কেন্দ্রগী হ্যুমেন রিসোর্স দিবেলপমেন্ত মন্ত্রী শ্রী রমেশ পোখ্রিয়াল ‘নিশঙ্ক’ অমসুং এম.ও.এস. (আই./সি.), হাউজিং অমসুং অর্বান এফিয়ার্সকী মন্ত্রী শ্রী হর্দীপ এস. পুরিনা অহানবা ওইবা খোংথাং অমা – ‘দি অর্বান লর্নিং ইন্তর্নশিপ প্রোগ্রাম (তুলিপ)’ হৌদোকখ্রে। প্রোগ্রাম অসিনা লৈবাক শিংবা থুংবদা লৈবা অর্বান লোকেল বোদিশিং (য়ু.এল.বি.শিং) অমসুং স্মার্ত সিতিশিংদা অনৌবা গ্রেজুয়েৎশিংদা ইন্তর্নশিপ তৌবগী খুদোংচাবা পীগনি। থৌরম অসিদা প্রোগ্রাম অসিগী পোর্তেল অমসু হৌদোকখি। থৌরম অসিদা শ্রী অমিৎ খারে, সেক্রেতরী, ঐচ.আর.দি.; শ্রী দুর্গা শঙ্কর মিশ্রা, সেক্রেতরী, এম.ও.ঐচ.য়ু.এ.; শ্রী অনিল সাহসরাবুধে, চেয়রমেন, এ.আই.সি.তি.ই. অমসুং মন্ত্রালয় অমসুং এ.আই.সি.তি.ই.গী সেনিয়র ওফিসারশিংনা শরুক য়াখি।

https://twitter.com/DrRPNishank/status/1268433318833319936

থৌরম অসিদা ৱা ঙাংবদা শ্রী পোখ্রিয়ালনা খোংথাং অসি প্রধান মন্ত্রী শ্রী নরেন্দ্র মোদীগী লমদমসিগী নহাশিংগী হৈ-শিংববু শিজিন্নদুনা লৈবাক শেমগৎ শাগৎপগী মংলান অদুগী মতুং ইন্ননি হায়খি। মন্ত্রীনা তুলিপকী প্রোগ্রাম অসিনা অনৌবা ভারতকী মখোং শেম্বদা মতেং পাংগনি অমসুং খোংথাং অসিনা ঐখোয়গী মহৈরোয়শিংদা অর্বান লোকেল বোদিশিং অমসুং স্মার্ত সিতিগী অনৌবা ৱাখল্লোনশিংগী ইথিল পীগনি হায়না হায়খি।

নহাশিংবু থাগৎলদুনা শ্রী পোখ্রিয়ালনা ঐখোয়গী লমসিদা অখং অহৈগী অৱাৎপা লৈতে অমসুং মালেমগী চাউরবা কম্পেনীশিং, গুগল, মাইক্রোসোফ্ত, এদোবনচিংবা,গী সি.ই.ও./মকোকশিং অসি ভারত মচা ঙাক্তনি হায়খি। স্মার্ত ইন্দিয়া হেকাথোন, ইন্দস্ত্রী/পি.এস.য়ু./সরকার/সরকারগী লুপ নত্তবশিংগী খুদোংচাদবা কয়াগী ৱারোইশিন পীবা, গুম্বা খোংথাংশিং অসিদা ভারতকী মহৈরোয়শিংগী তৌবা ঙম্বশিংসু উবা ফংবা ঙম্মি হায়না মন্ত্রীনা হায়খি। ভারতকী মনুংদা লৈবা অর্বান লোকেল বোদি অমসুং স্মার্ত সিতী ৪৪০০গী খুত্থাংদা তুলিপকী প্রোগ্রাম অসিনা ইন্তর্নশিপ পীগনি হায়না শ্রী পোখ্রিয়ালনা হায়খি। মন্ত্রীনা এ.আই.সি.তি.ই.গী ওফিসিএলশিং, ঐচ.আর.দি. অমসুং হাউজিং অমসুং অর্বান এফিয়ার্সকী মন্ত্রালয়বু খোংথাং অসিগীদমক্তা থাগৎপা ফোংদোকখি অমসুং তুলিপকী প্লেৎফোর্ম অসিনা নহাশিংদা অনৌবা ৱাখল খলহন্দুনা মতমগী ওইবা তেক্নিক অমসুং থৌরাং কয়া শিজিন্নদুনা অর্বান লোকেল বোদিশিংবু শেমদোকপা ঙম্নবা খুদোংচাবা পীবা ঙমগনি হায়বগী থাজবা লৈ হায়না হায়খি। তোঙান তোঙানবা মন্ত্রালয় কয়ানা পুন্দুনা অসিগুম্বা খোংথাং কয়া পায়খৎলবদি লাক্কদৌরিবা মতমশিং অসিদা মহৈরোয় কোতি কয়াগী থবক পীবা ঙমগনি হায়না ঐচ.আর.দি. মন্ত্রীনা হায়খি।

প্রোগ্রাম অসিগী অকুপ্পা ৱারোলশিং তম্লদুনা শ্রী হরদীপ এস. পুরি, এম.ও.এস. (আই./সি.)না অহানবা চহীসিদা অনৌবা গ্রেজুয়েৎ ২৫০০০না ইন্তর্নশিপ তৌবা ফংবগী খুদোংচাবা ফংগনি হায়খি। মসিনা ইন্তর্নশিংদা অর্বান লোকেল বোদিশিংগী চাউরবা থবক থৌরমশিংগী মরমদা খংহনবতা নত্তনা মসিদগী তাল্লক্লিবা মহৈশিং অসি য়েংলগা ইন্দস্ত্রীশিংনা মখোয়দা থবক লায়না পীবগী খুদোংচাবসু লৈগনি।

তুলিপ অসি ‘এস্পিরেস্নেল ইন্দিয়া’গী হীরমগী মখাদা শেল-থুমগী মন্ত্রী শ্রীমতি নিরমলা সিতারামন্না লাউথোকখিবা বজেৎ ২০২০-২১গী মতুং ইন্না শেমখিবনি। লাউথোকখিবা অসি মখাগী অসুম্ননিঃ “লৈবাক শিনবা থুংনা লৈবা অর্বান লোকেল বোদিশিংনা চহী অমগী ওইনা অনৌবা ইঞ্জিনিয়রশিংদা ইন্ত্ররশিপ পীবগী খুদোংচাবা ফংহন্নবা প্রোগ্রাম অমা সরকারনা হৌদোক্লগনি”। অসিগুম্বা প্রোগ্রাম অসিনা ভারতকী চাউরবা দেমোগ্রাফীনা পীবা কান্নবশিং লৌবা ঙমহন্দুনা লাক্কদৌরিবা চহীশিংদা থবক নিংথিনা তৌবা ঙম্বা মীওইশিং লৈহনবা ঙমগনি। ভারত্তা তশেং তশেংবা পুন্সিগী থবকশিং পাংথোকপা অমসুং থবক ওইনা চাউখৎপা ঙম্নবগীদমক মাংজৌননা য়াৎথোকপা ঙমহনবগী মতিক হৈহনগদবা তেকনিকেল গ্রেজুয়েৎ কয়া অমা লৈ। সমাজ অসিদা লৈরিবা চাউখৎপগী লমশিং অসি ইচম চম্না মহৈ তম্লিবা অসিনদি খংহনবা ঙম্লোই। মসিগী মহুত্তা ‘থবক ওইনা পাংথোক্তুনা তম্বা’গী থৌওং চত্থদুনা ঐখোয়গী সমাজ অসিনা মহৈ মশিং তম্বগী মওং অসি ‘থবক ওইনা পাংথোক্তুনা তম্বা’গী মওংদা উবা তঙাই ফদে।

তুলিপনা ভারতকী গ্রেজুয়েৎশিংগী কৈথেলদা মমল লৈহনগনি অমসুং অর্বান প্লানিং, ত্রান্সপোর্ত ইঞ্জিনিয়ারিং, ইনবাইরনমেন্ত, ম্যুনিসিপাল ফাইনান্সনচিংবা তোঙান তোঙানবা হীরমশিংদা অখং অহৈ কয়া অমা পুথোকপা ঙমগনি। মসিনা শহরবু নিংথিনা শেন্নবা ঙমবা মীওই শেম্বা ঙম্বতা নত্তনা লন্নাই/সরকারগী শেক্তরশিংদা অখং অহৈ কয়া অমসু পীবা ঙমগনি। তুলিপনা অর্বান লোকেল বোদিশিং অমসুং স্মার্ত সিতিশিংদা কান্নবা য়াম্না পীগনি। মসিনা নহাশিংগী অনৌবা ৱাখল্লোন অমসুং তৌবা ঙম্বশিংবু শিজিন্নদুনা অর্বান ভারতনা থেংনরিবা খুদোংচাদবশিংগী ৱারোইশিন পুরকপা ঙমগনি। হেন্না মরু ওইবদি মসিনা সরকারনা খুন্নাইগা খুৎশম্নদুনা অমসুং সরকার-লাইরিক লাইশু-ইন্দস্ত্রী-সমাজপু অমত্তা ওইনা পুনশিন্দুনা পুরক্নবা হোৎনরিবা অসি ওইথোকপা ঙমহন্নবা মতেং পাংবা ঙমগনি। মরম অসিনা তুলিপ (‘দি অর্বান লর্নিং ইন্তর্নশিপ প্রোগ্রাম ‘)না ইন্তর্নশিংদা অনৌবা ইনর্জী পীদুনা থবক তৌনা তৌনা অনৌবা মহৈ তম্বীবা অমসুং ভারতকী অর্বান লোকেল বোদিশিং অমসুং স্মার্ত সিতিশিং করম্না মথৌ তৌবগে হায়বা পান্দম অনিমক পীবা ঙমগনি।

মসিগী প্রোগ্রাম অসি হৌদোকখিবা অসি এম.ঐচ.আর.দি. অমসুং আ.আই.সি.তি.ই.গী ইং ২০২৫ ফাওবগী মনুংদা মায় পাক্লবা ইন্তর্নশিপ কোতি ১ লৈহন্নবগী পান্দম থম্লিবা অসিগী য়াম্না চাউবা খোঙথাং অমনি। তুলিপ চলায়রিবা দিজিতেল প্লেৎফোর্ম অসিনা খংদোকপা, থবক্তা য়াওশিনবা, থবক হেন্না চাউথোকহনবা অমসুং ময়েক লানা খংনবা হোৎনবদা মতেং পাংগনি। প্লেৎফোর্ম অসিগী অপাম্বগী মতুং ইন্না য়ু.এল.বি.শিং/স্মার্ত সিতিশিংনা শেমদোকপা য়াই অমসুং ইন্তর্ন তৌরিবা মীওইশিংগী য়েংলগা কান্নবা কয়া হেন্না ফংহনবা য়াই। প্লেৎফোর্ম অসি কান্নবা মওংদা শিজিন্নবা য়াননবা নিংথিনা শেম্লবনি।

এম.ও.ঐচ.য়ু.এ. অমসুং এ.আই.সি.তি.ই.গী মরক্তা মেমোরেন্দম ওফ অন্দর্স্তেন্দিং অমসু খুৎয়েক পীনখ্রবনি। এম.ও.য়ু. অসিনা এম.ও.ঐচ.য়ু.এ. অমসুং এ.আই.সি.তি.ই.না চহী ৫গী মনুংদা চৎনগদবা কয়া পল্লি। প্লেৎফোর্ম অসিগী তেক্নিকেল সপ্পোর্ত্না এ.আই.সি.তি.ই.না পীগনি অমসুং এম.ও.ঐচ.য়ু.এ.না প্রোগ্রামেতিক নন-তেক্নিকেল সপ্পোর্ত পীগনি। এ.আই.সি.তি.ই.গী চেয়রমেন অমসুং এম.ও.ঐচ.য়ু.এ. অমসুং এ.আই.সি.তি.ই.গী মীহুৎ কয়া য়াওবা নৌনা শেম্লবা কম্মিতীসিগী চেয়রমেশিপ ওফ সেক্রেতরী, ঐচ.য়ু.এ.না খোংথাং অসিগী মতম মতমগী ওইবা মায় পাকপশিং য়েংশিনগনি।

খোংথাং অসি চলায়বদা লায়নবা হায়দুনা পান্দম, ইলিজিবিলিতী, কন্দিসনশিং, ইন্তর্ন তৌবগী মতম, থবক তৌবগী ৱারোল, চৎথোক চৎশিন তৌবগী অমসুং প্রোগ্রাম অসিগী থবক করম্না তৌগদগে য়াওবা গাইদলাইন অমসু শেম শাবা লোইরে। গাইদলাইন অসিদা য়ু.এল.বি.শিং অমসুং স্মার্ত সিতিশিংনা খুদোংচাবগী মতুং ইন্না শেমদোক্লবা ইন্তর্নশিংনা ইনগদবা চৎন-কাংলোনশিং য়াওরি। এম.ও.ঐচ.য়ু.এ.না প্রোগ্রাম অসিগী মখাদা মিসন অসিগী ওইনা চলায়বগী চাদিং অমসুং স্তাইপেন্দ পীবগী অয়াবসু পীখ্রে।

এম.ও.ঐচ.য়ু.এ.না রাজ্য সরকারশিংদা মখোয়গী শহরশিংদা ইন্তর্নশিপ অসি চাউখৎহন্নবা হায়গনি। মসিনা তুলিপকী মখাদা য়ু.এল.বি.শিং অমসুং স্মার্ত সিতিশিংগা রাজ্যগী সরকারশিংগা খুৎশম্ননা চৎমিন্নদুনা কেপাসিতি বিলদিং তৌবগী খোংথাং অমসু পায়খৎকনি। রাজ্য অমসুং য়ু.তি.শিংনা অর্বানগী থাক্তা লৈবা খুদোংচাবা অমসুং খুদোংচাদবশিং হেন্না খংবা ওইবনা মখোয়গী তঙাইফদবশিংগা চান্ননবা শিল্লগা তুলিপপু অসিগুম্লবা ইন্তর্নশিপ অসিগী মতেংনা হেন্না কান্নবা পীবা ঙমগনি।

রাজ্য সরকারশিং/য়ু.তি.শিংদা তুলিপপু পেরাস্তেতেল এজেন্সি/স্তেত ফাইনেসিএল ইন্তর্মেদিএরী অমসুং অতোপ্পা অর্বান দিবেলপমেন্তকা মরী লৈনবা এজেন্সিশিংগা মান্ননা লৈহন্নবা হায়খ্রে। তুলিপকী প্লেৎফোর্ম অসি মীপুং খুদিংগী ওইবনিনা অসিগুম্বা অহেনবা হাপচিনবা মতমদা অরুবা ওইরোই।

বি.তেক., বি.আর্চ., বি. প্লান., বি. এস.সি.নচিংবা লোয়রবা গ্রেজুয়েৎ অমা হেক্তনা গ্রেজুয়েসন লোয়বগী থা ১৮গী মনুংদা মখাগী অসিদা এপ্লাই তৌবা য়াগনিঃ

https://internship.aicteindia.org/module_ulb/Dashboard/TulipMain/index.php

*****