তাং ৩০.০৫.২০২০দা 'দি তেনাসিতী ওব সর্বাইবেল'- ইন্সপিরেস্নেল স্তোরী ওব কছ হায়না মমিং থোন্দুনা পাঙথোকখিবা তুরিজম মন্ত্রালয়গী ২৬শুবা দেখো অপ্না দেশ ৱেবিনার পরিংদা ভারতকী খ্বাইদগী চাউবা জিল্লা ওইরিবা গুজরাৎকী কছ জিল্লাগী পুৱারী, নাৎ, খুৎশা হৈবশিং, ইপা ইপুনা থম্বীরম্বা তেক্সতাইল অমসুং মহৌশাগী খুদোংথীবশিং লাকপা মতমদা থেংনবা ঙম্বা কছকী মীয়ামগী খাঙবা কনবা, ভারতকী চাউখৎলোনবু লেপ্পা লৈতনা মশক তাক্লিবা মখল শুরবা হৈশিংবশিং উৎখ্রে। হায়রিবা ৱেবিনার অসিনা "কছ য়েংদ্রবদি করিগুম্বা অমত্তা ঊদ্রবনি" হায়বা পাউজেল অসি উৎখি। দেখো অপ্না দেশ হায়বা ৱেবিনারগী পরিং অসি ভারতকী ইনাক খুল্লবা তোঙান-তোঙানবা মশকপু এক ভারত শ্রেস্থা ভারতকী মখাদা উৎনবা হোৎনবনি।

তুরিজম মন্ত্রালয়গী এদিস্নেল দিরেক্তর জেনরেল রুপিন্দর ব্রারনা ৱাতেমখিবা ৱেবিনারগী সেসন অসি ইন্দিয়ন কলচরেল হেরিতেজ রিসর্চকী দিরেক্তর দা. নবিনা জাফানা খুদোল তমখি।

মিস জাফানা মহাক্কী মতীক লৈরবা ৱারী লীবগী হৈশিংবনা ভারতপু মশক তাক্লিবা খেন্নবা লমশিং অমসুং তোৎনরবা হৌরকফমশিংবু ফজবা মওং অমদা পাউদমখি।

কছ হায়বসি থুমগী লৈকংলাগী লম অমনি, নাপীশিংগী হৌফমনি অমসুং মেংগ্রোবশিংগী লম অমনি। য়াম্না নুংঙাইরিবদি, মফম অসিদা ফংলিবা মেংগ্রোবশিং অসি মালেমদা অমত্তা ঙায়রবা ইনলেন্দ মেংগ্রোব অমা ওইবগীদমক মমিং চৎলি। কছকী রন খক্তনা ভারতকী থুমগী শরুক মরি থোকপগী মনুংদা অহুম পুথোক্লি। হায়রিবা মফম অসি কংফাল অমসুং থুমহী চেনবা ঈশিংদসু হিংবা ঙম্বা খরাই কাঙলুপকী উৎকী লৈফম অমনি। মখোয়না শমুদ্রগী ঈশিংদা ইরোইবা ঙমই অমসুং থুমহী চেনবা ঈশিং থক্তুনা অমসুং পাম্বীশিং চাদুনা হিংবা ঙমই।

উৎলিবা অদুগী মরুওইবশিংগী মনুংদা মৈহৌরোলগী মওংদা শাপা নম্বা আজ্রাখকী খুনাইদা ভর্চুএল ওইনা উন্নবনি। আজ্রাখ অসি ভারতকী গুজরাত অমসুং রাজস্থান্দা হৌজিকশু অদুমক চৎনরিবা খ্বাইদগী লিরবা ফিরোলদা শাপা নম্বগী মখল অমনি। মসিগী মওংদা নম্লবা ফিরোলশিং অসি মহৌশাদগী ফংবা মচু শঙনবা পোত্থোকশিং শীজিন্নদুনা ৱানা অমসুং মতম চঙনা নম্লিবা মফমশিং অদু ফাওদোক্তনবা হোৎনদুনা খুৎনা নমই।

সেমিনার অদুনা শরুক য়ারিবশিংবু চফু শাবা, ফিরোল শাবা অমসুং শউনগী পোত্থোকশিং পুথোকপগী থবক পায়খৎলিবা মরু ওইবা খুনাই অহুমগী বানিথেগী থুমগী লৈকঙলাদা পুবীরমই। মিস জাফানা ইয়র তোর্ন এসেতিক্সশিং (সিদ্ধী সিধান্ত কাংবু)গী মোনাস্তরীগী মরমদা অমসুং মোনাস্তরীনা চলাইবা লাঙ্গর (কম্ম্যুনিতী কিৎচন)গী মরমদা ঙাংলমই।

সুফিগী থাজনবীনা অরব শমুদ্রদা মহৌরোলদগী লৈরক্লবা হি শাবশিংবু লমজিংবীরিবা মান্দবিগী শমুদ্র খোঙবালগী শহর মচাবুসু কোনশিল্লমই।

ৱেবিনার অদুদা উৎখিবা কছপু পুক্নিং চিংশিল্লিবা অতোপ্পা হীরমশিংদিঃ

• ধোলাবিরা- ভারত্তা লৈবা য়ুনেস্কো মালেমগী হেরিতেজগী মফম অমা ওইরিবা অমসুং অনীশুবা হরাপানগী মফম। হায়রিবসিমক শহর শেম্বা অমসুং আর্কিতেকচরগী মতীক চারবা খুদম অমনি।
• ফোসিল পার্ক
• কছকী রন- অরব শমুদ্রগী থুমগী লৈকঙলা
• কালা দুঙ্গর
• গুরু গোর্কানাথকী লাইশঙ
• নরায়ন সরোবারগী লাইশঙ
• লাখপোর্তকী লানবন অমসুং হিথাংফম
• সুরান্দো- নুংশিবা ঈশৈগী শুর খোংবা ৱাহোংগী মওং মানবা তোপ-তোপ্পা জন্ত্র
• থালি জগোই- লুহোংবা অমসুং অঙাং পোকপা মতমদা হরাউবা ফোংদোকপা ওইনা শাবা হকচাং তুহন্দনবা হোৎনবা জগোই
• তুফান- "সমুন্দর কী মস্তী" হায়না খঙনবা মহাশগরগী মমিং লৈরবা জগোই
• ৱাই সুফি মিস্তিক্স

ধোর্দো হায়বসি গুজরাৎকী কছ জিল্লাগী ভুজ তালুকাদা লৈবা খুঙ্গং অমনি। হায়রিবা মফম অসিগী অকোইবগী ফিবম্না অতোপ্পা শিনফমদা চান্নদ্রবসু লমকোইবগা মরী লৈনবা থবক্তদি অতোপ্পা মফমশিংদগী অদুক্কী মতীক হেল্লি। নবেম্বরদগী মার্চফাওবদা পাঙথোকপা রন উৎসব অসি গুজরাত্তা তুরিজম লাক্নবগী অচৌবা মরম অমা ওইরি। মসিগী ধোর্দোগী অঙৌবা রনবু মীয়াম্না পাম্নবা লমকোইবশিংগী পুক্নিং চিংশিনবা মফম অমা ওইরকখিবা অহোংবা অসিনা ধোর্দোগী অকোইবদা মতম খরগী অমসুং মতম চুপ্পগী ওইবা লৈফম পীনবা শাগৎপগী অচৌবা মরম অমা ওইখি। মীওইবগী মপুং ফারবা ইথিল, মঙলান অমসুং ইন্তর্প্রাইজনা মফম চাদবা জগা অসিবু সোসিও ইকোনোমিক অমসুং কলচর ভাইব্রেন্সি অমা শাগত্তুনা মফম অসিগী মীয়ামদা মরোমদোম লেপচবা ঙম্নবা অমসুং চাউথোকচনবনি। মসিগী মনুংদগী খ্বাইদগী মীয়াম্না পাম্নরিবদি গুজরাত তুরিজমগী মতেংনা পাঙথোকপা রন উৎসব তেন্ত সিতীনি।

রন কুম্হৈ অসি চহী খুদিংগী দিসেম্বরদগীনা ফেব্রুৱারীফাওবা পাঙথোকই। ভুজ শহর অসি তঙাইফদবা পোৎলম খুদিংমক ফংহন্দুনা তেন্ত সিতী ওন্থোকই। কুম্হৈ অসিদা বি.এস.এফ.কী বেন্দ, হোৎ এয়র বলুনিং, নাৎকী ঈশৈ অমসুং জগোই, দুকানশিং অমসুং নাৎকী ওইবা ইনশাং মথেল কয়ানা পুক্নিং চিংশিল্লি।

কছকী অশেং মশক খঙনবগীদমক নুমিৎ ৩-৪ অমসুং ৭-৮গী ইতিনররি মীয়ামদা পীরি। ইতিনররি অসিনা কছতা কোইবা লাকপা লমকোইবশিংবু পোৎচৈ নত্ত্রগা মফমশিংদা নোংথক্তগী য়েংথরকপগী মহাও পীরি অমসুং নাৎ, চৎনবী, ফিরোলশিং, শাপা নম্বা, ঈশৈগী খুৎলাইশিং, দুকানশিং, খুঙ্গংদা কোইবা অমসুং জগোই কয়া উৎলি।

ভুজ হায়বসি মহাক্কা য়ুম্থংনরিবা গুজরাতকী শহরশিংগা লম্বী নীংথিনা শম্নৈ, লৈবাক অসিগী মফমশিং মরুওইনা দিল্লী অমসুং মুম্বাইদগী রেলগী লম্বী নিংথেনা শম্নৈ অমসুং রুদ্রা মাতা এয়রপোর্ত্তগী নোংথক্কী লম্বীদসু লাকপা য়াই।

ৱেবিনার অসিগী সেসনশিং অসি https://www.youtube.com/channel/UCbzIbBmMvtvH7d6Zo_ZEHDA/featured দা অমসুং ভারত সরকারগী তুরিজম মন্ত্রালয়গী সোসিএল মীদিয়া হেন্দলশিংদা ফংগনি।

মথংগী ৱেবিনারগী পরিংনা জুন ২, ২০২০গী অয়ুক পুং ১১দা 'হরিয়ানাঃ নাৎ, চীঞ্জাক অমসুং তুরিজম' হায়বা মিং অসিদা পাঙথোক্কনি। মসিদা রেজিস্তর তৌবিয়ুঃ https://bit/ly/3dmTbmz

*****