অকোইবগী ফিভম অমসুং ঊমংগী মন্ত্রালয়
ভারতনা বাইওদাইভর্সিতী য়োকখৎপদা মহাক্কী খ্বাইদগী ফবা থৌওং অমদি থেংনরকপশিং মালেম পুম্বদা য়েনথোক্কনি: কেন্দ্রগী এনভাইরনমেন্ত মন্ত্রী
মালেমগী বাইওদাইভর্সিতী নুমিত্তা থৌরাং মঙা হৌদোকখ্রে
Posted On:
22 MAY 2020 3:16PM by PIB Imphal
ভর্চুএল ওইনা পাঙথোকখিবা মালেমগী বাইওলোজিকেল দাইভর্সিতী নুমিৎ ২০২০গী থৌরমদা কেন্দ্রগী এনভাইরনমেন্ত, ফোরেস্ত অমসুং ক্লাইমেত চেঞ্জকী মন্ত্রী প্রকাশ জাবরেকরনা বাইওদাইভর্সিতী কন্নববগী লমদা পায়খৎকদবা থৌরাং মঙা হৌদোকখ্রে।
মালেমগী ঐচি পান্দম ২০গা লোয়ননা ইং ২০১০দা লেপ্নখিবা স্ত্রেতেজিক প্লান ফোর বাইওদাইভর্সিতী অদু ইং ২০২০দা লোইশিনবগা লোইননা “সুপর ইয়র ফোর বাইওদাইভর্সিতী” হায়নসু খঙনরিবা ইং ২০২০ অসিদা লৈবাক খুদিংমক্না পুন্না ২০২০ মতুংগী মালেমগী ওইবা বাইওদাইভর্সিতী ফ্রেমৱর্ক শেম্নবগী থৌরাং পায়খৎমিন্নরি। কেন্দ্র মন্ত্রীনা হায়খিবদা, অচৌবা বাইওদাইভর্স লৈবাক অমা ওইরিবা ভারতনা মখোয় মখোয়গী বাইওদাইভর্সিতীগী ফীভমবু ফগৎহনবগী অপাম্বা থম্লিবা লৈবাকশিংবু তরাম্না ওক্লি অমদি ঐখোয়না ঐখোয়গী খ্বাইদগী ফবা থৌরাং অমদি থেংনরকপশিং মখোয়দা য়েন্থোক্নবা থৌরাং তৌরগা লৈরি। এনভাইরমনমেন্ত মন্ত্রীনা ঐখোয়না শীজিন্নবগী চাং হন্থহনবা অমদি তুং কোইনা চৎনবা য়াবা পুন্সি মরেল অমা য়োকখৎপা তঙাই ফদবনি হায়বা ৱাফমদা পুক্নিং চিংশিনখি।
চহী অসিগী নুংগী ৱাখল্লোনগী মতাংদা ৱাফম ফোঙদোক্লদুনা শ্রী জাবরেকরনা “ঐখোয়গী পাউখুম মহৌশাদা য়াওজদুনা লৈরে” হায়রদুনা শা-ঙাদগী শন্দোরকপা লায়নাশিংনা থোকহনবা অমাঙ-অতাশিংদগী মহৌশানা ঐখোয়বু ঙাকথোক্তুনা থমবা মরম্না ঐখোয়না মরুওইনা হৌজিক ওইরিবা কোবিদ ১৯গী ফীভমসিদা য়েংলগা ঐখোয়গী মহৌশাগী ফীভমবু ঙাকথোকপা হায়বসি য়াম্নমক মরুওইবা অমনি হায়না ফোঙদোকখি।
থৌরম অদুদা, এনভাইরনমেন্তকী কেন্দ্র মন্ত্রীনা ওপন, ত্রান্সপেরেন্ত ওইবা ওনলাইন কম্পিতিতিভ থৌওংগী খুত্থাঙদা চহী অমা চুপ্না পোস্তগ্রেজুএত দিগ্রী পায়রবা মহৈরোই ২০ শরুক য়াদুনা পাঙথোক্কদবা নেসনেল বাইওদাইভর্সিতী ওথোরিতী (এন.বি.এ.) অমসুং য়ুনাইতেদ নেসন্স দেভেলপমেন্ত প্রোগ্রাম (য়ু.এন.দি.পি.) ‘বাইওদাইভর্সিতী সম্রক্সন ইন্তর্নসিপ প্রোগ্রাম’ হৌদোকখি। থৌরম অসিনা নেচরেল রিসোর্স মেনেজমেন্ত অমসুং বাইওদাইভর্সিতী কঞ্জার্ভেসনগী মতাংদা তম্নীংবা অমদি তোঙান তোঙানবা স্তেৎ অমসুং য়ুনিয়ন তেরিতরীশিংদা পায়খৎপা এন.বি.এ. প্রোজেক্তশিংদা ঙাক্লৌ পীননবা অদুগা স্তেৎ বাইওদাইভর্সিতী বোর্দশিং/ য়ু.তি. বাইওদাইভর্সিতী কাউন্সিলশিংগী মথৌ পাঙথোকপদা তেক্নিকেলগী ওইবা মতেং পীননবগীদমক ইচঙ থৌবা অমদি ৱাখল লৈবা মহৈরোইশিং শরুক য়াহনবা পাম্লি।
ভর্চুএলগী থৌরম অদুদা ‘নোৎ ওল এনিমেল্স মাইগ্রেত বাই চোইস’ হায়বা ইন্দেঞ্জর্স স্পেসিসশিং আইননা য়াদনা পুথোক পুশিন তৌবগী মায়োক্তা পাঙথোক্কদবা য়ুনেপকী কেম্পেনসু হৌদোকখি। লমলক্কী শা-উচেকশিং আইননা য়াদবা মওংদা য়োন্থোক য়োনশিন তৌবনা শাথিরবা লায়চৎশিং থোকহল্লকপগী খুদোংথিবা লৈহল্লি। ৱাইল্দলাইফ ক্রাইম কন্ত্রোল ব্যুরোনা য়ুনেপকা লোয়ননা হৌদোক্লিবা নোৎ ওল এনিমেল্স মাইগ্রেৎ বাই চোইস হায়রিবা কেম্পেন অসিনা অসিগুম্লবা এনভাইরনমেন্তা পীরিবা শিংনবা অসি থেংনদুনা মীয়ামদা হেন্না খঙহনবা অমদি মদুগী পাম্বৈ শীজিন্ননবা পান্দম থম্লি।
অনৌবা মীরোলসিবু য়াওহন্দুনা মখোয়না অনৌবা খোঙহৌ অমা পুরক্নবা অমদি মখোয়বু মীওইবনা বাইওদাইভর্সিতীদা পীরিবা চৈথেং অমদি ঐখোয়না হিংজনবগীদমক বাইওদাইভর্সিতী য়োকখত্তুনা থম্বগী মরুওইবশিংগী মরমদা ৱারী ৱাতাই য়াওহন্নবা থৌরাং অমা ওইরিবা দবল্যু.দবল্যু.এফ. মোদেল কন্ফরেন্স ওফ পার্তিজ (এম.সি.ও.পি.)গা লোয়ননা ‘বাইওদাইভর্সিতী কঞ্জার্ভেসন এন্দ বাইওলোজিকেল দাইভর্সিতী এক্ত, ২০০২’ হায়বা হীরমসিদা তাঙ্কক নাইবা ৱেবিনার অমসু হৌদোকখি। মহৌশানা মীওইবা খুন্নাইগীদমক মহাক্কী মমল য়াওদবা ইকোলোজিকেল সর্ভিসশিংগী খুত্থাঙদা লৌরিবা থৌদাংশিং খঙহন্নবগীদমক দবল্যু.দবল্যু.এফ.না ঙাক্লৌ পীবা এৱ্যারনেস কেম্পেন অমসু থৌরমদুগী মনুং চন্না হৌদোকখি।
***
(Release ID: 1626102)
Visitor Counter : 234
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam