ঙাকশেল মন্ত্রালয়

আই.এন.এস. কেসরি মদাগাস্করগী এন্তসিরানানানা হিথাংফমদা থুংখ্রে

Posted On: 29 MAY 2020 5:35PM by PIB Imphal

মিশন সাগরগী শরুক অমা ওইনা, ভারত নেভিগী জহাজ কেসরিনা ২০২০গী মে ২৭তা মদাগাস্করগী এন্তসিরানানা হিথাংফমদা চংখ্রে। ভারত সরকারনা লুরবা মতম অসিদা মরুপ ওইরিবা মপান লমগী লৈবাকশিংদা কোবিদ-১৯গী লাইচৎ অসিগা ময়োক্নবা ঙম্নবা তেংবাং পীরি অমসুং মসিগা মরী লৈননা আই.এন.এস. কেসরিনা মদাগাস্করগী মীয়ামগীদমক্তা কোবিদ-১৯গা মরী লৈনবা তঙাইফদনা চংবা হিদাক-লাংথক্কী পোৎশকশিং পুখি।

ভারত সরকারগী মাইকৈদগী হিদাক-লাংথকশিং অদু মদাগাস্করগী সরকারদা খুৎশিন্নবগী ওফিসিয়েল ওইবা থৌরম অমা ২০২০গী মে ২৭তা পাংথোকখি। থৌরম অসিদা মদাগাস্করগী ফোরেন মন্ত্রী, এম. তেহিন্দ্রজানারিভেলো লিভা জাকোবানা শরুক য়াখি। ভারতকী মাইকৈদগী মদাগাস্করদা ভারতকী এম্বেসেদর ওইরিবা, শ্রী অভয় কুমারনা মীহুৎ ওইখি।

মদাগাস্করদা তেংবাং পীরিবা অসি হোজিক থোক্লিবা কোবিদ-১৯গী লাইচৎ অসিগী মরক অসিদা ভারত সরকারনা আউৎরিচ তৌবগী থৌরম অদুগী শরুক অমনি। ‘মিশন সাগর’ অসি কোবিদ-১৯গী লাইচৎ অমসুং মসিগী মতুং তারকপদা মায়োক্নরিবা অৱাবশিং অসিগা লান্থেংননবা লৈবাক অনি অসিগী মরক্তা লৈরিবা অফবা মরী অসিদা য়ুম্ফম ওই। দিপ্লোইমেন্ত অসি ‘সাগর’ রিজন অসিদা লৈরিবা খুদিংমক্কীদমক্তা সেক্যুরিতী অমসুং চাউখৎপগী ঐখোয়গী প্রধান মন্ত্রীগী মিৎয়েং অদু ময়েক শেংনা উৎলি অমসুং আই.ও.আর.গী লৈবাকশিংগা লৈরিবা মরীদা ভারতনা থম্লিবা মরু ওইবা অদু খঙহল্লি। ওপরেশন অসি এক্সতর্নেল এফিয়র্সকী মন্ত্রালয় অমসুং ভারত সরকারগী অতোপ্পা এজেন্সীশিংগা লোইননা লেংমান্ননা থবক তৌদুনা খুমাং চাউশিনহল্লিবনি।

*****



(Release ID: 1627838) Visitor Counter : 80