রেলৱে মন্ত্রালয়
ভারতকী রেলৱেজনা শ্রমিক স্পিসিয়েল ত্রেনশিংদা খোংশাল্লিবা চাউরাক্না মাইগ্রেন্ত ৫০দা চাকলেন লাখ ৮৫ অমদি ঈশিং বোতল কোতি ১.২৫ হেন্না লেম্না য়েন্থোকখ্রে
২০২০গী মে ২৮ ফাওবদা লৈবাক শিনবা থুংনা তোঙান-তোঙানবা রাজ্যশিংদা “শ্রমিক স্পিসিয়েল” ত্রেন ৩৭৩৬ মথৌ তৌহনখ্রে; ঙরাং শ্রমিক স্পিসিয়েল ১৭২ হৌদোকখি
Posted On:
28 MAY 2020 7:50PM by PIB Imphal
ভারতকী রেলৱেজনা ২০২০গী মে ১দগী শ্রমিক স্পিসিয়েল ত্রেনশিংদা খোংশাল্লিবা চাউরাক্না মাইগ্রেন্ত ৫০দা চাকলেন লাখ ৮৫ অমদি ঈশিং বোতল কোতি ১.২৫ হেন্না লেম্না য়েন্থোকখ্রে। মসিদা ভারতকী রেলৱেজগী পি.এস.য়ু. আই.আর.সি.তি.সি.না শেম্বা চাকলেনশিং য়াওরি অমসুং মসি জোনেল রেলৱেজনা য়েন্থোক্লি। শ্রমিক স্পিসিয়েল ত্রেন খুদিংমক্তা খোংশাল্লিবা মাইগ্রেন্তশিংদা অচা-অথক অমসুং ঈশিংগি বোতলশিং পীখি। অই.আর.সি.তি.সি.না পুরি, ভেজিতেবল পিক্কল, রোতি ভেজিতেবল পিক্কল, লফোই, বিস্কিৎ, কেক, বিস্কিৎ নমকিন, কেক নমকিন, ভেজ পুলাও, পাও ভাজি, লেমন রাইস পিক্কল, উপমা, পোহা পিক্কল অসিনচিংবশিংগী চাকলুক্কী মখল অমা ওইনা রেল নীর ঈশিংগী বোতলশিংগা লোইননা খোশাল্লিবা মাইগ্রেন্তশিংদা পীরি।
স্পিসিয়েল ত্রেনশিংনা অতোপ্পা মমফমদগী লাকপা শিন্মীশিং, লাই খুরুম্বা চৎলিবশিং, তুরিস্তশিং, মহৈরোইশিং অমসুং তোঙান তোঙানবা মফমশিংদা পন্দুনা লৈরিবা অতোপ্পা মীওইশিং পুথোক-পুশিন তৌবগা মরী লৈননা য়ুমলৈ-কৈরৈ মন্ত্রালয়না থোকখীবা ওর্দর অদুগী মতুং ইন্না, ভারতকী রেলৱেজনা ২০২০গী মে ১দগী “শ্রমিক স্পিসিয়েল” ত্রেনশিং অসি মথৌ তৌবা হৌখি। ২০২০গী মে ২৮ ফাওবদা, পুন্না “শ্রমিক স্পিসিয়েল” ত্রেন ৩৭৩৬না লৈবাক শিনবা থুংনা রাজ্যশিংদগী মথৌ তৌবা হৌহনখি অদুগা ৬৭ অমনা তৌনবগীদমক্তা ঙাইদুনা লৈরি। ২৭.০৫.২০২০দা শ্রমিক স্পিসিয়েল ১৭২ হৌদোকখি। হৌজিক ফাওবদা নুমিৎ ২৭নিদা শ্রমিক স্পিসিয়েল ত্রেনশিংগী খুত্থাংদা চাউরাক্না মাইগ্রেন্ত লাখ ৫০ পুথোক-পুশিন তৌখি। খঙজিনগদবা অমনা ঙসি চেল্লিবা ত্রেনশিংনা অচিনবা অমত্তা মায়োক্নখিদে।
হায়রিবা ত্রেন ৩৭৩৬ অসি রাজ্য কয়ামরুম অমদগী হৌরকখি। ত্রেনশিং খ্বাইদগী য়াম্না হৌরকখিবা খ্বাইদগী মকোক থংবা রাজ্যশিং/য়ু.তি.শিং অদুদি গুজরাত (ত্রেন ৭৯৬), মহারাস্ত্র (ত্রেন ৬৯৫), পঞ্জাব (ত্রেন ৩৯৭), উত্তর প্রদেশ (ত্রেন ২৬৩), অমসুং বিহার (ত্রেন ২৬৩)নি।
হায়রিবা “শ্রমিক স্পিসিয়েল” ত্রেনশিং অসি লৈবাক শিনবা থুংনা রাজ্য কয়া অমদা লোইশিনখি। ত্রেনশিং অসি খ্বাইদগী য়াম্না লোইশিনখিবা খ্বাইদগী মকোক থংবা রাজ্যশিং অদুদি উত্তর প্রদেশ (ত্রেন ১৫২০), বিহার (ত্রেন ১২৯৬), ঝার্খন্দ (ত্রেন ১৬৭), মধ্য প্রদেশ (ত্রেন ১২১), ওরিশা (ত্রেন ১৩৯)নি।
শ্রমিক স্পিসিয়েলশিংগী মথক্তা, রেলৱেজনা মেগী ১২দগী নই দিল্লী চৎপা স্পিসিয়েল ত্রেনগী জুরা ১৫ অমসু চেলহল্লি অমসুং জুন ১দা মতম পীরবা ত্রেন ২০০গী মথক্তা চেলহন্নবগী থৌরাং তৌরি
******
(Release ID: 1627593)
Visitor Counter : 220