কেন্দ্রগী এম.এস.এম.ই. অমসুং রোদ ত্রান্সপোর্ৎ অমসুং রেলৱেজগী মন্ত্রী, শ্রী নীতিন গদকরীনা হায়খি মদুদি সরকারনা এম.এস.এম.ই.শিং, লেবর, লৌউ-শিউ অসিনচিংবশিং য়াওনা তোঙান-তোঙানবা  স্তেকহোল্দরশিং / সেক্তরশিংগীদমক কেন্দ্র সরকারনা লাউথোকখিবা অনৌবা রিলীফ পেকেজ অমসুংএম.এস.এম.ই.গী অনৌবা শক্তম অসিনা ইন্দস্ত্রী চাউখৎহনবদা য়াম্না চাউনা মতেং পীগনি। মহাক্না এম.এস.এম.ই.শিংগীদমক লাউথোকখিবা শেন্থংশিং অসিগী শেন্থং অসিগী রেতিং থিজিন্নবা অমসুং মসিবু কান্নবা মওংদা শিজিন্ননবা শরুক য়ারিবশিংদা অনৌবা ৱাখল্লোনশিং পুথোরক্নবা হায়রকখ্রে।

শ্রী গদকরীনা ঙসি ভিদিও কন্ফরেন্সিংগী খুত্থাংদা বিজনেস নেতৱর্ক ইন্তর্নেস্নেল অমসুং এম.এম. এক্তিব সাই-তেক কম্যুনিকেসন্সকী মীহুৎশিংগা লোইননা মথংশিৎনা “এম.এস.এম.ই.শিংদা কোবিত-১৯না শোকহনবা ” অমসুং  “কোতি লাখ ২০গী পেকেজকী মতুংদা ইন্দিয়ন ইন্দস্ত্রীগী তুংদা ওইরক্কদবা ফিভম” হায়রিবা হিরম অসিগা মরী লৈননা ফমখিবা মীফম অমদা ৱাফম অসি হায়খিবনি।

শ্রী নীতিন গদকরীনা এগ্রো এম.এস.এম.ই. অমসুং ফিসশিং এম.এস.এম.ই. সেক্তরদদসু থিজিনবগী মথৌ তাই হায়খি।

কোবিদ-১৯না মরম ওইরগা সরকার য়াওনা না স্তেকহোল্দর পুম্নমক অৱাবা কয়া মায়োক্নরি হায়না মন্ত্রীনা মখা তারকখি। ফত্তবা ৱাখল্লোন লৈবনা কনাগীসু কান্নবা ওইরোইদবনিনা হৌজিক ওইরিবা চিরবা তঞ্জা অসিবু লানখিনবা অরুবা মতম অসিদদি ইন্দস্ত্রীশিংনা অফবা ৱাখল্লোন লেংদনা থমগদবনি হায়না মহাক্না হায়রকখি।

জপানগী সরকারনা মখোয়গী ইন্দস্ত্রীশিংদা চাইনাদগী মখোয়গী ইনভেস্তমেন্তশিং অদু লৌথোক্লগা অতোপ্পা মফমদা থাধনবগী পীখিবা স্পিসিয়েল পেকেজপু পল্লগা, মহাক্না হায়খি মদুদি মসিগী খুদোংচাবা অসি ইন্দিয়ানা লৌহৌগদবনি।

মহাক্না গ্রীন এক্সপ্রেস হাইৱে প্রোজেক্ত পল্লদুনা হায়খি মদুদিখুঙ্গং, ত্রাইবল অমসুং চাউখত্ত্রিবা মফমশিং ফাওদুনা চৎলিবা নই দিল্লী-মুম্বাই গ্রীন এক্সপ্রেসৱে অসিগী থবক হান্নদগী পাইখৎপা হৌখ্রে। হায়রিবা অসি মহাক্না মরু ওইনা ইন্দস্ত্রীগীদমক্তদি খুঙ্গং, ত্রাইবেল অমসুং চাউখত্ত্রিবা মফমশিং ফাওদুনা চৎলিবা খ্বাইদগী নৌবা তেক্নোলোজীশিংগা লোইননা য়াওরবা ইন্দস্ত্রীয়েল ক্লস্তরশিং, লোজিস্তিক পার্কশিংদা তুংগী ওইবা ইনভেস্তমেন্তশিং তৌনবা খুদোংচাবা অমনি। মহাক্না হায়খি মদুদি মেত্রো/অচৌবা সিতীশিংদগী ইন্দস্ত্রীশিং দিসেন্ত্রেলাইজেসন তৌনবা থবকশিং পাইখৎপা মথৌ তাই, লৈবাক অসিগী খুঙ্গং, ত্রাইবেল অমসুং চাউখত্ত্রিবা মফমশিংদা মিৎয়েং চংগদবনি হায়না মহাক্না হায়খি।

কেন্দ্রগী মন্ত্রীনা মরু ওইনা পনখি মদুদি মপান লমদা পোৎচৈশিং থাদোকপা হেনগৎহনবনা পুজা অসিগী ওইনা তঙাইফদে অমসুং গ্লোবেল মার্কেত্তা লম্বা তৌবা ঙম্নবা পাৱরদা, লোজিস্তিক্সতা, অমসুং পুথোকপদা চংবা শেল হন্থহন্নবা মরু ওইবা থবক থৌরমশিং লৌখৎনবা কেন্দ্রগী মন্ত্রীনা কন্না হায়খি। মহাক্না খুদম ওইনা  পনখি মদুদি বেহিকল স্ক্রেপ পেজ শিজিন্নবা হৌদোকপনা পুথোকপদা চংবা  শেল  হন্থহনগনি। মহাক্না মখা তানা হারকখি মদুদিমপান লমদগী পুশিল্লপা পোৎচৈশিংবু শিন্দোক্নবা দোমেস্তিক প্রোদক্সনলোমদা মায় ওনশিনবা মথৌ তাই। এম.এস.এম.ই.গী মন্ত্রালয়না হৌখিবা চহি অহুমগী ওইনা মপান লমদা থাদোকপা অমসুং মপান লমদগী পুশিল্লকপগী মতাংদা অকুপ্পা মরোলশিং ইবা বুকলেত অনি ফোংনবা হোৎনরি হায়না মন্ত্রীনা খংহল্লকখি।.

শ্রী গদকরীনা পনখি মদুদি ইন্দস্ত্রীনা খংলিবা হৈরিবা মহৈ-মশিং অদু লন-থুমদা ওন্থোক্নবা ইন্নোবেসন, ইন্তর্প্রেনরশিপ, সাইন্স অমসুং তেক্নোলোজী, রিসর্চ স্কিল অমসুং এক্সপরিয়েন্সতা মিৎয়েং থমগদবনি।

হংখিবা ৱাহং অমসুং সজেশনশিং পীখিবা অদুদা য়াওরিবশিং অদুদি: মন্ত্রীনা হায়খিবা "ব্লেসিং ইন দিসগাইস"পু শিজিন্নগনি, বি.এন.আই.না সমাজতা থৌদাং লৌনবগী করি অহেনবা থৌ পাইখৎকনি, কোবিদ-১৯গী মতম অসিদা খুদোংথিবা থেংনরিবা কম্পনীশিংদা করি মেসেজ পীগনি, মাইক্রো এন্তর্প্রাইজশিংবু কানবা ফংহন্নবা মুদ্রা লোন লাখ ২৫ ফাওবা হেনগৎহনবা, এম.এস.এম.ই.শিংগীদমক নৌনা লাউথোকখিবা কোতি লাখ ৩গী কোলেতরেল-ফ্রি ওইবা ওতোমেতিক লোনশিংগীদমক ইচম চমবা গাইদলাইনশিং ফোংবা।

শ্রী গদকরীনা মীহুৎশিং অদুনা হংঙকপা ৱাহংশিংগী পাউখুম পিখি অমসুং সরকারগী মাইকৈদগী পাংবা য়াবা মতেং পুম্নমক পাংগনি হায়নসু থাজবা পীরকখি। ইন্দস্ত্রীনা অফবা ৱাখল্লোনগা লোইননা খোংথাংশিং লৌখৎকদবনি অমসুং কোবিদ-১৯গী চিরবা তঞ্জা অসি লোইরকপদা ফংগদবা খুদোংচাবাশিং অদু লৌগদবনি হায়না মহাক্না হায়খি।

****