ভরত্তা ফংলিবা পি.পি.ই. কভরওলশিং অদু হেল্থ প্রোফে্সনেলশিং অদুগী অসোই-অঙাম য়াউদবা হায়বসিনং খ্বাইদগী মরু ওইবনি হায়না লৌদুনা পুথোকই। পি.পি.ই.গী কভরওলশিংগী প্রোতো-তাইপ তেস্ত সেম্পলশিং অসি হকশেল অমসুং য়াইফ য়ুম্বালগী মন্ত্রলয়্না থোকপা তেক্নিকেল স্পেসিফিকেশনশিং অদুগী মখাদা ওথোরাইজ তৌরবা লেবোরেতরি ৯না তেস্ত অমসুং সর্তিফাই তৌখ্রে। তেস্ত তৌবগী স্তেন্দার্দশিং অসি কোবিদ-১৯গীদমক্তা ওইবা দবল্যু.ঐচ.ও.না পীবা গাইদলাইনশিং অদগী মতু ইল্লি অমসুং ‘সীন্তেথিক ব্লদ পেনিত্রেশন রেসিস্তেন্স তেস্ত’কীদমক্তা ওইবা আই.এস.ও. ১৬৬০৩গী ক্লাস ৩ অমসুং মথক্কী মতুং ইন্না তেস্ত তৌখি। পি.পি.ই.শিং অসি মসি শিজিন্নরিবশিং অদুবু মপুং ফানা ঙকথোক্নবগীদমক্তা মহি অমা হেক্তা নত্রগা এরোসোল পার্তিকলদগী ঙাকথোকপা ঙম্নবা দিজাইন তৌখি।

সরকারগী প্রোক্যোর্মনে্ত এজেন্সীশিং অসমুং লনাইগী হোসপিতালশিংদা কভরওলশিং অদুগী মনুংদা তোপ-তোপ্পা সর্তিফাই তৌবগী কোদশিং নম্বা য়াওবা সর্তিফাই তৌরবা এজেন্সীশিংদগী হায়রিবা পোৎশকশিং অসি লৌনবা খঙহল্লকখ্রে। শিজিন্নরবশিং অমসুং প্রোক্যোরমেন্ত এজেন্সীশিংনা তেক্সতাইল্সকী মন্ত্রলায়গী ৱেবসাইৎ www.texmin.nic.in অসিদা পীরিবা ৱেবলিঙ্ক অসিদা সর্তিফিকেৎশিং অদুগী ভেরিফিকেশন তৌরবা মতুংদা সর্তিফাই তৌরবা মেন্যুফেকচররশিংদগী হায়রিবা পোৎশকশিং অসিবু লৌনবা খঙহঞ্জরি। মখাতানা, প্রোক্যোরমেন্ত এজেন্সীশিংদা পি.পি.ই. কভরওলগী সপ্লাইশিং পীরিবা অদুদগী সেম্পল অমহেক্তা মতম নাইনা লৌনবা অমসুং অয়াবা পীরবা লেবোরেতরীশিং (৯), অসিদগী মখোয়শিং অসিবু তেস্ত তৌনবা পাউতাক পীখ্রে। হায়রিবা লেবোরেতরীশিং অসিগী অকুপ্পা মরোলশিং অদু www.texmin.nic.in দা ফংবীগনি।

***