অকোইবগী ফিভম অমসুং ঊমংগী মন্ত্রালয়

মন্ত্রীমন্দলনা ভারত অমসুং ভুতানগী মরক্তা এনবাইরনমেন্তকী লমশিংদা খুৎশম্ননা চৎমিন্ননবগী য়ানা ৱারোল অয়াবা পীখ্রে

Posted On: 03 JUN 2020 5:10PM by PIB Imphal

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ভারত সরকার অমসুং ভুতানগী রোয়েল সরকারগী মরক্তা এনবাইরনমেন্তকী লমশিংদা খুৎশম্ননা চৎমিন্ননবগী য়ানা ৱারোল অয়াবা পীখ্রে।

অকুপ্পা ৱারোল

য়ানা ৱারোল অসিনা লৈবাক অনি অসিগী মরক্তা অকোইববু ঙাক শেনবা অমসুং মহৌশাগী পোত্থোকশিংবু ইক্বিতী, রেসিপ্রোসিতী অমসুং অমগা অমগা কান্নমিন্নবদা য়ুম্ফম ওইদুনা লৈবাক অমমমসিদা লৈরিবা আইনগী চৎন-কাংলোনশিং য়েংলদুনা তুং কোয়না খুৎশম্ননা চৎমিন্নবা য়াহনগনি।

নাকল অনিগী অপাম্বশিং অমসুং য়ানখিবশিংদা মীৎয়েং হেন্না চংলদুনা য়ানা ৱারোল অসিনা মখাদা পীরিবা অকোয়বগী হীরমশিং অসি খন্নগনিঃ

  • নুংশিৎ
  • ফত্ত-হাওদিশিং
  • কেমিকেল শেন্নবা
  • ঈশিং-নুংশিৎকী অহোংবা
  • পুন্না য়ানখিবা হীরমশিং

য়ানা ৱারোল অসি খুৎয়েক পীনবা নুমিত্তগী চৎনবা হৌগনি অমসুং মতুং তারকপা চহী তরা ফাওবা চৎনগনি। য়ানা ৱারোল অসিদা য়াওরিবা হীরমশিং অসিগী পান্দমশিং ফংবা ঙম্নবা লৈবাক অনি অসিদা লৈরিব্বা লুপশিং, লন্নাইগী কম্পেনীশিং, সরকারগী থাক পুম্নমক্কী ইন্সতিত্যুসনশিং অমসুং রিসর্স ইন্সতিত্যুসনশিংনসু খুৎশম্ননা চৎমিন্ননবা পুক্নিং থৌগৎলি। লৈবাক অনিসিনা পুন্না থবক তৌমিন্নগদবা কাংলুপ/অপুনবা মীফমশিং পাংথোক্নবা খন্নরি অমসুং থবক থৌরমশিং অসি হঙ্গৎনা য়েংশিন্দুনা মতম মতমগী ওইরক্লিবা ফিভমশিং অদু মাগী মাগী মরী লৈনবা মন্ত্রালয়/এজেন্সিশিংদসু খংহনগনি।

থবক পীবা ঙম্বগী মতিক য়াওনা মসিনা কান্নবা পীগদবা মরু ওইবশিং

য়ানা ৱারোল অসিনা অখংবশিং, খ্বাইদগী ফবা থৌওংশিং অমসুং পব্লিক অমসুং প্রাইবেৎ সেক্তরনা তেক্নিকেলগী মরমদা খংবশিং অমগা অমগা হায়নগনি অমসুং তুং কোইনা চাউখৎপা পুরক্নবা মতেং পাংগনি। য়ানা ৱারোল অসিনা য়ানবা হীরমশিংদা পুন্না থবক পায়খৎমিন্নবগী ওইথোকপা য়াবসু লৈ। তৌবতবু মসিনা থবক য়াম্না পীগনি হায়বদি তং তাদ্রি।

চাদিং

হৌদোক্লিবা য়ানা ৱারোল অসিদা তৌগদবা চাদিংশিং অসি পুন্না মীফম ফম্বা/পুন্না থবক তৌমিন্নগদবা কাংলুপ খক্তদা তৌগনি অমসুং ভারত অমসুং ভুতান্না মথং মথং ওইনা চাদিং তৌগনি। মী থারিবা লৈবাক্না মখোয়গী মীওইশিংগী চৎথোক চৎশিনগী শেল পুথোক্কনি অমসুং মখোয়বু ওক্লিবা লমদুনা মীফম ফম্বা অমসুং অতৈ লৈথোক লৈশিনগী শেল পুথোক্কনি। মসি হৌদোক্লিবা য়ানা ৱারোল অসিগী অকক্নবা চাদিং তৌবগী ৱাফম্নি।

য়ুমফম

য়ানা ৱারোল অমা সেন্ত্রেল পোলুসন কন্ত্রোল বোর্দ (সি.পি.সি.বি.), ভারতকী এনবাইরনমেন্ত, ফোরেস্ত অমসুং ক্লাইমেৎ চেঞ্জগী মন্ত্রালয় (এম.ও.ই.এফ.সি.সি.) অমসুং ভুতানগী রোয়াল সরকারগী নেস্নেল এনবাইরনমেন্ত কম্মিসন (এন.ই.সি.)না মরক্তা মার্চ ১১, ২০১৩দা খুৎয়েক পীনখি। মসিগী য়ানা ৱারোল অসি মার্চ ১০, ২০১৬দা চৎনবা লোয়খি। লোয়খিবা য়ানা ৱারোল অসিদা ফংখিবা কান্নবশিং অসি য়েংলদুনা নাকল অনিমক্কী সরকারনা মখা তানা অকোয়বগী মতাংদা খুৎশম্ননা চৎমিন্ননবগী ৱারেপ লৌখি।

*****



(Release ID: 1629185) Visitor Counter : 40