দেভেলপমেন্ত ওফ নোর্থ ইস্তর্ন রিজন (দোনর)গী কেন্দ্রগী রাজ্য মন্ত্রী, পি.এম.ও., পর্সোনেল গ্রিভান্সেস, পেন্সন, এতোমিক ইনর্জী অমসুং স্পেসকী এম.ও.এস. দাঃ জিতেন্দ্র সিংহনা আর্মী মেদিকেলবু অৱাং নোংপোক অমসুং জম্মু এন্দ কাশ্মিরদা কোবিদকা মরী লৈনবা তেংবাংগীদমক থাগৎখ্রে অমদি শেম শাবা হৌরকপগী মতমদা অনাবা খঙদোক্নবা অমদি লায়েংবগী লমদা অৱাৎপা মেনশিন্নবগীদমক লাইচৎ অসি হৌরকপগী ঙল্লিঙৈ মতমদা লৌখৎখিবা খোঙথাঙশিংদা শরুক য়াখিবগীদমক্তা আর্ম ফোর্সেস মেদিকেল সর্ভিসেস (এ.এফ.এম.এস.)পু থাগৎপা ফোঙদোকখ্রে‍।

অৱাং নোংপোক্কী মতাংদা জেনেরল বেনর্জিনা দাঃ জিতেন্দ্র সিংহদা খ্বায়দগী নৌবা অমদি হৌজিক ওইরিবা ফীভমগী মতাংদা পাউদমখি‍। মহাক্না হায়খিবদা অরুনাচল প্রদেশদা লৈরিঙৈদা মিলিতরী হোস্পিতাল তেঙাদা কোবিদগী অখন্ননা থমবা ফমুং ৮০ অমদি আই.সি.য়ু . ফমুং ২, লিকাবলিদা লৈবা মিলিতরী হোস্পিতালদা কোবিদকী অখন্ননা থমবা ফমুং ৮২ অমদি আই.সি.য়ু. ফমুং ২ লৈরে‍। মসিগা মান্ননা অসামগী জোর্হাত অমদি মেঘলয়াগী সিলোংদসু মথংশিৎনা আই.সি.য়ু. ফমুং ১০ অমদি ৪গা ল.য়ননা ফমুং ১১০ অমদি  ২৪৭ কোবিদগীদমক্তা অখন্ননা আর্ম ফোর্স মেদিকেল সর্ভিসেসনা থৌরাং তৌরম্লে‍।

দিরেক্তর জেনেরেল আর্ম ফোর্সেস মেদিকেল সর্ভিসেস (দি.জি. এ.এফ.এম.এস.) লেফতনেন্ত জেনেরেল অনুপ বানর্জিদগী হৌজিক লৈরিবা ফীভমগী মতাংদা ৱাফমশিং তারদুনা দাঃ জিতেন্দ্র সিংহনা উধম্পুরদা লৈবা আর্মী কমান্দ হোস্পিতালবু হৌরকপা মতমমক্তদা মীচম মীয়ামগীসু য়াওনা কোবিদ কেসশিংগী ফমুং ২০০ অমদি আই.সি.য়ু.দা ফমুং ৬ কোবিদকীদমক্তা থমখিবগীদমক্তা অখন্ননা থাগৎখি‍। মসিগা ইরোয়ননা শ্রিনগরদা লৈবা আর্মী হোস্পিতালদা ফমুং ১২৪ অমদি রাজৌরিদা লৈবা আর্মী হোস্পিতালদা ফমুং ৮২ কোবিদগীদমক অখন্ননা থমদুনা য়ুনিয়ন তেরিতরী অদুগী হকশেলগী ওথোরিতীনা শেমগৎলিবা ফেসিলিতীশিংদা অৱাৎপা মেনশিনখিববুসু মহাক্না শিংথাখি‍। মসিগীসু মথক্তা উধম্পুর কমান্দ হোস্পিতালনসু হেক হৌবদগী হৌনা লায়না খঙদোকপগী ফেসিলিতীশিং মতেং পাংখি হায়নসু মহাক্না ফোঙদোকখি‍।

দাঃ জিতেন্দ্র সিংহনা কোবিদ লাইচৎকী হৌরকপগী তাঙ্কক্তা অচৌবা ঙাক্লৌ পীদুনা লায়না অসিগী পোৎলুম হন্থহনবদা থৌদাং য়ারকখিবগীদমক থাগৎপা ফোঙদোকখি‍। আর্ম ফোর্সেস মেদিকেল সর্ভিসেসনা শেমগৎলিবা ক্বারেন্তিন কেম্পশিং অমসুং আইসোলেসন ফেসিলিতীশিংগী মতাংদসু মহাক্না পনখি‍।

দিরেক্তর জেনেরেল এ.এফ.এঢ়.এস.না ফীভমগী অমদি সপ্প্লাইয়রশিংদগী ফংবা খুৎলায়শিংগী মতুং ইন্না অসিগুম্বা হোস্পিতালশিংগী মচাক মথুমশিং ফগৎহনবগী থৌওং চত্থরি হায়নসু মন্ত্রীদ পাউদমখি‍। তুংদসু ফীভমগী মতুং ইন্না ফমুং মশিং হেনগৎহনগনি হায়নসু মহাক্না মন্ত্রীদা থাজবা পীখি‍।

*****