କ୍ୟାବିନେଟ
ପରିବେଶ କ୍ଷେତ୍ରରେ ଭାରତ ଓ ଭୂଟାନ ସହଯୋଗ ବୁଝାମଣାକୁ କ୍ୟାବିନେଟ ମଞ୍ଜୁରି
Posted On:
03 JUN 2020 5:07PM by PIB Bhubaneshwar
ପରିବେଶ କ୍ଷେତ୍ରରେ ସହଯୋଗ ବୃଦ୍ଧି ଲାଗି ଭାରତ ଓ ଭୂଟାନ ସରକାରଙ୍କ ମଧ୍ୟରେ ମୁଝାମଣାକୁ ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ମଞ୍ଜୁରି ମିଳିଛି ।
ଏହି ବୁଝାମଣା ଉଭୟ ଦେଶ ମଧ୍ୟରେ ପରିବେଶ ସୁରକ୍ଷା ଓ ପ୍ରାକୃତିକ ସମ୍ପଦ ପରିଚାଳନା କ୍ଷେତ୍ରରେ ଦୃଢ ଓ ଦୀର୍ଘସୂତ୍ରୀ ସହଯୋଗ ସ୍ଥାପନରେ ସହାୟକ ହେବ ।
ଉଭୟ ଦେଶର ଆଗ୍ରହ ଓ ଆବଶ୍ୟକତା ଅନୁଯାୟୀ ନିମ୍ନ କ୍ଷେତ୍ରରେ ସହଯୋଗ ବୃଦ୍ଧି ଲାଗି ବୁଝାମଣା ହେବ
· ବାୟୁ
· ବର୍ଜ୍ୟବସ୍ତୁ
· ରାସାୟନିକ ପରିଚାଳନା
· ଜଳବାୟୁ ପରିବର୍ତ୍ତନ
· ଉଭୟ ଦେଶଙ୍କ ସହମତି ଅନୁଯାୟୀ ଅନ୍ୟ ଯେ କୌଣସି ବିଷୟ
ଏହି ବୁଝାମଣା ସ୍ଵାକ୍ଷରିତ ତାରିଖଠାରୁ 10 ବର୍ଷ ପର୍ଯ୍ୟନ୍ତ ବଳବତ୍ତର ରହିବ । ଉଭୟ ପକ୍ଷର ସରକାରୀ ଓ ଗବେଷଣା ପ୍ରତିଷ୍ଠାନ ଏବଂ ବେସରକାରୀ ସଂସ୍ଥାମାନଙ୍କୁ ପରସ୍ପର ସହଯୋଗରେ କାର୍ଯ୍ୟ କରିବାକୁ ପ୍ରୋତ୍ସାହିତ କରାଯିବ । ଏହି ବୁଝାମଣା ଫଳରେ ଦୁଇ ଦେଶ ମଧ୍ୟରେ ଗବେଷଣା ଲବ୍ଧ ଜ୍ଞାନ, ଅନୁଭୂତି ଓ ଉତ୍ତମ କାର୍ଯ୍ୟଶୈଳୀର ଆଦାନପ୍ରଦାନ ଘଟିବ ଯାହାକି ଦୀର୍ଘସ୍ଥାୟୀ ବିକାଶ ଦିଗରେ କାର୍ଯ୍ୟ କରିବା ଲାଗି ସହାୟକ ହେବ ।
**********
(Release ID: 1629079)
Visitor Counter : 246
Read this release in:
Assamese
,
English
,
Urdu
,
Hindi
,
Marathi
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam