প্রধান মন্ত্রী, শ্রী নরেন্দ্র মোদিনা ঙসি সাইক্লোন অম্ফান্না মরম ওইরগা থোরক্লিবা ফিভম অদুবু য়েংশিন্নবা নোংচুপ বেঙ্গলগী রাজ্য অসিদা চৎখি। খোংচৎ অসিদা কেন্দ্রগী মন্ত্রী, শ্রী ধর্মেন্দ্র প্রধান, কেন্দ্রগী রাজ্য মন্ত্রী শ্রী বাবুল সুপ্রিয়ো, শ্রী প্রতাপ চন্দ্র সরাঙ্গি অমসুং সুকুমারি দেবশ্রী চৌধুরিনা মহাক্কা লোইনদুনা চৎখি। নোংচুপ বেঙ্গলগী গোবর্নর, শ্রী ধনখারন্দ, মুখ্য মন্ত্রী সুকুমারি মমতা বেনর্জীনা প্রধান মন্ত্রীগা লোইনদুনা নোংচুপ বেঙ্গলগী সাইক্লোন্না শোকহল্লবা জিলাশিংদা নোংথক্তগী য়েংশিনখ্রে।

মসিগী মতুংদা, প্রধান মন্ত্রীনা সভাপতি ওইদুনা রাজ্য অমসুং কেন্দ্র সরকারগী সেনিয়র ওফিসরশিংগা নোংচুপ বেঙ্গলদা অৱা-অনা তারবশিংদা তেংবাং পিবা অমসুং লৈফম-চাফম পীনবগী লৌখৎখিবা পাম্বৈশিং অদু য়েংশিন্নবা মীফম অমা পাংধোকখ্রে। মহাক্না নোংচুপ বেঙ্গলগী রাজ্যা অসিদা অৱা-অনা তারবশিংদা খুদক্কী ওইবা তেংবাং পীবগী থবক থৌরমশিংগীদমক্তা লুপা কোতি ১,০০০গী শেলগী মতেং লাউথোকখ্রে। রাজ্য  অসিদগী মেমোরেন্দম ওফ এসিস্তেন্স ফংলবা মতুংদা, কেন্দ্র সরকারনা রাজ্য অসিদা কায়ামুক অমাং-অতা থোকখ্রবগে হায়বদু য়েংশিন্নবা রাজ্য অসিদা ইন্তর-মিনিস্তরিয়েল তীম অমা থাগনি, মসিগী মতুং ইন্না মখাতাবা তেংবাং অদু পীগনি।

প্রধান মন্ত্রীনা নোংচুপ বেঙ্গলগী মীয়ামগা লৌইননা মহাক্না লেপ্লি হায়না রওংদোরকখি অমসুং খুদোংথিবা থৌদোক অসিদা লৈখিদ্রবশিং অদুগী ইমুং-মনুংশিংগীদমক্তা থমোয় শোক্না নুংঙাইতবা ফোংদোক্লি। মহাক্নারাজ্য অসিদা শাইক্লোন অসিদা লৈখিদ্রবশিং অদুগী ইমু-মনুংদা লুপা লাখ ২গী এক্স গ্রেসিয়া অমসুং  য়াম্না শাথিনা শোকপশিংগীদমক্তা লুপা ৫০,০০০ পীনবা লাউথোকখ্রে।

প্রধান মন্ত্রীনা লুরবা মতম অসিদা কেন্দ্র সরকারনা রাজ্য সরকারগা লোইননা নকশিন্ননা থবক তৌমিন্নগনি, শোকহল্লবা মফমশিংদা লৈরিবা ইনফ্রাস্ত্রকচরগী শেমজিনবা অমসুং শাগৎপদা অঙম্বা মতেং পাংগনি হায়না রাজ্য অসিগী মীয়ামদা থাজবা পীরকখ্রে।

হন্দক্কী চই অসিদা নোংচুপ বেঙ্গলগী রাজজ্য অসিদা প্রধান মন্ত্রীগী ওইনা অনিরকসুবা খোংচৎনি, হায়রিবা রাজ্য অসি হন্দক্কী চহি অসিদা উত্তর প্রদেশ নত্তনা  মহাক্না খোংচৎ অমদগী হেন্না চৎখিবা রাজ্যনি।   প্রধান মন্ত্রীনা মমাংদা হন্দক্কী চহি অসিদা জনুৱারীগী ১১-১২দা নোংচুপ বেঙ্গলদা চৎখি মসিদা মহাক্না কোলকাতা পোর্ৎ ত্রস্তকী ১৫০সুবা কুমওন থৌরমদা শরুক য়াখি, কোলকাতাদা লৈবা লৈবাক অসিগী ওইনা কৎথোক্লবা নৌনা শেমজিল্লবা হেরিতেজ বিল্দিং মরি অমসুং বেলুর মাথসু মহাক্না চৎখি।

****