ইলেক্ত্রোনিক্স অমসুং আই.তি. মন্ত্রালয়

আরোগ্য সেতু হৌজিক ওপন সোর্স ওইরে

Posted On: 26 MAY 2020 8:18PM by PIB Imphal

এপ্রিল ২, ২০২০দা ইন্দিয়ানা ব্লুতুথতা য়ুম্ফম ওইবা কন্তেক্ত ত্রেসিং তৌদুনা কোবিদ-১৯গী ওইবা য়াবা হোতস্পোত খঙদোক্নবা অমদি মরী লৈনবা ৱাফমশিং মীয়ামদা য়ৌহন্নবা পান্দমদা আরোগ্য সেতু মোবাইল এপ কোবিদ১৯ শন্দোকপা থিংনবগী থৌরাং মপুং ফাহন্নবগীদমক পুথোকখি‍। এপ অসি মালেমগী অতৈ লৈরিবা কন্তেক্ত ত্রেসিং এপশিংদগী য়াম্না হেন্না মে ২৬ ফাওবদা য়ুজর মিলিয়ন ১১৪গী মথক্তা লৈরে‍। এপ অসি লোন ১২দা অমদি এন্দ্রোইদ, আই.ও.এস অমসুং কাই.ও.এস. প্লেতফোর্মশিংদা ফংই‍। লৈবাক শিনবা থুংনা লৈহৌমীশিংনা মখোয় মশা, মখোয়গী নক্ন-চান্নজবা মীওইশিং অমদি লৈবাকসিবু ঙাকথোক্নবগীদমক আরোগ্য সেতু শীজিন্নরি‍। নহা কয়ানসু সেতু অসিবু মখোয়গী বোদিগার্দ হায়নসু কৌনরি‍। আরোগ্য সেতু এপকী মরুওইবা য়ূম্বীদি অরোন-অথুপ লৈতবা, লনাই ৱাফমশিংবু ঙাকপা অমদি খুদোং থিনিংঙাই লৈতবা হায়বা ৱাফমশিংসিদা ওইদুনা লাক্লি অমদি ইন্দিয়াগী ওপন সোর্স সোফৱ্যারগী থৌরাংগা চাননা আরোগ্য সেতুগী সোর্স কোদ হৌজিক্তি ওপন সোর্স ওইহল্লে‍। এপ্লিকেসন অসিগী এন্দ্রোইদ ভর্জনগী সোর্স কোদ য়েংশিন্নবা অমদি কোক চূংশিন্নবগীদমক https://github.com/nic-delhi/AarogyaSetu_Android.git তা ফংলে‍। এপ্লিকেসন অসিগী আই.ও.এস. ভর্জনসু চয়োল অনিগী মনুংদা ওপন সোর্স ওইনা থাদোক্লগনি অমদি মখা তানা সর্ভর কোদসু থাদোক্কনি‍। আরোগ্য সেতু শীজিন্নরিবশিংগী চাদা ৯৮দি এন্দ্রোইদ প্লেতফোর্মদনি‍।

সোর্স কোদ অসি দেবেলপর কম্ম্যুনিতীদা লান্থোকপা অসিনা ঐখোয়গী অরোন-অথুপ লৈতবা অমদি কোক চুংশিন্নবগী ৱাখল্লোনবু হেন্না ময়েক লাহল্লে‍। আরোগ্য সেতু শেমগৎখিবা অসি লৈঙাক, ইন্দস্ত্রী, একাদমিয়া অমদি লৈহৌমীশিং কোক চুংশিন্নবগী তশেং তশেংলবা খুদম অমা ওইরি‍। পোত্থোক অসি মালেমগী থাক্তা লৈবা য়াবা অমা ওইহন্নবা নুমিৎ কয়ানি চঙনা হোৎনখিবা ঐখোয়গী লৈবকসিগী নহা ওইরিবা তেক্নোলোজী এক্সপর্তশিংগী হোৎনজমলগী পোত্থোক অমসু ওইরি‍। মীয়ামগী দোমেনদা সোর্স কোদ অসি থাদোকপগা লোয়ননা ঐখোয়না মখা তানা কোক চুংশিন্নবা হেনগৎনবা অমদি ঐখোয়গী লৈবাকসিগী হৈশিংলবা নহাশিং অমসুং লৈহৌমীশিংগী মকোক থোংবা তেক্নিকেল ব্রেনশিংগী হৈশিবশিং শীজিন্ননবা অমদি লাইচৎ অসি থেংনমিন্নবদা মাঙজিল থানা চঙশিল্লবা হকশেলগী থৌমীশিংদা থবক্তা ঙাক্লৌ পীনবা অচৌবা অমদি চেকশিল্লবা তেক্নোলোজীগী পাম্বৈ অমা শেমগৎনবা পান্দম থম্লি‍।

এপ অসিনা কোবিদ-১৯গী মায়োক্তা চঙশিনগদবা শুপচিল্লবা থৌরাংশিং য়াওরি‍ অমদি হেক হৌদোকখিবদগী চয়োল নিপানসিদা অহানবা ৱাফম কয়া থেংনখ্রে‍। এপ অসিনা লায়ওং মেপ্পিং তৌদুনা দেতাদা য়ুম্ফম ওইবা অনৌবা ইপিদেমিওলোজীগী কর্ভ ফ্লেতন তৌনবা থৌরাংগী লমদা লমজিংবা অমা ওইবগা লোয়ননা মালেম অপুনবগী ওইনা লৈরিবা কোবিদ-১৯গী কন্তেক্ত ত্রেসিং অমসুং সেল্ফ-এসেসমেন্ত খুৎলায়শিংগা চাংদম্নবদা এপ অসি খ্বায়দগী মীয়ামদা য়ৌবা ঙম্বা অমদি ইথিল পীবা ঙম্বা অম ওইরি‍। রেজিস্তর তৌরবা য়ুজর মিলিয়ন ১১৪ হেনবসিগী মনুংদা অহুম থোকপগী অনিদি মখোয়গী কোবিদ-১৯ থেংনরুবগী খুদোংথিবশিং নৈননবা সেল্ফ-এসেসমেন্ত তৌজখ্রে‍। এপ অসিনা ব্লুতুথ কন্তেক্ত লাখ ৫ রোম মশক খঙদোকপদা মতেং ওইখি‍। কোবিদ১৯ পোজিতিভ কেসশিংগী মশক খঙদোক্লবা ব্লুতুথ কন্তেক্তশিং অমসুং মতেং মথৌ তাই হায়না খন্দোকলবশিংবু নেসনেল হেল্থ ওথোরিতীনা ঈপাউ ফাওনরি‍। হৌজিকফাওবদা য়ুজর লাখ ৯ হেনবা য়ৌশিন্দুনা মখোয়দা ক্বারেন্তিন, চেকশিনৱা অমদি তেস্ত তৌবগা মরী লৈনবা পাউতাকশিং পীখ্রে‍। তেস্ত তৌনবগীদমক হায়খিবা মীওইশিংগী মরক্তা চাদা ২৪দি কোবিদ১৯ পোজিতিব ওইরম্বা থেংনখি। মসি মে ২৬, ২০২০ ফাওবদা তৌখিবা অপুনবা তেস্ত মশিং ৩১২৬১১৯গী মনুংদা কোবিদ পোজিতিব ওইবা মশিং ১৪৫৩৮০গী চাদা ৪.৬৫কী পোজিতিব রেত ফংই‍। কন্তেক্ত ত্রেসিংনা তেস্ত তৌবা মথৌ তাবা মীওইশিংদা মায় ওনশিনবদা মতেং ওইনরি হায়বসি তশেং তশেংনা তাকপগা লোয়ননা লৈঙাক্না লাইচৎ অসিগী লাকশিন্নবা হোৎৎনরিবা অসিগী চাউনা মতেং ওইরগনি‍। ব্লুতুথ কন্তেক্ত অমসুং লোকেসন দেতা এনালাইতিকনা কোবিদ কেস মশিং য়ামবা হোৎস্পোৎ ওইরমবা য়াবা মফমশিং খঙদোক্তুনা লাইচৎ অসি শন্দোরকপদগী লাকশিন্নবা মরুওইবা তঙাইফদবা থৌরাংশিং স্তেৎ লৈঙাকশিং, দিস্ত্রিক এদমিনিস্ত্রেসন অমসুং হকশেলগী ওথোরিতীশিংনা লৌখৎনবগী তাঞ্জা পীরি‍। কোবিদ-১৯ পোজিতিব ওইরবা মীওইশিংগী লম্বী খঙদোকপা অমদি মখোয়না চৎপগী মওং মতৌ খঙদোকপগী পুনশিল্লবা থৌরাংশিংগী খুত্থাঙদা চঙশিল্লিবা লায়ওং মেপ্পিং তৌবগী অনৌবা থৌওং, মী মশিংগী চাংদা ইপিদেমিওলোজী মোদেল্লিং অমসুং লৈবাকসিগী তোঙান তোঙানবা মফমশিংদা কোবিদ-১৯ শন্দোরকপগী মওং মতৌদা য়ুম্ফম ওইদুনা আরোগ্য সেতু কাংবুনা সব-পোস্ত ওফিসকী থাক্তা লৈবা শিনবা থুংবদা হোৎস্পোৎ ৩৫০০ হেন্না খঙদোকখি‍। আরোগ্য সেতুগী দেতাগা হিস্তোরিক দেতাগা পুনশিন্নদুনা সব পোস্ত ওফিসকী থাক্তা হোৎস্পোৎ ওইরক্কদবা মফমশিং খঙদোকপদা চাওনা মতেং ওইগনি হায়বসি উত্তুনা ঙসিদি অতোপ্পা ফীভম অমদা খঙহৌরমদবা য়াবা হোৎস্পোৎ ওইরক্লিবা মফম ১২৬৪রোম লৈবাক শিনবা থুংবদা খঙদোকপা ঙম্লে‍। হায়রিবা ওইবা য়াবা হোৎস্পোৎশিং অসিগী মনুংদা মফম কয়ামরুমদি নুমিৎ ১৭তগী ২৫নি ফাওবগী মনুংদা তশেং তশেংবা হোৎস্পোৎনি হায়বা খঙবা ঙমখি‍। খুদম অমা ওইনা পল্লবদা আরোগ্য সেতু ইঞ্জিননা অকক্নবা তারিখ অমদা শুপ্নতগী কেস ৩খক লৈখিবা দিস্ত্রিক অমবু হোৎস্পোৎ অমা ওইরকপা য়াই হায়না শকখঙখিবা মতুং নুমিৎ ১৫নিগী মনুংদা কেস ৮২ থেংনখি‍। ব্লুতুথতা য়ুম্ফম ওইবা কন্তেক্ত ত্রেসিং অমদি হোৎস্পোৎ খঙদোকপগী তোপ তোপ্পা অপুনবা থৌরাং অসিদগী ফংবা চপ চাবা ৱাফম অসিনা লায়নাসি শন্দোরকপগী মরী থদৎপা, কর্ভ ফ্লেতন তৌবা অমদি পুন্সি কনবগী পাম্বৈ ওইবা য়াই‍।

য়ুজর মিলিয়ন ১১৪ হেনবনা চাং নাইনা শীজিন্নরিবা য়াম্না থুনা অহোংবা লাক্লিবা পোত্থোক অমগী সোর্স কোদ থাদোকপা হায়বসিমক অচৌবা শিংনবা অমনি‍। সোর্স কোদ অসি শেমগৎপা অমদি মথৌ তৌহন্দুনা থমবা হায়বসি আরোগ্য সেতু কাংবু অমদি দেবেলপর কম্ম্যুনিতীগীদমক্তসু অচৌবা থৌদাং অমনি‍। হৌজিক মীয়ামদা লান্থোক্লিবা রিপোজিতরী অসি তশেংবা প্রদক্সনগী এনভাইরনমেন্ত অদুনি‍। মখা তারকপা অপদেতশিংসু রিপোজিতরী অসিদা ফংহনগনি‍।

ওপন সোর্স দেভেলপমেন্ত অসিদা ঙাক্লৌ পীবগী থৌওং অসি মেসনেল ইনফোর্মেতিক্স সেন্তর (এন.আই.সি.)না তৌগনি‍। কোদ সজেসন পুম্নমক পুল রিক্বেস্ত রিভিউগী খুত্থাঙদা প্রোসেস তৌগনি‍। আরোগ্য সেতুগী সোর্স কোদ অসি অপাচি লাইসেন্সকী মখাদা লাইসেন্স তৌবনি‍।

ভর্জন ২.০ অসি হৌজিক ওইরিবা ফীভম অসিদা অদুম ফংহনবনি‍। কোদতা শেমদোক্তুনা সোর্স কোদ অসিবু শীজিন্নরবদি দেবেলপর অদুনা অহোংবশিং অদুগী চপ চাবা ৱাফম থমগদবনি‍। অহেনবা ৱারোল https://www.mygov.in/aarogya-setu-app/ তা ফংলিবা ফ্রিক্বেন্তলী অস্ক ক্বেসন্সতা ফংগনি‍।

কোদ অসি ওপন সোর্স ওইহনবগা লোয়ননা আরোগ্য সেতু অসি হেন্না চাউবা অমদি হেন্না চেকশিনবা অমা ওইহন্নবগীদমক্তা ইন্দিয়া লৈঙাক্না দেবেলপর কম্ম্যুনিতীদগী খুদোংথিনিঙাই ওইবা অমদি হেন্না ফগৎহনবা য়াবা ৱাফমশিং খঙদোক্নবগীদমক মতেং নিরি‍। পান্দম অসি ফংননবগীদমক সিক্যুরিতী থিজিল্লোইশিং অমসুং ইন্দিয়ন দেবেলপর কম্ম্যুনিতীগা খুৎশম্নদুনা আরোগ্য সেতুগী চেকশিন থৌরাংগী মঙম চাংয়েং তৌনবা অমসুং মসিগী চেকশিন থৌরাংগী ফীভম ফগৎহন্দুনা শীজিন্নরিবশিংগী থাজবা হেনগৎহন্নবা ইন্দিয়া লৈঙাক্না বগ বাউন্তী প্রোগ্রাম অমসু হৌদোক্লি‍। বগ বাউন্তী প্রোগ্রাম অমদি মসিগা লোয়নবা মনা মথুমগী মরমদা তোখায়না ৱাফম কয়া থম্লি‍। বগ বাউন্তী প্রোগ্রামগী অকুপ্পা ৱারোল মাইগোভকী ইন্নোভেত পোর্তেল https://innovate.mygov.in/ দা ফংলে‍।

পোত্থোকসিগী দিজাইন অমসুং কোদ মীয়ামদা লান্থোক্তুনা ইন্দিয়া লৈঙাক্না মালেমগী ওইনা অফবা ৱাফম পুরক্নবগী অচেৎপা ফিরেপসু উৎলে‍। ইন্দিয়ানা কোবিদ-১৯ থেংনবদা মশাগী তেক্নোলোজীগী লমদা চঙশিনবদা থেংনরকপশিং মীয়ামদা লান্থোকপা পাম্মী অমদি পাম্বৈ অসিগী কানবা অসি মালেম পুম্বদা ফংহনবগা লোয়ননা লৈঙাক অমা হেক্তনা মসিবু লাইচৎ অসি লান্থেংনবদা শীজিন্নবা য়ানগনি‍। ঐখোয় পুনশিল্লবদি ঙমগনি, অমদি লাইচৎ অসি থেংনবদা দোক্তরশিং অমদি মাঙজিল থানা চঙশিল্লিবা হকশেলগী থৌমীশিংদা মখা তানা ঙাক্লৌ পীখিগনি‍।

ঙাকথোক্লবা ঐ, ঙাকথোক্লবা ঐখোয় ঙাকথোক্লবা ভারত

*****



(Release ID: 1627130) Visitor Counter : 42