দিবেলপমেন্ত ওফ নোর্থ ইস্তর্ন রিজন (দোনর), প্রধান মন্ত্রী ওফিসকী রাজ্য মন্ত্রী, পর্সনেল, পব্লিক গ্রীভান্সেস, পেন্সন্স, এতোমিক ইনর্জী অমসুং স্পেসকী রাজ্য মন্ত্রী (ইন্দিপেন্দেন্ত) দা. জিতেন্দ্র সিংহনা ঙসি জম্মু অমসুং কশ্মীরদাদা য়াম্লবা মীশিং কয়ানা য়ুনিয়ন তেরিতোরী অসিদা হল্লকপা অমসুং কেসশিং হেনগৎলকপা অদুদা মীৎয়েং থমদুনা কোবিদ-১৯গী ফীভম য়েংশিনখ্রে। য়েংশিনবা অসি নেস্নেল হেল্থ মিসনগী মিসন দিরেক্তর, জম্মু অমশুং কশ্মীরগী হেল্থ সর্বিসেসকী দিরেক্তর অমসুং জিলাশিংগী সি.এম.ও.শিং পুম্নমক্কা ভিদিও কনফরেন্সকী থোংদা পাংথোকখি।

হকশেলগী ওফিসিএলশিংনা মন্ত্রীদা গ্রাওন্দ লেভেলগী রিপোর্তশিংগী মতাংদা পাওদমখি অমসুং শুংশোয় শোয়বা য়াদবা মওংদা কোবিদ-১৯ তেস্ত তৌখিবা য়ুনিয়ন তেরিতোরী অসিদা হল্লকখিবা মশিং য়াম্লবা মীশিংগা মরী লৈনবা ওইবনা হেনগৎলক্লিবা অসি অমদগী অমদা লৌনবগী তাঙ্কক অমা ওইরি হায়না হায়খি। কোবিদ-১৯গী কেসশিং খংদোকপা অসিনা পোজিতিব ওইরবা মীশিং অদু ক্বারেন্তাইন্দা থম্মি হায়বগী অমদি শন্দোরকপা অদু ফাজিনখি হায়না তাকপগী পোজিতিব ওইবা খুদম অমনি হায়না মখোয়না হায়খি।

তেস্ত তৌবগী চাং অসি হৌজিক মিলিয়ন্দা মী মশিং ১০,০০০ তৌবগী চাংদা হেনগৎলে হায়নসু ফোংদোকখি। হেল্থ ওথোরিতীশিংনা আই.সি.এম.আর. হায়বা এপ অমা শিজিন্নদুনা তেস্ত তৌবগী থবক থৌওংগীদমক্তা হল্লক্নবগী মতম অদু নুমীৎ হুম্নিদা হন্থহনখি। কোবিদ-১৯ পোজিতিব ওইরবা মীশিংগা থেংনরম্বা য়াবা তেস্ত তৌবদা কোবিদ-১৯না নারবা মীওইশিং অদু খংদোক্নবা অচৌবা স্কেলদা তৌখি হায়না দা. সিংহনা হায়খি।

দা. জিতেন্দ্র সিংহনা য়ুনিয়ন তেরিতোরীশিং অসিনা হোৎনরিবশিং অসি থাগৎখি অমসুং কেস মশিং হেনগৎলকপগীদমক্তা করিসু ৱাবগী মথৌ তাদে অমসুং য়ুনিয়ন তেরিতোরী অসিনা য়াম্না ফজনা থবক তৌরি অমসুং পোজিতিব ওইরবা মীওইশিং নিংথিনা খংদোক্তুনা ক্বারেন্তিনগী ফেসিলিতীশিংদা নিংথিনা লায়েংলি হায়বসি মীশিংদা থাজহনগদবনি হায়না হেল্থ প্রোফেস্নেলশিংদা পাওতাক পীখি। রেদ জোনশিং অসি শোক্লিংঙাই ওইদবা অমসুং ভাইরশিং লৈতনবা তৌখিবা মরম্না মসি মীশিংগীদমক্তা কান্ননবনি হায়বসি মীশিংদা শোইদনা হায়গদবনি মহাক্না হায়খি। মীশিংনা লাকপা হেনগৎপদা য়েংলগা কেসশিং হেনগৎলক্কনি হায়না খনখি হায়না দা. সিংহনা হায়খি। চেকশিন-থৌরাংশিং অদু ইন্দুনা মখোয়গী পুন্সিনা মমাংলোমদা চংশিনগদবনি অমসুং কোরোনা ভাইরসকী লান্থেং অসি মায় পাক্না লান্থেংনবগী মান্নবা পু্ন্সি মওংদামিন্নগদবনি হায়না মহাক্না হায়খি।

*****