সাইন্স এন্দ ইঞ্জিনীয়রিং রিসর্স বোর্দ (এস.ই.আর.বি.)না হরিয়ানাগী হিসারদা লৈবা নেস্নেল সেন্তর ফোর ভেতেনরী তাইপ কলচর (এন.সি.ভি.তি.সি.), আই.সি.এ.আর.-এন.আর.সি.দা মখোয়গী লাইব্রেরীদা লৈবা অপীকপা মোলিক্যুল কেমিকেল ইনহিবিতর ৯৪ কোরোনাভাইরসকী মায়োক্তা এন্তিভাইরেল ওইনা শীজিন্নবা য়াব্রা য়েংনগীদমক ঙাক্লৌ পীনবা ৱাফম য়াখ্রে‍।

মোলিক্যুলশিং অদু হিস্তোন মেথিল ত্রান্সফরেস, হিস্তোন দিএসেতলেস অমদি দি.এম.এ. মেথিল ত্রান্সফরেসকুম্বা সেলুলর কাইনেসেস, ফোসফতেসেস অমসুং ইপিজিনেতিক রিগুলেতরশিং মথৌ তৌহনদবগীদমক খঙনৈ‍। মসিগী ইনহিবিতরশিং অসিগী তার্গেত কেন্সরদদি নীংথিনা খঙলে, অদুবু ভাইরসকী পুন্সি খোঙচৎতদি মখোয়গী শক্লোন খঙদ্রি‍। এন্তি-কোরোনাভাইরসকী মথৌ য়াওবা খনগৎলবা কেন্দিদেতশিং (হিত্স) দ্রগ-রেজিস্তেন্ত ভাইরস মখল পোকহল্লকপা য়াবগী মঙম থিজিনবখক্তা নত্তনা মখোয়গী থবক থৌওংগী মোলিক্যুলর মেকানিজমসু থিজিনগদৌরি‍।

চৎনরিবা মওংদা এন্তিভাইরেল দ্রগশিং অসি অকক্নবা ভাইরেল প্রোতিনদা হকথেংননা তার্গেত তৌদুনা শেমগৎপনি‍। অদুম ওইনমক, লাল্লোং অসি দ্রগ-রেজিস্তেন্ত ভাইরস থুনা পোক্লকপনা মরম ওইরগা তোয়না মায়থিবা নংগল্লি‍। হেন্না ৱাংবা ওর্গানিজমগা মান্নদবা মওংদা মশাগী ন্যুক্লিক এসিদ (আর.এন.এ.) সিন্থেসাইজ তৌজবা ভাইরেল এঞ্জাইম-ভাইরেল পোলিমরেস অমদা প্রুফরিদিং কেপাসিতী য়াওজদে‍। মরম অসিনা কোরোনাভাইরসকুমবা আর.এম.এ. ভাইরসতা ভাইরেল জিনোম সিন্থেসাইজ তৌরিঙৈ মতমদা লান্না য়াওশিনখিবা ন্যুক্লিয়তাইদশিং (ভাইরেল আর.এন.এ. শেম্লকপগী মচাকশিং) লৌথোক্নবা থৌওং লৈতে‍। প্রুফরিদিং কেপাসিতী য়াওদবনা মরম ওইরগা ভাইরেল জিনোমদা পোইন্ত ম্যুতেসন শৌগৎহল্লকই‍। মসিনা ভাইরেল প্রোতিনদা অহোংবা লাকহল্লি‍। হোংখ্রবা ভাইরেল প্রোতিনশিং অদু ফংলিবা এন্তিভাইরেল দ্রগশিংগা থেংনবা ঙম্বা ফীভম ওইহল্লকপা য়াই‍। ভাইরসশিংগী মসিগুম্বা মখোয় মশাবু থুনা অমদি তোয়না হোংবা ঙম্বা তুজুংনিংঙাই ওইরবা মঙম অসিনা সাইন্তিস্তশিংনা এন্তিভাইরেল দ্রগ শেম্বদা অচৌবা শিংনবা অমা ওইহল্লি‍।

ভাইরসশিংনা হোস্ত সেল মনুংদখক্তা মচা পোকপা ঙম্মী‍। হোস্ত (মীওইবা) সেল অমদা চাউরাক্না প্রোতিন ২৫,০০০রোম য়াওই‍। মচা পোক্লিঙৈ মনুংদা ভাইরসশিংনা মসিগুম্লবা সেলুলর প্রোতিনশিংগগা মশীং থিঙমদনা ইন্তরেক্ত তৌই‍। ভাইরস অমনা হোস্ত সেল মনুংদা মওং চুম্না মচা পোকপা ঙম্নবগীদমক তোঙান তোঙানবা সেলুলর প্‌রোতিন ১০০০ হেন্না মথৌ তাই‍।

“হিদাক লাংক্কী কেমিস্ত্রী রিছর্চতা কেমিকেল লাইব্রেরী স্কৃনিং অসি মরুওইনা সার্স-কোভ-২গুম্বা নৌনা শকখঙবা ইতিওলোজিক এজেন্তশিংগীদমক দ্রগ পুথোকপা অমদি শেমগৎপগী মতম শিংথানিংঙাই ওইন তেনশিনহনবা ঙম্বা কান্নরবা থৌওং অমনি‍। অসিগুম্বা মায়ওন অসিনা কান্নরবা ফার্মাকোফোরশিংদা থুনা শীজিন্নবা ফংহনবতা নত্তনা কান্ননিংঙাই ওইবা মোলিক্যুলর স্কাফোল্দশিং থিবদা মশিং য়ামহন্দে অমদি হাই-থ্রুপুত রোবোতিক এস্সেগসু চাশিন্নৈ‍। কোভ-২ ভেক্সিন প্রোগ্রামশিংদা ঙাক্লৌ পীবগা লোয়ননা এন্তি-কোরোনাভাইরস দ্রগ পুথোকপগী থবক থৌরমদসু মায় নীংথিনা ওনশিনবা হায়বসি শোয়ফদ্রব অমনি,” হায়না প্রোফ: সন্দীপ ভর্মা, সেক্রেতরী, এস.ই.আর.বি.না হায়খি‍।

এন.সি.ভি.তি.সি. সাইন্তিস্ত দা: নবীন কুমারনা অসিগুম্লবা সেলুলর প্রোতিনশিং, প্রোতিন-প্রোতিন (ভাইরস-হোস্ত) ইন্তরেক্সন, নৎত্রগা ইচম চম্না হোস্ত-দিরেক্তেদ এন্তিভাইরেল থেরাপী হায়না খঙনবা এন্তিভাইরেল দ্রগ শেমবগী ইপিজিনেতিক রিগুলেতরশিংদা তার্গেত তৌনবা তোঙানবা লাল্লোং অমসু থিজিল্লি‍। ভাইরসশিংনা ম্যুতেসনগী মতেংনা ৱাৎলিবা সেলুলর ফংসন অদু ইরায় লায়না হোংদোকপা ওইথোক্তবনা হোস্ত-দিরেক্তেদ এন্তিভাইরেলশিং অসি দ্রগ রেজিস্তেন্স থোকহনবগী চাং য়ামদে হায়না থাজনৈ‍। মসিগী মথক্তা ভাইরসশিংগী মথৌ তাবা হোস্ত ফেক্তরশিং অকক্নবা ভাইরস ফেমিলী অমগী মেম্বরশিংগী মরক্তা নৎত্রগা করিগুম্বদসু তোঙানবা ভাইরস ফেমিলীশিংগী মেম্বরশিংগী মরক্তসু তাশিন্দুনা থম্বা মরমনা হোস্ত-দিরেক্তেদ এন্তিভাইরেল এজেন্তশিং অসি ব্রোদ-স্পেক্ত্রম এন্তিভাইরেল ইফেক্ত পীগল্লি‍। দা: কুমারনা মহাক্কী সেলুলর প্রোতিনশিং, প্রোতিন-প্রোতিন (ভাইরস-হোস্ত) ইন্তরেক্সন, নৎত্রগা কোবিদ-১৯গী ইপিজিনেতিক রিগুলেতরশিংদা তার্গেত তৌনবা খুৎলায়শিং অসি ফংগনি হায়না ৱাখল তৌরিবা মচাকশিং অসি ইনস্তিত্যুৎ অসিগী অপীকপা মোলিক্যুল ইনহিবিতরশিংগী কল্লেক্সন অসিনা ওইগদৌরি‍।

অহেনবা অকুপ্পা ৱারোলগীদমক চান্বিদুনা কন্তেক্ত তৌবিয়ু, দা: নবীন কুমার, naveenkumar.icar[at]gmail[dot]com মোবাইল: +91 9992117990

*****