অৱাং নোংপোক লমদমগী চাউখৎ-থৌরাং মন্ত্রালয়

মোদী লৈঙাক ২.০গী মখাদা দোনর মন্ত্রালয়গী চহি অমগী এচিবমেন্তশিংগী মতাংদা বুকলেত অমা অমসুং মদুগী ই-ভর্জন কেন্দ্র মন্ত্রী দা: জিতেন্দ্র সিংনা পুথোকখ্রে

এন.ই. রিজন অসি চাউখৎবা অমদি কোরোনা মেনেজমেন্তকী রোল মোদেল অমা ঔইনা লিৎখৎলক্লি

দা: সিংহনা দোনর মন্ত্রালয়বু ইং ২০১৯-২০ মনুংদা এক্সপেন্দিচর চাদা ১০০ শীজিন্নবা ঙম্বগীদমক থাগৎখ্রে

Posted On: 06 JUN 2020 5:08PM by PIB Imphal

দিবেলপমেন্ত ওফ নোর্থ ইস্তর্ন রিজন (দোনর), এম.ও.এস. পি.এম.ও., পর্সোনেল, পব্লিক গ্রিভান্সেস অমদি পেন্সন্স, এতোমিক ইনর্জী অমদি স্পেসকী কেন্দ্রগী রাজ্য মন্ত্রী দা: জিতেন্দ্র সিংহনা ঙসি মফমসিদা দিপার্তমেন্ত ওফ দিবেলপমেন্ত ওফ নোর্থ ইস্তর্ন রিজন মন্ত্রালয় (এম. দোনর)না চহি অমসিদা ফংবা ঙমখিবা পান্দমশিং য়াওবা বুকলেৎ অমা অমদি মদুগী ই-ভর্জন পুথোকখ্রে‍। দোনর মন্ত্রালয়গী সেক্রেতরী অমদি দিপার্তমেন্ত অদুগী অতৈ মকোক থোংবা ওফিসরশিং শিল্লোংদগী ভিদিও কন্ফরেন্সিংগী খুত্থাঙদা শরুক য়াখি‍।

থৌরমদুদা ৱা ঙাঙলদুনা দা: জিতেন্দ্র সিংহনা ফোঙদোকখিবদা অৱাং নোংপোক লমদম অসি হীরম অমদগী হেনবদা রোল মোদেল অমা ওইনা লিৎখৎলক্লি‍। হৌখিবা চহি তরুকসিদা চাউখৎপগী মায় পাক্লবা মোদেল অমা ওইনা লিৎখৎলক্লবা মতুংদা, লমদম অসি অমুকসু কোরোনা মেনেজমেন্তকী রোল মোদেল অমা ওইবা ঙম্লে অদুগা অমুকসু হান্নগী থবক ইনখাঙ শুবগী ফীভমদা হঞ্জিন্দুনা লমদম অসিনা লৈবাক পুম্বদা তমজনিংঙাই ওইবা মোদেল অমা খুদোল তম্লি‍। মসি হৌখিবা চহি ৬সিদা প্রধান মন্ত্রী নরেন্দ্র মোদী লৈঙাক্তগী অৱাং নোংপোক লমদমনা ফংলিবা অহেনবা মীৎয়েং অমদি তেংবাং অসিনা মসি ওইথোকপা ঙম্লিবনি হায়না দা: সিংহনা ফোঙদোকখ্রে‍।

দা: জিতেন্দ্রনা এম.দোনর কাংবুবু ইং ২০১৯-২০ মনুংদা এক্সপেন্দিচর চাদা ১০০ শীজিন্নবা ঙম্বগীদমক থাগৎলদুনা হায় মদুদি লম্বী, রেল অমদি নোংথক্কী কন্নেক্তিভিতীগী লমদা মশক থোক্না চাউখৎপা পুরক্তুনা লমদম অসিদখক্তা নত্তনা লৈবাক শিনবা থুংনা পোৎচৈ অমদি মী চত্থোক চৎশিনদা চাউনা কান্নবা ফংলে‍। হৌজিকফাওবদা লমদম অসোমদা পার্সেল ফেসিলিতীগী মথক্তা এয়র কার্গো সপ্প্লাই তন ৪০০ হেন্না ফংখ্রে‍। কোবিদ মতম লোয়খ্রবা মতুংদা ৱাদা অখন্নবা শাফু পীদুনা লমদম অসোমগী নহা ওইরিবা ওন্ত্রপ্রিন্যুরশিং তোঙান তোঙানবা লমশিংদা মমি অমমম থম্বা ঙম্লগনি‍।

মন্ত্রীনা হায়খি মদুদি হৌখিবা চহি অমসিদা অৱাং নোংপোক লমদমদা ইন্ফ্রাস্ত্রকচর, ইনর্জী অমদি অতৈ সেক্তরশিংদা মশক থোক্না চাউখৎপগী মমী উবা ফংলে‍। এন.ই.আর.দা চাউখৎপা পুরক্নবগীদমক জি.বি.এস.কী চাদা ১০ খাক্তুনা থম্বা হায়বা লৈঙাক্কী থৌরাংগী মখাদা নন-একজেম্প দিপার্তমেন্ত ৫৫না আর.ই. থাক্তা এন.ই. স্তেৎশিংদা লুপা ক্রোর ৫৩,৩৭৪ পীরকখ্রে‍। জি.বি.এস.কী মথক্তা রেলৱেজনা লুপা ক্রোর ৪৭৪৫ কাইথোকখ্রে‍। অৱাং নোংপপোক্তা ইকায়খুম্নরবা পি.এম.গী মীৎয়েং ময়েক শেংনা উৎলদুনা জি.বি.এস.কী চাদা ১০গী মখাদা ফংলিবা শেনফম ৱাংনা হেনগৎলক্লি‍।

হৌখিবা চহি অমসিদা অয়াবা পীখিবা, হৌখিবা অমদি লোইশিনবা ঙমখিবা অচৌবা প্রোজেক্ত খরা অমদি দোনর মন্ত্রালয়গী মশক থোকপা এচিবমেন্ত খরা মখাদা পল্লি‍:

  • লুপা ক্রোর ৯২৬৫কী শেনফমদা অয়াবা পীখিবা ইন্দ্রধনুস গ্যেস গ্রিদ প্রোজেক্ত অসি স্তেৎ নিপানমক য়ৌবা কিমি ১৬৫৬ শাংবা নোর্থ ইস্ত গ্যেস পাইপলাইন গ্রিদ ওইগনি‍। মসিনা এন.ই.আর.দা অরুবা ইনর্জী ফংহনগনি অমদি ইন্দস্ত্রীগী চাউখৎপা পোল্লুসন থোকহন্দনা পুরকপদা শাফু পীগনি‍। মসিনা এন.ই.গী অকোয়বগী ফীভমবু মশাগী তরু তরুবা মওংদা ঙাক্তুনা থমবদা মতেং চাউনা ওইগনি‍।
  • অরুনাচল প্রদেশতা কেপিতেল কন্নেক্তিভিতী পীননবা পায়খৎপা গ্রীনফিল্দ হোল্লোঙ্গি প্রোজেক্তকী থবক হৌখ্রে‍। চাউরাকপা শেনফম লুপা ক্রোর ৯৫৫.৬৭ চঙগদৌরিবা প্রোজেক্ত অসি দিসেম্বর, ২০২২ ফাওবদা লোইশিনবা ঙম্লবা য়াই‍।
  • খাথংবা ত্রিপুরা অমদি বঙ্গলাদেশকী ছত্তোগ্রাম হিথাংফমদা লায়না চত্থোক চৎশিন ফংহন্নবা বেলোনিয়া-সব্রুম (কিমি ৩২.১২) রেলৱে লাইন রেলৱেজনা লোইশিল্লে‍। হৱাইপুর-লমদিং দব্লিং তৌবা, নিউ জলপাইগুরি-লমদিং প্রোজেক্তকী কিমি ২৫.০৫ শাংবা শরুক লোইশিল্লে‍।

অনৌবা কাইথোকপা থবকশিংদা য়াওরিবশিংদি (১) লুপা ক্রোর ২০৪২.৫১ চঙগদবা নিউ বোঙ্গাইগাওদগী অঘ্রি শরুক রঙ্গিয়া ফাওরগা (কিমি ১৪২ শাংবা); (২) মথংশিৎনা লুপা ক্রোর ৮৮৮ অমদি লুপা ক্রোর ৩৫১২ চঙগদবা সরাইঘাত অমদি তেজপুর-সিলঘাততা ব্রহ্মপুত্র মথক্তা শাগদবা থোংশিং; (৩) লুপা ক্রোর ২২৯৩ চঙগদবা কিমি ২৩৫২ শাংবা এন.ই.আর.গী বি.জি. রেলৱে নেতৱর্ক অপুম্বা ইলেক্ত্রিফিকেসন তৌবা‍।

  • লম্বীগী সেক্তরদা লুপা ক্রোর ৭৭০৭.১৭ চঙগদবা পুন্না কিমি ৫৩৬ শাংবা নেসনেল হায়ৱে প্রোজেক্ত ৩৫ পীখ্রে‍। অরুনচল প্রদেশতা প্রোজেক্ত ৩ (কিমি ৬৬ শাংবা) লোইশিল্লে‍।
  • ইন্দো-বঙ্গলাদেশ প্রোতোকোল (আই.বি.পি.) রুত অমদি এন.দব্লিউ২ (ব্রহ্মপুত্র) ফাওরগা কোলকতা অমসুং হল্দিয়া হিথাংফমদগী গুৱাহাতি তর্মিনেল ফাওবা কার্গো অচৌবা অমদি কন্তেনাশিং পুথোক পুশিন তৌবা হৌরে‍। ঈশিংগী লম্বী শীজিন্নবা হৌবা অসিনা পোৎচৈ পুথোক পুশিন তৌবদা চঙবা শেনফম য়াম্না হন্থহনবা ঙম্লগনি‍। আই.বি.পি. রুত অসি মখা তানা বঙ্গলাদেশকী শরুক্তা চাউরাক্না লুপা ক্রোর ৩০৮৪গী চঙনা শেমগৎলি‍।
  • কেন্দ্রগী বদজেত ২০২০-২১দা হৌদোকখিবা ক্রিসি উরান স্কিম মপুং ফানা চৎনহল্লে অমদি কিহোম, শিং, কিৱি, ওর্গানিক পোত্থোক্নচিংবা লৌউ-শিংউগী পোত্থোকশিং বাগদোগ্রা, গু ৱাহাতি অমদি অগর্তলা এয়র্পোর্ত্তগী পুথোক পুশিন তৌবা হৌরে‍।
  • অরুনাচল প্রদেশতা পায়খৎপা সুবান্সিরি হাইদ্রো পৱার প্রোজেক্ততা লৈরম্বা অয়েৎ-অপনশিং (লিগেল, পোলিতিকেল অমসুং এনভাইরনমেন্তেল) লৌথোকখ্রে অমদি মেগাৱাত ২০০০গী প্রোজেক্তকী (ইং ২০১১দগী পন্দুনা লৈরকখিবা) থবক হৌখ্রে অদুগা ইং ২০২৩ ফাওবদদি লোইশিল্লবা য়াই‍।

ইকাইখুম্নরবা মন্ত্রীনা হায়খিবদা হৌখিবা চহি অমসিদা মন্ত্রালয়গী এক্সপেন্দিচর লুপা ক্রোর ২৮০৩ অসি চহি অমগী মনুংদা শীজিন্নবা খ্বাইদগী য়াম্বা শেনফম ওইরি‍। মন্ত্রালয় অসিগী শেনবা চহি ২০১৯-২০গী এক্সপেন্দিচর লুপা ক্রোর ২৬৭০, আর.ই. এল্লোকেসনগী চাদা ১০০ অসিসু শেনবা চহি অমগী ওইনা খ্বাইদগী ৱাংবা ওইরি‍। অতোপ্পা মশক থোকপা এচিবমেন্তশিংদি:

  • এম. দোনর/এন.ই.সি.কী তোঙান তোঙানবা স্কিমশিংগী মখাদা লুপা ক্রোর ২৮০০ চঙবা প্রোজেক্ত ২১৫ লোইশিল্লে অমদি লুপা ক্রোর ২২৮৬ চঙগদবা অনৌবা প্রোজেক্ত ১৫২সু কাইথোক্লে‍।
  • কোবিদ-১৯ লান্থেংনবা শেনথুম মন্ত্রালয়না থাদোকখিবা লুপা ক্রোর ৭৯২৩.৭৮ অমদি হকশেল অমদি য়াইফ য়ুম্বাল মন্ত্রালয়না থাদোকখিবা লুপা ক্রোর ২৩৫.৫৯গী শেনফমগী মথক্তা এম.দোনর/এন.ই.সি.না অনতাইদ ফন্দ ওইনা লুপা ক্রোর ২৫ অমগসু পীখ্রে‍। মিজোরাম, মেঘলয়া, অরুনাচল প্রদেশ অমদি মনিপুরদা হকশেলগী মচাক মথুম ফগৎহন্নবগীদমক এন.ই.এস.আই.দি.এস.কী মখাদা এম.দোনরনা লুপা ক্রোর ১৫২.১৮গগী প্রোজেক্তশিং অয়াবা পীখ্রে‍। সি.বি.তি.সিও হোস্তেল ব্লোক, বর্নিহাত, গুৱাহাতি, অসাম অমদি এন.ই.সি. হাউস, নই দিল্লীদা ক্বারেন্তিন ফেসিলিতী ওইনা শকখঙলে‍।
  • এম.দোনরগী এন.ই.আর.এল.পি অমদি নেরপোর্ম্পকী লাইভলিহুদ স্কিমশৎংনা এন.ই.আর.গী স্তেৎ ৬তা দিস্ত্রিক্ত ১৫ কোন্শিন্দুনা লমদম অসোমগী ইমুং ৪,১২,৬৪৪দা হিংনবগী লম্বী শেম্বিরি‍। স্কিমশিং অসিগী মখাদা এস.ঐচ.জি. ৩৬৫৬১, এস.ঐচ.জি. ফেদরেসন ১৫০৬, কম্ম্যুনিতী দিবেলপমেন্ত গ্রুপ ১৫৯৯, নেচরেল রিসোর্সেস মেনেজমেন্ত গ্রুপ ২৮৯৯ অমসুং এন.এ.এম.আর.জি. লুপ ২৮৬ শেমখ্রে‍।
  • অৱাং নোংপোক লমদমদা এম.এস.এম.ই. অমসুং মাইক্রো ফাইনান্স সেক্তর য়োকখৎনবগীদমক মন্ত্রালয়গী জুন ২০১৯ অমসুং মে ২০২০গী মরক্তা খুৎয়েক পীনখিবা এম.ও.য়ু.দা য়াওরিবা লুপা ক্রোর ৩০গী তার্গেৎকী ৱাফমদা নেদফিনা লুপা ক্রোর ৪৭.০২ থাদোকখ্রে‍। মসিনা বি.এফ.সি.শিংগী খুত্থাঙদা অপুনবা ওন্ত্রপ্রিন্যুর ৫৩৯দা লমজিং লমতাকপীবগী সর্ভিস অমদি ওন্ত্রপ্রিন্যুর ৭৭তা ক্রেদিত লিঙ্ককী খুদোংচাবাসু পীখ্রে‍।
  • মন্ত্রালয় অমদি মসিগী এন.ই.সি., এন.ই. ঐচ.ঐচ.দি.সি., সি.বি.তি.সি. অসিনচিংবা লুপশিংনা পাঙথোকখিবা অচৌবা থৌরমশিংগী মরক্তা কেন্দ্রগী গৃহ মন্ত্রীনা থৌরম মপু ওইদুনা গুৱাহাতিদা পাঙথোকপা এন.ই.সি. প্লেনরী; ভরানসিদা পাঙথোকপা দেস্তিনেসন নোর্থ ইস্ত - য়ু.পি. অমদি বিহারগী নক্নবা মফমশিংদা এন.ই.আর.গী লমকোয়ফম, ইয়োং অমসুং খুৎশা হৈবগী পোত্থোকশিং উত্থোক্নবা; আইজোলদা পাঙথোকপা নোর্থ সস্ত হেন্দলুম এন্দ হেন্দিক্রাফ একজিবিসন; অমদি জে এন্দ কেদা পাঙথোকপা লী অমদি ৱাগী ৱর্কসোপ কম একজিবিসন অসিনচিংবা য়াওরি‍।

কেন্দ্র মন্ত্রীনা এম.দোনরগী কাংবুবু ইং ২০১৯-২০দা এক্সপেন্দিচর চাদা ১০০ শীজিন্নবা ঙম্বগীদমক থাগৎপা ফোঙদোকখি‍। মহাক্না মন্ত্রালয়বু অৱাং নোংপোক স্তেৎশিংবু কোবিদ-১৯ থেংননবা মচাক মথুম শেমগৎপদা মতেং পাংবগীদমক অমদি কেন্দ্রগী মন্ত্রালয় অমদি দিপার্তমেন্তশিংনা য়াওশিনবা মথৌ তাবা হীরম কয়ামরুমদা অৱাং নোংপো স্তেৎশিং অমসুং তোঙান তোঙানবা কেন্দ্রগী মন্ত্রালয়/দিপার্তমেন্তশিংগগী মরক্তা ঈ-পাউ ফাওদোক্নবগী লৌরিবা থৌদাংবুসু থাগৎপা ফোঙদোকখি‍। মহাক্না ওফিসরশিংদুদা খোঙজেল অদু লেঙদনা থমদুনা অফবা থবকশিং হেন্না তৌরক্নবা ৱাফমসু থমখি‍।

<><><><><>



(Release ID: 1630029) Visitor Counter : 6