সাইক্লোন ‘অম্ফান’না ঙসি বে ওফ বেঙ্গলদা সুপর সাইক্লোন অমদা দিবেলপ তৌখ্রে। প্রধান মন্ত্রী শ্রী নরেন্দ্র মোদীনা সুপর সাইক্লোনিক নোংলৈ-নুংশিৎ ‘অম্ফান’গী ওইরক্লিবা ফিভমদগী লাকশিন্নবা মরী লৈনবা রাজ্যশিং অমসুং কেন্দ্রগী মন্ত্রালয়শিং/এজেন্সীনা শেম-শারিবশিং য়েংশিনখ্রে। কেন্দ্রগী গৃহ মন্ত্রী শ্রী অমিৎ শাহগা লোয়ননা ভারত সরকারগী সেনিয়র ওফিসরশিং অমদি আই.এম.দি, এন.দি.এম.এ. অমসুং এন.দি.আর.এফ.কী ওফিসরশিংসু শরুক য়াখি।

আই.এম.দি.না খংহল্লি মদুদি সুপর সাইক্লোন অসি ২০২০গী মে ২০গী নুমিৎয়ুংবা মতুং য়াম্না শাথিবা সাইক্লোনিক নোংলৈ নুংশিৎ অমগুম পুংদা কিলোমীতর ১৯৫ ফাওবা নুংশিৎ শিৎপগা লোয়ননা ৱেস্ত বেঙ্গলগী সমুদ্র তোর্বান্দা য়ৌরক্লবা য়াই। মসিনা রাজ্য অসিগী সমুদ্র মপান্দা লৈরিবা জিলাশিংদা য়াম্না অকনবা মওংদা নোং চুরগনি।

ৱেস্ত বেঙ্গলদা, ইস্ত মিদনাপুর, সাউথ অমসুং নোর্থ ২৪ পর্গনাস, হাওরা, হুগলী অমসুং কোলকতা জিলাশিংদা য়াম্না শাথিবা শোকহল্লবা য়ারি। নোংলৈ-নুংশিৎ অসিনা জগৎসিংপুর, কেন্দ্রপরা, ভাদ্রাক অমসুং বলাসোর য়াওনা নোর্থ ওরিশাদাসু শাফু পীরবা য়াই।

আই.এম.দি.না চেকশিন্নবা খংহল্লদুনা হায়খি মদুদি এস্ত্রোনোমিকেল ইথক্কী মথক্তা চাউরাক্না মীতর ৪-৫ ফাওবা ৱাংনা নোংলৈ নুংশিৎনা য়ৈরবা য়াই, মদুনা ৱেস্ত বেঙ্গলগী সাউথ অমসুং নোর্থ পর্গনাসকী সমুদ্র মপানশিংদা ইচাও থোকহল্লগনি অমদি লেন্দফোলগী মতমদা ৱেস্ত বেঙ্গলগী ইস্ত মিদনাপু জিলাদা মীতর ৩-৪ ৱাংবা ইথক্না য়ৈররগনি। নোংলৈ-নুংশিৎ অসিনা ৱেস্ত বেঙ্গলগী সমুদ্র মপান্দা লৈরিবা জিলাশিংদা চাওনা অমাং থোকহল্লগনি।

প্রধান মন্ত্রীনা নোংলৈ-নুংশিৎ অসিনা লাক্কদৌরিবা লম্বীদা লৈরিবা লমদমশিংদা খুন্দারিবা মীয়াম্বু শাফগদবা মফমশিংদা মপুং ফানা হোংদোকহনখিনবা অমসুং ইসেন্সিয়েল সপ্লাইশিংগী মতিকচানা থৌরাং তৌনবা পাউতাক পীখি।

পাৱর, তেলিকমুনিকেসনগুম্বা ইসেন্সিয়েল সর্বিসশিং মাংহন-তাকহনলকপা মতমদা মেন্তিনেন্স শোইহন্দনবা নিংথিনা শেম-শাদুনা লৈনবা মরী লৈনবা পুম্নমক্তা পাউতাক পীখ্রে অমদি মখল অমত্তগী অকায়-অতোয় থোরকপদা সর্বিসশিং অথুবা মতমদা অমুক হন্না মথৌ তৌবা ঙমহন্নবা শেম-শারিবশিংসু য়েংশিনখি।

ইন্দিয়ন কোস্ত গার্দ অমসুং নেভীনা রিলিফ অমসুং রেস্ক্যু ওপরেসনশিংগীদমক জহাজশিং অমসুং হেলিকোপতরশিং দিপ্লোই তৌরি। রাজ্যশিং অসিদা লৈরিবা আর্মী অমসুং এয়র ফোর্স য়ুনিৎশিংসু স্তেন্দবাইদা থম্লি।

এন.দি.আর.এফ.না ওরিশা অমসুং ৱেস্ত বেঙ্গলদা তিম ২৫ দিপ্লাই তৌরি। মদুগী মথক্তা অহেনবা তিম ১২সু স্তেন্দবাইদা থম্লি। তিমশিং অসি হি, ত্রী কত্তর, তেলেকোম ইক্বুইপমেন্ত অসিনচিংবা দরকার ওইবা পোৎলমশিং লোয়নরি।

আই.এম.দি.না মরী লৈনবা রাজ্য পুম্নমক্তা খ্বাইদগ নৌবা ফোর্কাস্তকা লোয়ননা রেগুলর বুলেতিনশিং ইসু তৌরি। গৃহ মন্ত্রালয়নসু রাজ্য সরকারগা মখা তানা পাউ ফাওনরি।

****