PIB Headquarters
ଗରିବ ଓ ବିକାଶଶୀଳ ରାଷ୍ଟ୍ର ନିମନ୍ତେ ଡିଜିଟାଲ ଇଣ୍ଡିଆର ସଫଳତା ଏକ ମାର୍ଗଦର୍ଶିକା : ରାଜ୍ୟଗୋଷ୍ଠୀ ମହାସଚିବ
प्रविष्टि तिथि:
24 MAY 2020 4:31PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ଵରେ ପରିଚାଳିତ ଡିଜିଟାଲ ଭାରତ କାର୍ଯ୍ୟକ୍ରମର ସଫଳତାକୁ ରାଜ୍ୟଗୋଷ୍ଠୀ ମହାସଚିବ ପାଟ୍ରିସିଆ ସ୍କଟଲାଣ୍ଡ ଭୂୟସୀ ପ୍ରଶଂସା କରିଛନ୍ତି । ରାଜ୍ୟଗୋଷ୍ଠୀ ଅଧୀନରେ ଆସୁଥିବା ଅନ୍ୟାନ୍ୟ ବିକାଶଶୀଳ ଦେଶଗୁଡିକ ପାଇଁ ଏହି ସଫଳତା ଆଶାର ସଂଚାର କରିଛି ବୋଲି ସେ କହିଛନ୍ତି । ନିକଟରେ ଘରୋଇ ସମ୍ବାଦ ସଂସ୍ଥା ସହ ମତ ବିନିମୟ କାଳରେ ସେ କହିଛନ୍ତି ଯେ, ଭାରତର ସାଧାରଣ ଲୋକଙ୍କୁ ଡିଜିଟାଲ ସେବା ଯୋଗାଇବା ପଦକ୍ଷେପରେ ଅଧିକ ସଫଳତା ମିଳିପାରିଛି । ସେ ଆହୁରି କହିଛନ୍ତି ଯେ, ଆମର କ୍ଷୁଦ୍ର, ଗରିବ ଓ ବିକାଶମୁଖୀ ଦେଶଗୁଡିକ ଏଥିପାଇଁ ଉନ୍ନତ ରାଷ୍ଟ୍ରମାନଙ୍କ ସମକକ୍ଷ ହୋଇପାରିବେ କି ନାହିଁ, ସେଥିଲାଗି ସନ୍ଦେହ ରହିଥିଲା । ମାତ୍ର ଭାରତ ଯେପରି ସାଧାରଣ ଲୋକଙ୍କ ପାଇଁ ଏହାକୁ ଉପଯୋଗ କରିପାରିଛି ତାହା ସେମାନଙ୍କ ମଧ୍ୟରେ ଆଶାର ବାତାବରଣ ସୃଷ୍ଟି କରିଛି ।
ସେ ଆହୁରି କହିଛନ୍ତି ଯେ, ଗତ ଜାନୁଆରୀ ମାସରେ ଭାରତ ପରିଦର୍ଶନରେ ଆସିଥିବା ବେଳେ ଭାରତ ସରକାରଙ୍କ ମନ୍ତ୍ରୀ ଓ ବୈଷୟିକ ବିଶେଷଜ୍ଞମାନଙ୍କ ସହ ମତ ବିନିମୟ କରିଥିଲେ । ସେତେବେଳେ ତାଙ୍କର ଉଦବୋଧ ହୋଇଥିଲା ଯେ, ଭାରତ ପ୍ରକୃତରେ ସାଧାରଣ ଓ ଅବହେଳିତ ବ୍ୟକ୍ତିବିଶେଷଙ୍କ ପାଇଁ ଏହା କରୁଛି । “ମୁଁ ଏହାକୁ ପୂର୍ଣ୍ଣପ୍ରାଣରେ ସ୍ଵାଗତ କରୁଛି”, ବୋଲି ସେ କହିଛନ୍ତି । କେନ୍ଦ୍ର ଇଲେକଟ୍ରୋନିକ୍ସ ଓ ସୂଚନା ତଥା ପ୍ରଯୁକ୍ତି ମନ୍ତ୍ରୀ ରବି ଶଙ୍କର ପ୍ରସାଦଙ୍କ ଏଦିଗରେ ଯୋଗଦାନକୁ ସେ ଉଚ୍ଚ ପ୍ରଶଂସା କରିଛନ୍ତି । ଏହାର ଉତରୋତ୍ତର ଉନ୍ନତି ଦିଗରେ ମନ୍ତ୍ରୀ ଶ୍ରୀ ପ୍ରସାଦଙ୍କ ପଦକ୍ଷେପ ପ୍ରଶଂସନୀୟ ଓ ସେ ରାଜ୍ୟଗୋଷ୍ଠୀର ଅନ୍ୟାନ୍ୟ ଦେଶଗୁଡିକ ପାଇଁ ଏକ ଆଲୋକ ବର୍ତ୍ତିକା ସଦୃଶ୍ୟ ବୋଲି କହିଛନ୍ତି ।
**********
(रिलीज़ आईडी: 1626634)
आगंतुक पटल : 328