কোল ইন্দিয়াগী সবসিদিয়রী ওইরিবা ৱেস্তর্ন কোল ফিল্দ (দবল্যু. সি.এল.)না মহারাস্ত্রা অমসুং মধ্য প্রদেশতা অপুনবা ওইনা চহীগী পুথোকপা ঙম্বগী চাং তন মিল্লিয়ন ২.৯ য়ৌবা কোইলাগী খোং ৩ হাংদোকখ্রে। কম্পেনী অসিনা প্রোজেক্ত অসিগীদমক অপুনবা কেপিতেল এক্সপেন্দিচর (কেপেক্স) ওইনা লুপা কোতি ৮৪৯ থাদগনি অমসুং মীওই ৬৪৭দা হকথেংননা থবক পীগনি। মধ্য প্রদেশকী মুখ্য মন্ত্রী শ্রী শিবরাজ চৌহন, মহারাস্ত্রগী মুখ্য মন্ত্রী শ্রী উধব থাকেরাই, কেন্দ্রগী রোদ অমসুং ত্রান্সপোর্ত অমসুং হাইৱে মন্ত্রী শ্রী নিতিন গদকারী অমসুং কেন্দ্রগী কোইলা অমসুং খোংগী মন্ত্রী শ্রী প্রলহাদ জোশিনা খোংশিং অদু ভিদিও কনফরেন্সকী খুথাংদা হাংদোকখি।

"দবল্যু.সি.এল.না শেনবা চহী ২০২৩-২৪দা কোইলা তন মিল্লিয়ন ৭৫ পুথোক্কনি। হায়রিবা খোংশিং অসি হাংদোকপনা কম্পেনী অসিনা মসিগী পনখৈ অসি য়ৌবদা মতেং পাংগনি অমসুং কোল ইন্দিয়ানা শেনবা চহী ২০২৩-২৪দা কোইলা তন বিল্লিয়ন ১ পুথোকপগী পান্দম থম্লিবসি য়ৌবদা মতেং পাংগনি।" হায়না কেন্দ্রগী কোইলা অমসুং খোংগী মন্ত্রী ওইরিবা শ্রী প্রলহাদ জোশিনা থৌরম অদুদা হায়খি।

দবল্যু.সি.এল.না হাংদোকখিবা খোং অহুম অদুদি, ক) অদাসা মাইন, হায়রিবসি মহারাস্ত্রগী নাগপুরদা লৈবা ওপন কাস্ত মাইননি, খ) কানহান্দা লৈবা শরদা অন্দর্গ্রাউন্দ মাইন গ) মধ্য প্রদেশকী পেঞ্চতা লৈবা ধনকাসা অন্দর্গ্রাউন্দ মাইননি। অদাসা মাইনগী চহীগী কোইলা পুথোকপগী চাং অসি তন মিল্লিয়ন ১.৫নি অমরোমদা শরদা অমসুং ধনকাসা মাইননা চহীদা কোইলা তন মিল্লিয়ন ০.৪ অমসুং তন মিল্লিয়ন ১ মথং শিৎনা পুথোক্লি।

কম্পেনী অসিনা দবল্যু.সি.এল. আই কৌবা সর্বিলিএন্স সিস্তেম অমসু খোংশিং অসিগী থবক থৌরমশিং য়েংশিন্নবা হাংদোকখ্রে অমসুং সম্বাদ কৌবা এপ অমসু ইমপ্লোয়ীশিং অমসুং স্তেকহোল্দরশিংনা পাউ ফাওননবা থৌরম অসিদা হৌদোকখি। দবল্যু.সি.এল. ই.ৱাই.ই.না কমপেনী অসিগী মরুওইবা খোং ১৫গী থবক থৌরমশিং পুংজা খুদিংগী কম্পেনী অসিগী কোইলা পুথোকপগী থবক ৭০% য়েংশিনগনি। মসিনা কোইলাগী স্তোক অমসুং সাইদিংশিংদা লৈবা কোইলাগী চাং, রেকশিংদা তেব থম্বা অমসুং রেলৱে্গী সাইদিংশিংদা হাপকৎপসু য়েংশিন্দুনা একাউন্তেবিলিতী য়েংশিনবদা মতেং পাংগনি।

সম্বাদ হায়বসি ইমপ্লোয়ীশিং অমসুং স্তেকহোল্দরশিংগী ওইবা মোবাইল অমসুং দেস্কতোপ এপ অমনি, মসিনা সজেসন/ফীদবেক/এক্সপরিএন্স ময়ামদা খংহন্নবা ভর্চুএল প্লেৎফোর্ম অমা ওইরগনি। ক্বেরীশিং অমসুং ফীদবেকশিং অদু ক্বীক রেস্পোন্স তীম্না নুমিৎ ৭নিগী মনুংদা পাউখুম পীগনি।

কোল ইন্দিয়াগী তোঙান-তোঙানবা সবসিদিয়রীশিংনা মধ্য প্রদেশ সরকারদা মখোয়না রাজ্য অসিদা কোবিদ-১৯ লাইচৎ লান্থেংনবদা পাঙ্গল ওইনবা লুপা কোতি ২০গী মতেং পীখি। কোল ইন্দিয়ানা নোং নিনি অসিদা মহারাস্ত্রা লৈঙাক্তা কোবিদ-১৯ থেংননবা লুপা কোতি ২০গী মতেং পীরগনি।

দবল্যু.সি.এল.না "মিসন ১০০ দেজ" হায়বা হন্দক্কী শেনবা চহী অসিগী পান্দম ফংনবগী লম্বী য়াৎপা মিসন অমা হৌদোকখ্রে। মসিগী মিসন অসিনা কম্পেনী অসিগী মরক্কী অমসুং অশাংবা পান্দমশিং ফংনবা হোৎনবদা মতেং পাংলগনি। কম্পেনী অসিগী হন্দক চহীগী কোইলা পুথোকপগী অমসুং মপানগী পান্দম অসি তন মিল্লিয়ন ৬২নি।

"মসিগী খোং ৩ অসি হাংদোকপসি শেনবা চহী ২০২৩-২৪দা মহারাস্ত্রদা ১৪ অমসুং মধ্য প্রদেশতা দবল্যু.সি.এল.গী অনৌবা প্রোজেক্ত ২০ হাংদোকপগী তুংগী ওইবা প্লানগী অহৌবনি। কম্পেনী অসিনা মসিগী প্রোজেক্তশিং অসিদা অপুনবা কেপিতেল এক্সপেন্দিচর লুপা কোতি ১২,৭৫৩ থাদগনি অমসুং মসিনা হকথেংননা মীওই ১৪০০০ হেনবদা থবক পীগনি" হায়না শ্রী জোশিনা হায়খি।

কম্পেনী অসিনা হৌখিবা চহী ৬ অসিদা অনৌবা অমসুং পাকথোক চাউথোকপগী প্রোজেক্ত ২০ লুপা কোতি ৫৩০০গী কেপিতেল এক্সপেন্দিচর অমসুং লম মাঙলবশিংদা হকথেংননা থবক ৫২৫০ হেন্না পীদুনা হাংদোকখ্রে।

দবল্যু.সি.এল.না শেনবা চহী ২০১৯-২০দা মমাংগী শেনবা চহীদগী ৮% হেন্দুনা কোইনা মিল্লিয়ন তন ৫৭.৬৪ পুথোকখ্রে।

*****