نئی دلّی ،28 مئی / بھارتی ریلوے نے یکم مئی ، 2020 ء سے خصوصی  شرمک ٹرینوں  میں سفر کرنے والے  مائگرینٹ  مزدوروں کو 85 لاکھ سے زیادہ خوراکیں   اور 1.25 کروڑ پانی کی بوتلیں مفت  تقسیم کی ہیں ۔  ان میں بھارتی  ریلوے کی سرکاری سیکٹر کی کمپنی آئی آر سی ٹی سی  کے ذریعہ  تیار کیا گیا کھانا شامل ہے  ، جسے زونل ریلوے  نے تقسیم کیا ہے ۔ تمام شرمک ٹرینوں  میں سفر  کرنے والوں کو مفت  خوراک اور پانی  فراہم کیا جا رہا ہے ۔ آئی  آر سی ٹی سی پوری  اچار ، روٹی  سبزی   ، کیلے  ، بسکٹ  ، کیک ، نمکین  ، ویج پلاؤ  ، پاؤ بھاجی  ، لیمن رائس  ، اوپما  ، پوہا ، اچار وغیرہ  تقسیم کر رہی ہے ۔ اس طرح کے مختلف   قسم کے کھانوں کے ساتھ مسافروں کو ریل  نیر ( پانی ) کی بوتلیں تقسیم کی جا رہی ہیں ۔

          وزارت داخلہ کے ذریعہ مائگرینٹ  مزدوروں  ، یاتریوں  ، سیاحوں ، طلباء  اور دیگر افراد  کی آمد و رفت سے متعلق   احکامات کے بعد ریلوے کی وزارت  نے یکم مئی ، 2020 ء  سے خصوصی  شرمک ٹرینیں چلانی شروع کی ہیں ۔ 28 مئی ، 2020 ء تک ملک کے مختلف حصوں سے   3736 خصوصی شرمک ٹرینیں چلائی گئی  ہیں ، جب کہ مزید  67 ٹرینیں  چلانے  کی تیاری ہے ۔  27 مئی   کو 172 شرمک  ٹرینیں چلائی  گئیں  ۔  27 دنوں میں شرمک ٹرینوں کے ذریعہ تقریباً 50  لاکھ لوگوں  کو   پہنچایا  گیا ہے ۔ یہ بات قابل غور ہے کہ ان ٹرینوں  میں  بھیڑ بھاڑ نہیں ہے ۔

          مختلف ریاستوں  سے 3736 ٹرینیں  چلائی گئیں  ۔ ان میں پانچ  بڑی ریاستیں   گجرات  ( 979 ٹرینیں ) ، مہاراشٹر ( 695 ٹرینیں ) ، پنجاب  ( 397 ٹرینیں ) ، اتر پردیش ( 263 ٹرینیں ) اور بہار ( 263 ٹرینیں ) شامل ہیں ۔

          یہ شرمک  ٹرینیں  ملک کے مختلف   حصوں  سے پہنچی  ہیں  ۔ ان میں   پانچ بڑی ریاستیں  ، اتر پردیش ( 1520 ٹرینیں ) ، بہار ( 1296 ٹرینیں )  ، جھار کھنڈ  ( 167 ٹرینیں ) ، مدھیہ پردیش  ( 121 ٹرینیں ) اور اڈیشہ  ( 139 ٹرینیں ) شامل ہیں ۔

          شرمک ٹرینوں  کے علاوہ ، ریلوے دلّی  سے آمد و رفت  کے لئے  15 خصوصی  ٹرینیں  چلا رہی  ہے اور پہلی جون سے مزید  200 آنے جانے والی  ٹرینوں  کو چلانے کا منصوبہ ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( م ن ۔ و ا ۔ ع ا ) (28-05-2020)

U. No.  2864