প্রধান মন্ত্রী শ্রী নরেন্দ্র মোদী অমসুং ওস্ত্রেলিয়াগী প্রধান মন্ত্রী স্কোত মোরিসন্না পুন্না জুন ৪, ২০২০দা পাংথোকখিবা ভারত-ওস্ত্রেলিয়াগী ভর্চুএল সম্মীৎ চত্থরিঙৈগী মতমদা অখন্নবা কোবিদ-১৯গী মতাংদা খুৎশম্নবা তেংবাং অমা লাওথোকখ্রে।

ভারত সরকারগী সাইন্স অমসুং তেক্নোলোজী মন্ত্রালয়গী দিপার্তমেন্ত ওফ সাইন্স এন্দ তেক্নোলোজী(দি.এস.তি.) অমসুং ওস্ত্রেলিয়াগী দিপার্তমেন্ত ওফ ইন্দস্ত্রী, সাইন্স, ইনর্জী এন্দ রিসোর্সেস(দি.আই.এস.ই.আর.)না পুন্না খুৎশম্নদুনা ভারত অমসুং ওস্ত্রেলিয়া সরকারনা পুন্না খুৎশম্নদুনা নাকল অনিমক্না সাইন্সতা শীল-লাংবা অমসুং ফন্দিং তৌবা প্লেতফোর্ম অমা ওইরিবা ওস্ত্রেলিয়া-ইন্দিয়া স্ত্রেতিজিক ফন্দ(এ.আই.এস.আর.এফ.)কী মখাদা সাইন্তিস্ত অমসুং রিসর্সরশিংদা কোবিদ-১৯গী রিসর্স প্রোজেক্কীদমক তৌনিংবশিং কৌখ্রে।

রিসর্সকী প্রোপোজেলশিং অদু এন্তিভাইরেল কোতিংশিং, অতৈ ঙাকথোক্নিংঙাই ওইবা তেক্নোলোজীশিং, দেতা এনালাইতিক্সশিং, মোদেলিং, এ.আই. এপ্লিকেসনশিং অমদি স্ক্রীনিং অমসুং দাইগ্নোস্তিক তেস্তিংশিং মরুওইবা মওংদা পাংথোক্নবদা পান্দমদা ৱাখল্লোন থম্লি। প্রোজেক্কী মতম অসি য়াম্লবদা থা ৬ শাংদোক্লগা থা ১২গী ওইগনি।

গ্রান্তকী খুদোংচাবা পীবা অসিগী পান্দম অসি তমথিরবা কোবিদ-১৯গী লায়চৎ অসিগী নান্থোরক্নবদা মীৎয়েং থম্বা মরিক চুম্বা ৱারোইশিনশিংগা কোন্ননা অপীকপা তেংবাংনিংঙাইগী ওইবা প্রোজেকশিংদা শেলগী তেংবাং পীনবনি। গ্রান্তকী খুদোংচাবা অসিনা পাম্লিবা অসি ভারত অমসুং ওস্ত্রেলিয়া লৈবাক অনিমক্তা কোবিদ-১৯গা মরি লৈনবা তীকা, থেরাপ্যুতিক্স, অমসুং দাইগ্নোস্তিক্সনচিংবগী লমদা অমসুং অমগা-অমগা তেংবাংনদুনা কান্নগদবা মওং অমদা হৌজিক-হৌজিকমপ্রোজেকশিং তৌবদা মকোক থংলিবা রিসর্স ইন্সতিত্যুতশিং অমসুং ইন্দস্ত্রীশিং পুনশিন্নরক্তুনা তমথিরবা কোবিদ-১৯গী লায়চৎ অসি মালেমগী ওইবা থাক্তা তৌরিবা থবকশিংদা মতেং পীবা ঙম্ননবনি।

মরিক চুম্বা ৱারোলশিং onlinedst.gov.inদা ফংবিগনি। ওনলাইন্দা ফোর্ম থাজিনবগী অরোইবা তাং অসি জুলাই ২, ২০২০নি।

*****