نئی دہلی، یکم جون  2020  /  مرکزی وزیر داخلہ جناب امت شاہ نے آج بحیرہ عرب میں  سمندری طوفان سے نمٹنے کے لیے تیاریوں کے بارے میں این ڈی ایم اے ، این ڈی آر ایف ، آئی ایم ڈی کے افسران   اور بھارتی ساحلی محافظوں کے ساتھ اعلیٰ سطح کی ایک میٹنگ کی۔ امکان ہے کہ یہ طوفان مہاراشٹر ، گجرات اور دمن و دیو  کے کچھ علاقوں میں پہنچے گا۔

اس سے پہلے بھارت کے محکمہ موسمیات نے بتایا تھا کہ جنوب مشرق اور مشرق وسطی بحیرہ عرب اور لکشدیپ پر ہوا کا کم دباؤ مرکوز ہو گیا ہے اور قوی امکان ہے کہ یہ اگلے 12 گھنٹے کے دوران شدت اختیار کر لے اور یہ بھی امکان ہے کہ یہ اس کے نتیجے میں اگلے 24 گھنٹے میں مشرق وسطی  بحیرہ عرب پر ایک سمندری طوفان کی شکل اختیار کر لے۔

بعد میں جناب شاہ نے گجرات اور مہاراشٹر کے وزرائے  اعلیٰ جناب وجے روپانی اور جناب ادھو ٹھاکرے اور دادر و نگر حویلی اور دمن و دیو کے ایڈمنسٹریٹر  جناب پرفل پٹیل کے ساتھ ایک ویڈیو کانفرنس کی۔  وزیر داخلہ نے انہیں رفتہ رفتہ بڑھتے ہوئے طوفان کے پیش نظر مرکزی حکومت کی طرف سے ہر ممکن مدد کا یقین دلایا اور ان سے کہا کہ وہ اپنی ضروریات تفصیلی طور پر بیان کرے اور درکار وسائل کے بارے میں بتائیں تاکہ صورتحال سے نمٹا جا سکے۔

اسی دوران  این ڈی آر ایف نے گجرات میں 13 ٹیموں کو تعینات کیا ہے جن میں  سے دو ٹیمیں ریزرو ٹیمیں  ہیں  اور مہاراشٹر میں 16 ٹیموں کو تعینات کیا ہے جن میں سات ٹیمیں ریزرو ہیں۔  جبکہ دمن و دیو  اور دادر و نگر حویلی کے لیے ایک ایک ٹیم تعینات کی گئی ہے۔ این ڈی آر ایف ریاستی سرکاروں کو ، نشیبی صاحلی علاقوں سے عوام کو منتقل کرنے کے کام میں مدد دے رہی ہے۔

۔۔۔۔۔۔۔۔۔۔۔۔۔۔۔۔۔۔

م ن ۔ اس۔ ت ح ۔

2973U -