০না মিং পীখৎলকখি। ওনলাইন নাইমিশা প্রোগ্রাম অসিদা লাই য়েকপগী ৱর্কশোপ, মুর্তি শাবগী ৱর্কশোপ, প্রিন্তমেকিং অমসুং ইন্দ্রজাল-আর্তকী মেজিক (ইন্তরদিসিপ্লিনরী ক্রিএতিব ৱর্কশোপ তু অন্দর্স্তেন্দ ফ্রীদম) কৌবা ৱর্কশোপ মরি জুন ৮, ২০২০দগী হৌদুনা জুলাই ৩, ২০২০ ফাওবা পাংথোক্কনি। ওনলাইন ৱর্কশোপ অসি কাংলুপ অনি থোক্না পাংথোক্কনিঃ কাংলুপ ১-অয়ুক্কী পুং ১১দগী ১১.৩৫ ফাওবদা চহী ৬তগী ১৫ ফাওবগী অমসুং কাংলুপ ২- নুংথিলগী পুং ৪দগী ৪.৩৫ ফাওবদা চহী ১৬ অমসুং মথক্কী চহীশিংগী ওইবা কাংলুপ।

নেস্নেল আর্ত গেলরী ওফ মোদর্ন আর্তকী দাইরেক্তর শ্রী অদৱাইতা চরন গরানায়ক্না হায়খিবদা নেস্নেল আর্ত গেলরী ওফ মোদর্ন আর্ত (এন.জি.এম.এ.)কী অহানবা দাইরেক্তর অমা ওইনা ম্যুজিয়মশিং অসি মীয়ামদা ভর্চুৱেল ওইনা ফংহনবা পাম্মি হায়খি। সমর আর্ত প্রোগ্রাম ২০২০ অসিনা ঐখোয়গী খুন্নাইগী কাংলুপ খুদিংদা ম্যুজিয়ম অমসুং মসিগী থবক থৌরমশিংবু খংহনবা অমসুং মসিদা শরুক য়াহনবগী অহানবা খোংথাংনি। নিংথৌকাবা নুমিত্তগী হৌরগা মহাক অমসুং সেনিয়র-জুনিয়র আর্তিস্তশিংনা মীয়ামগী স্ক্রীন্দা লাক্তুনা মীয়াম পুন্দুনা আর্ত শেম শাবা তম্মিন্নরগনি হায়না হায়খি। প্রোগ্রাম অসিগী মমিং নাইমিশা অসিনা মীয়াম্না মখোয়গী ঙমজবা অমসুং পুক্নিং কত্থোকচবা শেংলবা মফমদুবু তাক্লিবনি। মহাক্না এন.জি.এম.এ.না পাংথোক্লিবা থবকশিং অসিনা মরু ওইনা মহৈ তম্বগী লমদা পাক চাউনা শন্দোকখিদুনা ইন্সতিত্যুসন অমা ওইদুনা খুন্নাইগী মীওই খুদিংমক্তা য়ৌহনবগী ৱাখল্লোন্দা থাজবা লৈ হায়না মখা তানা হায়খি।

নাইমিশা ২০২০ সমর আর্ত প্রোগ্রাম অসিদগী খনগৎলবা আর্তকী থবকশিং অসি মীয়াম্না অথুবা মতমদা য়েংবা য়ানবা এন.জি.এম.এ.গী কলচরগী মীদিয়া প্লেৎফোর্ম ওইরিবা সো-হামদা হাপকৎকনি।

মসিগী অকুপ্পা ৱারোলশিং অসি এন.জি.এম.এ.গী ওফিসিএল ৱেবসাইৎ অমসুং ফেসবুক পেজদগী খংবা য়াগনি। মখা তাবা পাউগীদমক্তা পীরিবা অসিদা চংবিয়ুঃ

এন.জি.এম.এ.গী ৱেবসাইৎ: http://ngmaindia.gov.in/ 

এন.জি.এম.এ., নই-দিল্লী ফেসবুক পেজ: https://www.facebook.com/ngmadelhi

এন.জি.এম.এ.গী ত্বীতর: https://twitter.com/ngma_delhi

*****