মখাদা ৱাফম অসি অৱাং-নোংপোক লমগী চাউখৎ-থৌরাংগী রাজ্যগী কেন্দ্র মন্ত্রী ( আই.সি. ) দা.জিতেন্দ্রনা কোরোনা মেনেজমেন্তকী মতাংদা ইবা ঈর্তিকলগী ৱারোলনি।

“মতম পুম্নমক্তা প্রধান মন্ত্রী নরেন্দ্র মোদীনা অৱাং-নোংপোক অসিবু খ্বাইদগী থাক  ৱাংনা থোইদোক-হেন্দোক্না খনবিরি। ২০১৮দা মোদী সরকারনা হেক পানখ্রবা মতুংদা, প্রধান মন্ত্রীনা অৱাং-নোংপোক লমশিংবু লৈবাক অসিদা হেন্না চাউখৎহন্নবা হোৎনদুনা লাক্লি। হৌখিবা চহী তরুকসিদা, “ৱারি শান্নবা মখা চত্থরি” অসি ৱাহন্থোক লৈনা মায় পাকহনবদতা নত্তনা ৱাখলদা লৈনরম্বা লাপ্নবশিং অদু অমত্তা ওইনা শমজিন্নহন্দুনা য়াম্না য়াংনা চাউখৎনবগী থবকশিংসু পাংথোকপসু উনখ্রে, মতৌ অসিগুম্না অৱাং-নোংপোক অসি চাউখৎপগী মোদেল অমগী মওংদা থোরক্লি।

অৱাং-নোংপোক অসিবু থোইদোক্না লুনা খনবিবা কয়াশিং অদু অঙনবা মতমদগী তঙাই-ফদনা চংবা পোৎলমশিং ফংহন্নবা এয়র কার্গোশিং মতীক চানা ফংহনবা নত্রগা অতোপ্পা লৈবাকশিংগী ফাওনফম ওইরিবা ঙমখৈ থিংজিনবগী থবকশিংগী নত্রগা সোসিএল দিস্তেন্সিংগুম্বা  গাইদলাইনশিং য়েংশিনবদা পুক্নিং থৌগৎপদবু ওইরো মওংদা মালেম পুম্বগী ওইনা থোক্লিবা কোরোনাগী মতমসিদসু মদুগী অপুনবা ইফেক্ত অদু উবা ফংই।   

করিগুম্বা মোদী সরকার অসিনা হৌখিবা চহী তরুকসিদা অৱাং-নোংপোক অসি চাউখৎপগী মোদেল অমগী মনুং চলহল্লম্বগী মহৈনা অৱাং-নোংপোক অসি কোরোনাগী মেনেজমেন্তকী মোদেল অমগী মনুং চলহল্লে।

তশেংনা, অৱাং-নোংপোক রাজ্যশিংদা ভারত সরকারনা পীরিবা মতেংগা কোন্ননা লৌখৎখিবা খোংথাংশিং অদুনা ভারতকী অতৈ মফমশিংগা চাংদম্নবদা অৱাং-নোংপোক্না হেন্না মায়োক্নবা ঙমহল্লিবনি। অৱাং-নোংপোক লমশিংদা কোবিদ-১৯ মেনেজমেন্তকী থোইদোক-হেন্দোক্না ফবগী স্তেতিস্তিকেলগী খুদম-চাংদম অদু মখাদা পীরিবশিং অসিনা উৎলিঃ

তেবল: অৱাং-নোংপোক লমশিংগী চয়োলগী ওইবা অপুনবা কোবিদ-১৯গী ফীভম

সিক্কিম অমসুং নাগালেম্দদা হৌজিকফাওবা কোবিদ-১৯ পোজিতিব ওইবগী কেস অমত্তা লৈতবা অসিদগী অৱাং-নোংপোক লমশিংনা লৌখৎখিবা কোংথাংশিং অসি মায় পাক্লে হায়বগী খুদম-চাংদম্নি। অরুনাচল-প্রদেশ অমসুং মিজোরামদা অনাবা অমমম লৈরম্বা অদু হৌজিক ফগৎহনবা ঙমখ্রে।  মীরৈবাক্তগী লাকপা লম কোয়বা অমনা মরম ওইদুনা শিলোংগী হোস্পিতাল অমদা মেঘালয়দা কেস ১৩ লৈরম্বদগী অমা শিখ্রে অদুম ওইনমক হৌজিক পুম্নমক লায়েংদুনা ফগৎখিবদগী মেঘালয়য় অসি কোবিদ-ফ্রী ওইরে।  তশেংনমক, ঙসি ফাওবদা এন.ই.গী রাজ্য মঙা-অরুনাচল-প্রদেশ, মেঘালয়, মিজোরাম, নাগালেন্দ অমসুং সিক্কিম অসি কোবিদ-ফ্রী ওইরে। অৱাং-নোংপোক্কী খ্বাইদগী চাউবা লম অসমদা কেস খর লৈ অদুবু রাজ্য অসিনা লমদুগী ওইবা মফমশিংদা তমথিরবা লায়না অসি নিংথিজনা য়েংশিল্লি।  মসিগা মান্ননা, মনিপুর অমসুং ত্রিপুরাদা কেস অনি-অনি লৈরম্বা অদু হৌজিক লায়েংদুনা ফগৎহনবা ঙমহনখিদুনা কোবিদ-১৯ ফ্রী ওইবা রাজ্যশিংনি হায়না লাওথোকখ্রে, অদুম ওইনমক মে তাগী অহানবা চয়োলদা মাইগ্রেন্তশিংদা নারকপনা মরম ওইদুনা ত্রিপুরাদা মরুওইনা মফম অদুদা থবক তারিবা সি.এ.পি.এফ.শিংনা থবক তৌরিবশিংদা চাউনা শন্দোরকপা উখি। মাইগ্রেন্তশিংগা মরি লৈননা মনিপুরদা অনৌবা কেস ৫ নুমীৎ ৩-৪নিসিদা উখ্রে।  

মসি কেন্দ্র অমসুং রাজ্য সরকারশিংনা খুদক্তা অকনবা লোকদাউন থম্বনা মরম ওইরগা ওইথোকপা ঙমহনখিবনি; এয়র কার্গো অমসুং এয়র ফোর্সতগী হীদাকশিং অমসুং মেদিকেলগী ইক্বিপমেন্তশিং খুদক্তা ফংহনবা; তেস্তিংগী ফেসিলিতীশিং অমসুং তেস্তিংগী ফেসিলিতী মশিং কয়া  হেন্না খুমাং থাঙ্গৎহন্দুনা য়াংশিনখিবা; কোবিদকা মরি লৈনবা হকশেলগী ইনফ্রাস্ত্রকচর ফগৎহন্দুনা অমসুং নাগরিক পুম্নমক্তা মরু ওইনা চংবা পোৎলমশিং পি.দি.এস.তগী ফংহন্দুনা  অমদি খুন্নাইসিগী খ্বাইদগী শোল্লবা সেক্সশিংদা পি.এম.গরীব কল্য়ান অন্না য়োজনাদগী ফংহনবদগী ওইথোকপা ঙমহনখিবনি।

সিক্কিম অমসুং নাগালেন্দদা তেস্তিং ফেসিলিতী অমফাওবা লৈত্রিঙৈগী মতমদুদা অসমদা ২ খক্তমক লৈরমখি।  হৌজিক্কী মতমসিদা অসমগী মেদিকেল কোলেজ খুদিংমক্তা তেস্তিং ফেসিলিতী মশিং কয়া অমা লৈহনখ্রে। কোহিমা, নাগালেন্দগী লেব অসি হৌজিক মথৌ পাংথোকপা য়ারে অমসুং সিক্কিমদা ত্রুনাত তেস্তিং পাংথোকপা হৌখ্রে অদুগা আর.তি.-পি.সি.আর.গী লেবসু অতেনবা মতমগী মনুংদা মথৌ পাংতোকপা হৌরগনি।  মফমশিং অসিদা তেস্তিংগী ফেসিলিতী চাউথোরকপগী মহৈনা মফমশিং অসিদা তেস্ত তৌবগী চাং অসি এপ্রীলগী অহানবা চয়োলদা ২৯৩১ ওইরম্বদগী মে থা, ২০২০গী ময়ায় চল্লকপদা ৬০০৬৩দা হেনগৎহনখিদুনা মতম অসিগী মনুংদা নোংমদা ৩০০দগী ৩৮০০ গী চাংচত্তা হেনগৎখ্রে। হেক মথৌ তারকপদা খুদক্তা চেকশিলহনবা অমসুং হোসপিতেলাইজেসন তৌহনবগী থবক পাংথোকখি।

অৱাং-নোংপোক লমদম অপুম্বদা লোকদাওনগী থৌরাংশিং নিংথিজনা চত্থরি। রাজ্য-রাজ্যশিংগীদা নত্তনা থংনবা রাজ্যশিংগী ঙখৈশিং থিংজিনখ্রে, তৌইগুম্বসুং কিলোমিতর ৫০০০দগী হেনবা মীরৈবাক্কী ঙমখৈশিংগা লোন্নবা রাজ্যশিংদা ফোর্সশিং অমদি মফমদুগী মীয়ামশিংনা ঙাক-শেন্দুনা অকনবা মওংদা থিংজিনখ্রে।

ফীভমশিং অদু য়েংশিন্নবা চীফ সেক্রতরীগী চেয়রমেনশিপকী মখাদা রাজ্যশিংদা তাস্ক ফোর্সশিং থমখ্রে।  তমথিরবা য়াচৎ অসি য়েংশিন্নবা দিস্ত্রীক্ত কলেক্তরশিংগী মখাদা দিস্ত্রীক্তকী থাক্কী তাস্ক ফোর্সশিং  দিস্ত্রীক্তকী থাক্তা আইনগী ওইবা মওংদা থমখ্রে। দিস্ত্রীক্তকী থাক্তা কন্ত্রোল রুমশিং থমখ্রে। শিংথাননিংঙাই ওইবা অৱাং-নোংপোক লমশিংগী মরক্তগী অতোপ্পা রাজ্যশিংগী মীশিংগী ইন্নর লাইন পর্মিৎ অদু মার্চ ৫, ২০২০দা  য়ৈথোকখ্রে অমসুং নথুলা পাস অসি মফমদুগী তুরিস্তশিং অথিংবা থমখ্রে। মখা তানা রাজ্য অদুদা দোমেস্তিক তুরিস্তশিং চংবা অদু নেস্নেল লোকদাওন তৌদ্রিঙৈগী মমাংদা মার্চ ১৬, ২০২০দা য়ৈথোকখ্রে। মসিনা খ্বাইদগী চাউবা তুরিস্তশিংগী মফম ওইরিবা সিক্কিম অসি কোবিদ ফ্রী ওইবা রাজ্য ওইনা অদুম লেংদনা লৈহনবনি হায়বসি শোইদনা তাকই।

নোবেল কোরোনা ভাইরস অসি লৈহন্দনবা হৈ-শিংলবা অহল নুপা-নুপীশিংগী “অঙাংবা লান্মী”না অৱাং-নোংপোক্কী চীং খরগী খুঙ্গংশিং মতেং পাংলি। গাৱ বুরা(খুঙ্গংগী হনুবা) অমসুং গাৱ বুরী(খুঙ্গংগী হনুবী)- অয়াম্বনা জি.বি.শিংনা খুঙ্গং অমসুংবয়েক্নবশিংগী মরক্তা পল খাজিন্দুনা মখোয়গী মপা-মপুশিংগী মতুং ইনবগা মরি লৈনবা-মতাং অসিদা, ভাইরস অসিনা নাগালেন্দগুম্বা রাজ্যশিংবু তমথিরবা লায়চৎ অসি লান্তেংনবদা মতেং পাংলি। নাগালেন্দদা জি.বি.শিং অদুগী মতেং পাংলিবা অসি দোবাশী নি, ১৮৪২দগী রাজ্য সরকারগী মখাদা তঙাই-ফদনা চংবা পোৎলমশিং শোয়দনা ফংহন্নবা নাগাগী নাৎকী চৎন-কাংলোনশিং ঙাক্তুনা চৎলিবা কোৎ অঙাংবা লীৎপা তোলোপ চাবা সরকারগী থবক তৌবা মীশিংনি।

মিজোগী খুন্নাই অসি লৈবাক অসিগী খাইদগী অমগা-অমগা শম্ননা লৈবা অমসুং থকশি-খাশি লৈবা খুন্নাইশিংগী মরক্তগী অমনি। মখোয়গী তোপ-তোপ্পা মওং অসিনা মাগী খুন্নাইগী ইন্ততিত্যুসনশিংদা মশক নাইবা নাগরিক অমা, চর্চ অমসুং নাগরিকশিংগী খুন্নাই য়াওরি। মিজোরামদা মীশিংনা হেক য়ুমদগী মপাল থোকপদা মখল-মখা কয়াগী মশানা থকশি-খাশি নাইনা অমসুং সোসিএল দিস্তেন্সিং তৌরি। মীরৈবাক্কা লোন্নবা ঙমখৈদা লোকদাওন থম্বা অসি ঙমখৈগী মওং য়েংলগী থমখিবা মখল-মখা কয়াগী ওইবা থবক অমনি। অদুম ওইনমক, খুঙ্গংগী খুন্নাই অমসুং লোকেল তাস্ক ফোর্সশিংনা মীশিংনা মতেং পাংবগী তাঞ্জা অদু হেনগৎহল্লি। মতৌ অসিগুম্না, মাইগ্রেন্ত ৱর্করশিংগী মতাংদা খংজিল্লদুনা মতম অসিদা মখোয়বু মতেং পাংনবা পাম্বৈ শেমগৎখ্রে। লোকদাওনগী মতমদা চাউরাক্না মাইগ্রেন্ত ৱর্কর লীশিং তরামঙাগী লৈনবা অমদি চানবগী থোরাংশিং ফংহনখ্রে।    

মনিপুর রাজ্যনা দুকানশিংগী মমাংদা কোয়না-কোয়না য়েক্তুনা সোসিএল দিস্তেন্সিং অসি মতৌ করম্না শোয়দনা ঙাক্কদগে হায়বগী পারা অমা অতৈ লৈবাকশিংদা তম্বিখ্রে।  এন.ই.আর.গী সিভিল সোসাইতী ওর্গনাইজেসনশিংনা লোকদাওন অমদি সোসিএল দিস্তেন্সিং থম্বদা নিংথিজবা মওংদা মতেং পাংলি।

মিনিস্ত্রী ওফ সিভিল এভিএসন( এম.ও.সি.এ. ), মিনিস্ত্রী ওফ দিফেন্স( এম.ও.দি. ) অমসুং মিনিস্ত্রী ওফ রেলৱেজনা মেদিকেল সপ্লাইশিং অমসুং ইক্বীপমেন্তশিং অমদি তঙাই ফদনা চংবা পোৎশিং অৱাং-নোংপোক্কী রাজ্যশিংদা ফংহনবদা অচৌবা থৌদাং অমা লৌরি।  'লাইফলাইন উরান' ফ্লাইতশিং অসি  ভারতপু কোবিদ-১৯ লান্থেংনবদা মরুওইবা মেদিকেলগী কার্গোশিং লৈবাক অসিগী অরাপ্পদা পুথোক-পুশিন তৌবদা সিভিল এভিএসনগী মন্ত্রালয়না থবক পাংথোক্লি।  মরুওইবা কার্গো অসিদা রিএজেন্তশিং, এঞ্জাইমশিং, মেদিকেলগী ইক্বিপমেন্তশিং, তেস্তিং কীৎশিং, পর্সোনেল প্রোতেক্তিব ইক্বিপমেন্ত( পি.পি.ই. ), মাস্কশিং, গ্লোবশিং অমসুং লৈবাক অসিদা কোরোনাবু লান্থেংনরিবশিংনা মথৌ তাবা অতোপ্পা এসেসরীশিং য়াওরি। 'লাইফলাইন উরান'দগী মফম অদুদা রাজ্য সরকারনা এয়র ইন্দিয়া অমসুং এলায়েন্স এয়র শিজিন্নদুনা নিংথিজনা মফম অদুদা পুনবা মথৌ তাবশিং অদু ফংনবা মেদিকেল কার্গোশিং দোমেস্তি জি.২.জি.দা পুথোক-পুশিন তৌনবা সপ্লাই তৌই।  ইমুংশিংনা অমদি প্রাইভেৎ সেক্তর(হোসপিতালনচিংবদা)না মথৌ তাবা ফার্মা, ফুদস্তপশিং অমসুং তঙাই ফদবা পোৎলমশিং অমসুং ইন্দিয়ন ফার্মাসিয়ুতিকেল্স অমসুং মেদিকেল ইক্বিপমেন্ত মেনুফেকচরিং ইন্দস্ত্রীনা মথৌ তাবা রো মেতরিএলশিং অমসুং মেছিনরীশিং পব্লিক অমসুং লন্নাইগী এয়রলাইন কেরিয়রশিং অমসুং এয়র কার্গোদা থাখ্রে। পৱন হন্স লিমিতেদ য়াওনা হেলিকোপ্করগী সর্ভিসশিং অৱাং-নোংপোক লমশিংদা অরুবা মেদিকেল কার্গো অমসুং অনাবশিং পুথোক-পুশিন তৌরি।

এপ্রীল ৩০, ২০২০ ফাওবা পৱন হন্সনা কি.মি.৭,৫২৯ লাপ্না কোর্গো তোন ২.০৩ পুখ্রে। নেস্নেল ইনফোর্মেতিক্স সেন্তর( এন.আই.সি. ) অমসুং সিবিল এভিএসন মন্ত্রালয়না তোঙান-তোঙানবা স্তেকহোলদরশিংগী মরক্তা লাকয়েন তাইনদনা নুমীৎ হুম্নি শাংবা রেকোর্দতা  লাইফলাইন উরান ফ্লাইতশিংগী মতেং পাংনবা   পোর্তেল অমা শেমগৎখ্রে ।

অৱাং নোংপোক লমদমশিংগী তঙাইফদবা পোৎলমশিং ফংহনবদা খুদোংথিবা অমত্তা লৈতা। লৈবাকশিনবা থুংনা চৎথরিবা লোকদাউন মনুংদা অৱাং নোংপোক লমদমশিংগী তঙাইফদবা পোৎলমশিং ফংহন্নবা পানদমদা অৱাং নোংপোক রেলৱে ফ্রনতায়র গী হেদকৱাতর মালিগাওনা হৌজিক ফাওবদা পারশেল এক্সপ্রেশ ত্রেন ১০০ হেন্না চলাইখ্রে। হোখিবা থা অমা মখায়রোম অসিদা দেল্লি, মুম্বাই, নাগপুর, বেংগলুরু. অমসুং কোলকতানচিংবা অচৌবা ইন্দস্ত্রিয়েল হবশিংদগী চংদবা য়াদ্রবা পোৎলম কয়া গুৱাহতি, ন্যু গুৱাহতি, অজারা, চংশারি, অগর্তলা অমদি ন্যু তিনসুকিয়াদা পুশল্লকখি ।

অয়াম্বা স্তেতশিংদা য়ুমদা পোৎচৈশিং য়ৌহন্নবা কন্ত্রোল রুম অমসুং হেল্পলাইনসু শেমগৎখি । রাজ্য সরকারনা মপাল লমদা লৈবা শেলগী অৱাবা ময়োক্নরিবা মীয়ামশিংদসু শেলগী তেংবাং পিখি । নফসাগী খুদোংচাবা ফংদবা মীয়ামশিংদা রাজ্য সরকারনা তেংবাং পিখি । নফসাগী খুদোংচাবা ফংবা অমসুং ফংদবা অনিমক্কী মীয়ামশিংদা নফসা, পি এম জি কে এ ৱাই অমদি ও এম এস এস (দি) স্কিম অহুমগী চেংসু দি.সি. গী খুৎথাংদা মীয়ামদা চেংশিং ফংহনখি। সরকারনা দ্রাইভর, কোয়না চৎতুনা থবক শুবা মীওইশিং, অঙাং, সরকারগী থবক তৌবাশিং অমদি অতোপ্পা  তোঙানবা মীওই কয়াদসু চেং চাক্কী খুদোংচাবা ফংহনখি। মিজোরমদা রাজ্য, জিলা অমদি লোকেলগী থাক্তা কোভিদ তাক্স ফোর্স শেমগৎখি।  লোকেলগী থাক্তা শেম্বা কোভিদ তাক্স ফোর্স অদুদা লৈকাই খুদিংগী মরুওইবা মীওইশিং য়াওখি। মখোয়শিং অদু য়ং মিজো এসোসিয়েসন অমদি ভিলেজ কাউনসিলগী মীওইশিংনি। মিজোরমদা মখোয়না পোৎ-চৈশিং মীয়ামদা ফংহনবদা সোসিয়ল দিস্তেন্সিং ঙাক্না চৎহন্দুনা মীয়াম্দা খুদোংথিবা অমদি নুংঙাইতবা থোকহনবা তৌদনা মপুং ফানা তোংবাংখি।

কোভিদ-১৯ লাইচৎ অসিগী ফংফম থোকপা মেদিকেল সপ্লাই অমসুং ইকৱিপমেন্তশিং  ফংহননবগীদমক অৱাং নোংপোক্কী স্তেতশিংদা মিনিস্ত্রি ওব হেল্থ এন্দ ফেমিলি ৱেলফেয়রনা মার্চ থাদগী এপ্রিল ফাওবদা পুন্না লুপা কোতি ২৩৫.৫৯ কাইথখ্রে। অদুম ওইনমক অকক্নবা আইতেম অমসুং মথৌ তাবা আইতেম খরদি হেল্থ মিনিস্ত্রিগী গ্রান্ত অসিনা য়ৌশিনবা ঙমদ্রি । মদুগীদমক দোনর মিনিস্ত্রিনা লুপা কোতি ২৫  খুদক্কী তঙাই ফদবা পোৎলমশিং লৈনবগীদমক কাইথোকখ্রে, হায়রিবা অসি ভারত সরকারনা ফাওবা অতোপা গ্রান্তশিংদগী ফংহনবা ঙমদে।

সেন্তরনা কোভিদ-১৯ গী লাইচৎ অসি থেংননবগীদমক অৱাং নোংপোক্কী স্তেতশিংগীদমক শেল কয়া কাইথখ্রে । সেন্তরনা হুজিক ফাওবদা পুন্না লুপা কোতি ৭৯২৩.৭৮ কাইথখ্রে  ( অরুনাচল প্রদেশ- লুপা কোতি ৯৩৫.২৮, আসাম - লুপা কোতি ৩০৯০.৬৪, মনিপুর - লুপা কোতি ৮২২.২২, মেঘালায়া - লুপা কোতি ৪৬৭.০২, মিজোরম -লুপা কোতি  ৪৯৩.৪৬, নগালেন্দ - লুপা কোতি  ৯৩৭.১২, সিক্কিম - লুপা কোতি ২৭৮.৩০ অমসুং ত্রিপুরা - লুপা কোতি  ৮৯৯.৭৪)  অসি এপ্রিল ফাওবগীনি। শেনফম অসি এপ্রিল অমসুং মে থাগী ইনস্তোলমেন্ত ওব রেভিন্যু দিফিসিতকী মখাদা অমসুং এস.দি.আর,এম.এফ. (স্তেত দিজাস্তর রেস্পোন্স মিতিগেসন ফন্দ) গী সেন্ত্রেল শেয়ারগী অহানবা ইনস্তোলমেন্ত অমসুং সেন্ত্রেল তেক্সকী স্তেত শেয়ারগী শেনফমনি।

সেন্তরনা অখন্নবা ইকনোমিক পেকেজ লাউথোকখিবা অসি মরুওইনা এম.এস.এম.ই. অমসুং এগ্রিকলচর, এনিমেল রিসোর্স অমসুং ফিশরিজগী লমদা চাউখৎনবা মীৎয়েং থম্বনি । মসিনা অৱাং নোংপোক্কী অপিকপা ইন্দস্ত্রিশিং মপুং ফানা ফগৎহনলগনি ।

অৱাং নোংপোক্কী লমদমশিংগী হৌজিক থেংনরিবা খ্ৱাইদগী চাউবা শিংনবদি তোঙান তোঙানবা মফমশিংদা পন্দুনা লৈরিবা মীওইশিংবু ময়ুমদা পুরকপা অসিনি। হৌজিক স্তেতশিং অসিদা অখন্নবা ত্রেনশিং থুংবা হৌখ্রে অমদি লাক্লিবা মীওইশিং কৱারেন্তিন সেন্তরশিংদা তোখাইনা থম্নবা থৌরাংসু তৌখ্রে। মসিগী মথক্তা পোজিতিব ওইবা মীওইশিং তোখাইনা থমদুনা লাইয়েংলি। কেন্দ্র সরকার অমসুং দোনর মন্ত্রালয়গী অখন্নবা থৌরাংশিং অসিনা লমদমসিগী মীয়ামগী থম্মোয় হুখিবগা লোয়ননা তুংদা লাকপা খুদোংথিবা কয়াসু ময়োক্নবা ঙম্লগনি।

****