তমথিরবা কোবিদ-১৯গী লায়চৎ থোরকপদগী য়াম্না মরুওইশিল্লক্লিবা ওনলাইনগী সর্ভিসশিং ফংহন্নবা অমদি য়ৌহন্নবা ই.পি.এফ.ও.না এপ্রীল ১, ২০২০দা সবসক্রাইবর লাক্ষ ৫২.৬২গী নো ইয়োর কস্তমর(কে.ৱাই.সি.)দেতা অপদেত তৌখ্রে। মসিদা সবসক্রাইবর লাক্ষ ৩৯.৯৭কী আধারগা সীদিং তৌবা, সবসক্রাইবর লাক্ষ ৯.৮৭গী মোবাইল সীদিং তৌবা(ইয়ু.এ.এন. এক্তিভেসন তৌবা) অমসুং সবসক্রাইবর লাক্ষ ১১.১১গী একাওন্ত সীদিং তৌবগী থবকশিং য়াওরি। কে.ৱাই.সি. অসি য়ুনিভর্সেল একাউন্ত নম্বর(ইয়ু.এ.এন.) অদু কে.ৱাই.সি.গী দিতেলশিংগা লিঙ্ক তৌহন্দুনা সবসক্রাইবরশিংগী আইদেন্তিতী অদু চুম্মী-চুমদে য়েংবদা মতেং পাংবা অমুক্তংগী ওইবা থবক-থৌওংনি।

মখা তানা, অচৌবা স্কেলদা কে.ৱাই.সি. সীদিং তৌবা ঙমহন্নবা ই.পি.এফ.ও.না লোকদাউন লৈরিঙৈগী মতমদফাওবা সবসক্রাইবরশিংগী দিতেলশিং পুল্লপ ওইনা চুমথোক্নবা থবকশিং পাইখৎখ্রে। হৌখিবা থা অনীসিদা মসিনা মিং লাক্ষ ৪.৮১ চুমথোকপা, পোকপগী তাং লাক্ষ ২.০১গী চুমথোকপা অমসুং আধার নম্বরশিং লাক্ষ ৩.৭০ চুমথোকপা ঙমহনখ্রে। নাকল অমদনা লোকদাউন মনুংদা ওফিসতা স্তাফশিংনা সোসিএল দিস্তেন্সিং তৌহন্দুনা অশোই-অঙাম থোকহন্দনবা অদুগা নাকল অমরোমদনা সবসক্রাইবরশিংগীদমক্তা কে.ৱাই.সি.গী খুদোংচাবা ফংহনবগী মথৌ তারিবা অসি চাং পুবা ঙম্নবা ই.পি.এফ.ও.না য়ুমদগী থবক তৌনবা অমসুং কে.ৱাই.সি. অপদেত তৌবগী থৌওং অসি লায়থোকহন্নবগীদমক লাল্লোং অনী পায়খৎখ্রে। স্তাফশিংদা অয়াম্বনা নোংম-নোংমগী ওইবা থবকশিং পন্থদুনা লৈহৌগদবশিং অদু হন্থহন্দুনা কে.ৱাই.সি. অপদেত তৌনবা অমসুং দিতেলশিং চুমথোক্নবা থবকশিং পীখ্রে। আধার সীদিং তৌবদা আধারদুগী মপু ওইরিবা মীশক অদুগী মখা পোন্দনা সীদিং তৌবা অমসুং আধারগীদা পোকপগী তাং অদু চহী অহুম ফাওবা খেৎনবশিং অদু প্রমানগী ওইবা মওংদা য়াহনবগুম্বগী থৌওংশিং অদু থোইদোকপা মওং অমদা লায়থোকহনবা অসিনা থবক-থৌওং পুম্বদা খোংজেল য়াংখৎহনখ্রে।

কে.ৱাই.সি. অপদেসন তৌবনা পোর্তেলদগী মেম্বর অমবু ওনলাই সর্ভিস তৌবা ঙমহল্লি। মহাক্না অরোইবা ওইনা শেল লৌথোকপা অমসুং প্রধান মন্ত্রী গরীব কলয়ান য়োজনা(পি.এম.জি.কে.ৱাই.)গী মখাদা হন্দক্তা হৌদোকখিবা কোবিদ-১৯গী এদভান্সশিং য়াওনা এদভান্স কয়া ওনলাইন্দা ফাইল তৌবা য়াহল্লি। মসিনা থবকশিংদুগা চান্ননা থম্মগা পি.এফ. একাওন্ত অদু ওনলাইন্দা ৱানদনা ত্রান্সফর তৌবগী খুদোংচাবা অদু পী। কে.ৱাই.সি.দা য়াখ্রবা মী অদুনা দেস্কতোপ নত্রগা উমঙ্গ এপ্তগী ওনলাইনগী সর্ভিস পুম্নমক ফংগনি।

কোবিদকী অথিংবশিং থমজিনখিবা ওইরগসু, ই.পি.এফ.ও.না ওনলাইনগী মোদতা ওইহন্দুনা মাগী মীশিংগী থবকশিং অদু থোংজিন তান্না পুরক্নবগী ৱাফম অদু ঙাকখ্রে। ৱাকৎশিং কোকথোকহন্নবা, ই.পি.এফ.কী এদভান্সশিং, পি.এফ. ত্রান্সফর অমসুং পেন্সনগী থবক-থৌওংশিং তৌবদা চংবা মতম অদু ককথদুনা ক্বান্তীতী অমসুং ক্বালিতী অনীমক্তা মাগী সর্ভিস অদু ফগৎহন্দুনা ই.পি.এফ.ও.বুসু মতেং পাংখি।