ভারত সরকারগী নেস্নেল জল জীবন মিসন্না শেনবা চহি ২০২০-২১গীদমক পোদুচেরীগী এনুয়েল এক্সন প্লান অয়াবা পীখ্রে। য়ুনিয়ন তেরিতোরী অসিনা ২০২০-২১দা লেমহৌরিবা য়ুমথোং খুদিংদা তোতি ফংহন্নবা থৌরাং তৌরি। থবক অসিগীদমক কোবিদ-১৯গী মায়োক্নবা লৈরবসু লোকেল কম্যুনিতী য়াওনা খুঙ্গংগী থাক্তা থৌরাং খোংজেল য়াংনা চংশিল্লি। সোসিয়েল দিস্তেন্সিং ঙাক্না খুঙ্গংশিংদা গ্রাম সভাশিং পাংথোক্লি। লোকেল কম্যুনিতীনা খুঙ্গংশিংদা ৱাতর সপ্লাই সিস্তেমশিংগী প্লানিং, ইমপ্লিমেন্তেসন, মেনেজমেন্ত, ওপরেসন অমসুং মেন্তিনেন্সতা অচৌবা থৌদাং অমা লৌগনি। জল জীবন মিসনগী মখাদা তোঙান-তোঙানবা থাক্তা ৱাতর ক্বালিতী তেস্তিং লেবোরেতরীশিং লিংখৎলি। ৱাতর ক্বালিতী য়েংশিন্নবগীদমক কম্যুনিতীশিং শরুক য়ারি। কম্যুনিতীগা লোয়ননা এম্পৱার অমসুং এঙ্গেজ তৌনবা প্রোভিজনশিং ফংহল্লি, মদুগীদমক এক্সন প্লানশিং শেম শারি। খুঙ্গংগী লমদমদা ২৪x৭ সর্বিস দেলিবরীদা মিৎয়েং থম্নবা য়ুনিয়ন তেরিতোরীদা খংহনখ্রে। মসিনা খুঙ্গংশিংদা ৱাতর সপ্লাইগীদমক সেন্সর মোনিতরিংদা য়ুংফম ওইবা ইন্তর্নেৎ ওফ থিংজ (আই.ও.তি.) কন্দক্ত তৌনবসু থৌরাং তৌরি। জল জীবন মিসনগী থোংদা ভারত সরকারনা লৈবাক অসিদা লৈরিবা খুঙ্গংগী য়ুমথোং খুদিংদা ঈশিংগীদমক ফঙ্কস্নেল হাউসহোল্দ তেপ কনেক্সন অমা ফাংহন্নবা হোৎনরি। ফ্লেগশিপ প্রোগ্রাম অসিগী পান্দমদি খুঙ্গংগী প্রজাশিংবু মখোয়গী য়ুমদা পোতেবল ৱাতর ফংহন্দুনা পুন্সি মহিং ফগৎহনবা অমদি ইজ ওফ লিংবিং ফংহনবনি। প্রধান মন্ত্রী শ্রী নরেন্দ্র মোদীনা হৌখিবা ইন্দিপেন্দেন্স নুমিৎতা পীখিবা মহাক্কী ৱারোলদা লাওথোকখিবগী মতুং ইন্না, জল জীবন মিসন্না ২০২৪ ফাওবদা লৈবাক অসিগী খুঙ্গং লমদমশিংদা লৈরিবা য়ুমথোং খুদিংদা তোতি ঈশিং ফংহন্নবা হোৎনরি। প্রোগ্রাম অসিগীদমক লুপা ক্রোর লাখ ৩.৬০গী বজেৎ অমা কায়থোকখ্রে।

*****