রেলৱে মন্ত্রালয়
ইন্দিয়ন রেলৱেনা নুমিৎ ২০দা “শ্রমিক স্পিসিয়েল” ত্রেনশিংগী থোংদা মাইগ্রেন্ত লাখ ২৩.৫ হেন্না মখোয়গী হোম স্তেতশিংদা পুদুনা চৎখ্রে
ইন্দিয়ন রেলৱেনা লৈবাক পুম্বদা ২০২০গী মে ২০ (পুং ১০:০০ ফাওবদা) ফাওবদা শ্রমিক স্পিসিয়েল ত্রেন ১৭৭৩ চেনখ্রে
শ্রমিক স্পিসিয়েল ত্রেন ২০৫ চেন্দুনা হৌজিক ফাওবদা নুমিৎ অমা খক্তদা খ্বাইদগী য়াম্না চেনবা ওইরি, পেসেঞ্জর লাখ ২.৫ হেনবগা লোয়ননা চেনখি
থাগৎখিবা:
20 MAY 2020 3:34PM by PIB Imphal
তোঙান-তোঙানবা মফমশিংদা পন্দুনা লৈরিবা মাইগ্রেন্ত ৱার্করশিং, পিলগ্রিমশিং, তুরিস্তশিং, মহৈরোইশিং অমসুং অতোপ্পা মীওইশিংবু অখন্নবা ত্রেনশিংনা পুথোক-পুশিন তৌবনবা গৃহ মন্ত্রালয়গী পাউতাক মতুং ইন্না ইন্দিয়ন রেলৱেনা “শ্রমিক স্পিসিয়েল” ত্রেনশিং ওপরেৎ তৌনবা ৱারেপ লৌখি।
২০২০গী মে ২০ (পুং ১০:০০ ফাওবদা) ফাওবদা, লৈবাক অসিগী তোঙান-তোঙানবা রাজ্যশিংদগী শ্রমিক স্পিসিয়েল ত্রেন পুন্না ১৭৭৩ চেনখ্রে। মসিগী শ্রমিক স্পিসিয়েল ত্রেনশিং অসিনা পেসেঞ্জর লাখ ২৩.৫ হেন্না মখোয়গী হোম স্তেতশিং য়ৌখ্রে।
ঙরাং ২০২০গী মে ১৯দা, লৈবাক অসিগী তোঙান-তোঙানবা রাজ্যশিংদগী পেসেঞ্জর লাখ ২.৫গা লোয়ননা শ্রমিক স্পিসিয়েল ত্রেন পুন্না ২০৫ চেনখি।
মসিগী ত্রেন ১৭৭৩ অসি আন্ধ্র প্রদেশ, বিহার, চান্দিগর, দিল্লী, গোৱা, গুজরাত, হরিয়ানা, জম্মু অমসুং কশ্মীর, ঝার্খন্দ, কর্নাতকা, কেরলা, মধ্য প্রদেশ, মহারাস্ত্র, পুদুচেরী, পঞ্জাব, রাজস্থান, তমিল নাদু, তেলঙ্গনা, উত্তর প্রদেশ, উত্তরাখন্দ ৱেস্ত বেঙ্গলগুম্বা তোঙান-তোঙানবা রাজ্যশিংদগী চেনবা হৌখি।
মসিগী শ্রমিক স্পিসিয়েল ত্রেনশিং অসি আন্ধ্র প্রদেশ, অসম, বিহার, ছতিসগর, গুজরাত, হিমাচল প্রদেশ, জম্মু অমসুং কশ্মীর, ঝার্খন্দ, কর্নাতকা, কেরলা, মধ্য প্রদেশ, মহারাস্ত্র, মনিপুর, মিজোরম, ওরিশা, রাজস্থান, তমিল নাদু, তেলঙ্গনা, ত্রিপুরা, উত্তর প্রদেশ, উত্তরাখন্দ, ৱেস্ত বেঙ্গলগুম্বা তোঙান-তোঙানবা রাজ্যশিংদা লমথুংফম ওইরি।
ত্রেন তোংদ্রিঙৈ মাংওইননা পেসেঞ্জরশিংবু মতিক চানা স্ক্রীনিং তৌরি। খোংচৎ মনুংদা পেসেঞ্জরশিংবু চাকলেন অমসুং ঈশিং লেম্না পীরি।
****
(রিলিজ আই.দি.: 1625643)
ভিজিতর কাউন্তর : 237
রিলিজ অসি মসিদা পাবীয়ু:
Punjabi
,
Tamil
,
Assamese
,
English
,
Urdu
,
हिन्दी
,
Marathi
,
Bengali
,
Odia
,
Telugu
,
Kannada