ভারতকী উপ রাস্ত্রপতি অমসুং রাজ্য সভাগী চিয়র্মেন শ্রী এম. ভেঙ্কায়া নাইদুনা কোরোনাগী মতমদা অনৌবা পুন্সি মহিং অমা হিংনবা লৌখৎপা মথৌ তারিবা পাম্বৈশিংঅদু ফোঙদোকখ্রে অমসুং মসিগী ন্যু নোর্মল অসিনা ভাইরস অসি লাকশিন্নবা, কোরোনাগী লাইচৎ অসিনা হৌজিক ফাওবদা তাক্লিবা পারাশিংদগী তমহৌবা য়াবা পোইন্ত ১২গী ফ্রেমৱর্ক অমা পুথোকখ্রে। ভাইরস অসি হান্না খন্নরম্বদগী হেন্না শাংথনা লৈরগনি হায়বা উবা ফংবগী চৈরক অসিদা মহাক্না পুন্সি অমসুং মীনুংশিগী মায়কৈদা অনৌবা মায়োলশিং লাকহনবা মথৌ তাই ফোঙদোকখ্রে।

হৌখিবা নুমিদাংদা অথিংবশিং অয়াম্বা কোমথোকপগা লোয়ননা লোকদাউন ৪.০ লাউথোকখিবা অদুগী মতুং কান্নদনা, শ্রী নাইদুনা ফেসবুকতা ইখি, ৱাহৈ ১,৫৩৯ মচা খাইবা আর্তিকল অমদা কোবিদ-১৯ লাইচৎ অসিনা পীরিবা ফিলোসোফিকেল অমসুং মোরেল ইসুশিং অমসুং মসিগী মখা তানা পুন্সি করম্না হিংবা মথৌ তাই হায়বা মরিক চুমনা নৈনরি। শ্রী নাইদুগী মরু ওইবা ৱাফমদি পুন্সি অসি ইদোম হিংবা য়াদে অমসুং ভাইরস অসিগী লাইচৎ অসিনা পুন্সি অসি অমগা অমগা মরী লৈনৈ উৎলি। মহাক্না হা্য়খি; “...মফম অমা হেক্তদা মীওই অমা শোকপদা মফম খুদিংমক্তা মীওই খুদিংদা শোকই, মদু লৈনা নত্ত্রগা শেনমিৎলোন ওইরবসু”।

‘কোরোনাগী মমাং’দা ওইরমবা পুন্সিগী মওং অদু পল্লদুনা, শ্রী নাইদুনা হায় মীওইবা অসি নাইতোম তারবা অমা ওইরক্লি মহাক্না নুংঙাইবা পামলুবা অমসুং লন হেন্না পামলুবনা ইমুং-মনুং অমসুং সমাজ অসি করিসু লৈতনা খল্লি অমসুং মহাক্কী থাজবা অদু নাপলনা য়োমখিবনা মহাক নাইতোম অমদি মশা মথন্তা, অতোপ্পা কনাগী খনদনা হিংবা ঙমগনি খল্লি। মহাক্না ইখি; “লৌনগনবা শিগনবা লাইনা অদুনা মীওইবা জাতিদা লান্দাদ্রিঙৈ মমাংদা লাইচৎ অসি লান্থেংননবা অফবা খুৎশু-খুৎলাইশিং পৈশিনগনি অমসুং জিন ইদিতিং হৈবা, আর্তিফিসিএল ইন্তেলিজেন্স, অচৌবা দেতানচিংবা অসিনা মীওইবনা ইশোরবু করেম্নবা হৌরি”।

‘কোরোনা মতুং’গী পুন্সিদা, শ্রী নাইদুনা তাক্লি মদুদি মরু ওইনা মরোমদোম মথন্তা হিংবা অদু ওইরোই অমসুং মহৌশাগা অমসুং মীওইবশিংগা লোয়ননা পুন্না হিংবা মথৌ তাই উৎলি। মহাক্না উই মদুদি “অপীকপা উবা ফংদবা মাইক্রোবনা অমুক হন্না পুন্সি অসি য়াম্না থুনা অহোংবা পুরকই। মসিনা পুন্সিগা পুন্না চৎমিন্নরিবা তম্বা ঙমদবা কয়া অদু ওইথোকহল্লি।

উপ রাস্ত্রপতিনা লাইচৎ অসিনা লৈমিন্নরিবা মীওইশিং অমসুং মখোয়গী লমচৎ-শাজৎকী মরক্তা লৈরিবা মরিশিংগী মওং মতৌ য়াওনা পুন্সিগী হিংবগী ৱাহন্থোক অমসুং মরমদা মহৌশা অমসুং অচুম্বা ৱায়েলদা শাফুশিং পীরদুনা হৌজিক থোরক্লিবা লম্বেলশিং অসিগা মরি লৈননা ৱাহং কয়া হংলি হায়না ফোঙদোকখ্রে। মহাক্না হায়; ভাইরস অসিনা শাফুশিংগুম্না চাউখৎপগী লম্বেলশিংনা শাগৎপা সমাজশিংদা পীবা ইকনোমিক ফোল্ত লাইন অমী কন্সিক্বেন্তশিং উৎলি। তম্বা ঙমদবা অসিনা মীওইবদা অকীবা পীরে। তম্বা ঙমদবা অসি সাইকোলোজিকল ইসুশিং লৈহনবা য়াবা খোইরাংবগী হৌরকফম অমনি। মসিগী অৱাবা অসি করম্না মাইয়োক্নগনি? ইংনা তপ্না লৈরগা থাজবা থমদুনা অমসুং অনৌবা পুন্সিগী ন্যু নোর্মল অমা লৌরগা।

চাউখৎপা অমহেক্তগী পান্দমদি মীওইবনা হিংবগী ফীভম ফগৎহনবনি হায়রদুনা শ্রী নাইদুনা মখাতানা হায় মদুদি কোরোনা লান্থেংনবা অসি লনাই পুন্সিশিংদগী চাউখৎপগা মরী লৈনবা ইসু অমনি অমসুং হৌজিক ওইবা মীরোল অসি কন্নবা অনৌবা চৎনা কাংলোনশিং অমসুং হিংবগী ফীভমশিং পুথোকপা মথৌ তাই।

ফাজিন পুনশিন্দুনা পুন্সি অসি হিংবা য়ারোই হায়রদুনা শ্রী নাইদুনা ঙরাং নুমিদাং লাওথোকখিবা লোকদাউন অসিদা কোমথোকপশিং অসি তরাম্না ওকখি। মতম কুইনদগী ভেক্সিন লৈত্রিবা ঐচ.আই.ভি. ভাইরসকা শাগোন্নরগা হৈনবীশিং হোংদোক্তুনা হিংলিবা মীওইশিং পল্লদুনা শ্রী নাইদুনা মীয়ামদা করিগুম্বা ভাইরস অনিনা মীয়াম্না খনবদগী হেন্না কুইনা লৈরবদি পুন্সিগী অমসুং হৈনবীশিং অমসুং মীওইবা অমসুং মীওইবগী পুন্সিদা মায়োল হংদোক্লগা কোরোনাগা হিংবা তমগদবনি হায়না ফোংদোকখ্রে।

শ্রী নাইদুনা কোরোনাগী মতমদা হিংবগী পোইন্ত ১২গী ন্যু নোর্মল অমা পীখ্রে। মসিদা চল্লিবশিংদি; মহৌশা অমসুং মীওইবশিংগা শান্তি লৈনা হিংবা, পুন্সিগী শাফবা অমসুং ঙাকশেনবা হায়বসি অমগা অমগা মরি লৈনৈ খঙবা, ভাইরস শন্দোকপা অসিদা খোংথাং খুদিংগী নত্ত্রগা এক্সন খুদিংমক রেস্নেল ওইনা নৈনবা, ফীভম অসিদা গ্যান তাদনা থবক তৌদবা অমসুং মসিগী মহুৎতা অৱাবা অসিগী সোলুসন অমা পুরকপা ঙম্বা সাইন্সতা থাজবা থম্লগা হিংবা, চিন খুম্বা, অমগা অমগা লাপ্নবা ঙাকপা অমসুং লু-নান্না লৈবগুম্বা লমচৎ শাজৎ চেকশিন্না হোংদোকপা, নারবা মীওইশিং লাইয়েংবা ঙম্নবা মখোয়বু হন্থনা য়েংদবা, অরানবা পাওশিং খঙদোকপা অমসুং লৈমিন্নরিবা মীয়াম্বু ভাইরস পুবনি হায়দুনা করেম্নদবা, অমগা অমগা মতেং পাংনদবগী ৱাখল্লোন অদু পন্থুংফম ফাওবা পুন্না চৎমিন্নরগা অমগা অমগা মতেং পাংনরগা হিংবনা মহুৎ শিনবা।

উপ রাস্ত্রপতিনা মেদিয়াশিংনা ভাইরস অসিগী মরমদা খুদোংথীবা অমগুম উহনবগী মহুৎতা মখল খুদিংগী অচুম্বা অমসুং সাইন্তিফিক ইনফোর্মেসন উহন্নবা ফোঙদোকখ্রে।

শ্রী ভেঙ্কইয়া নাইদুনা মীয়ামদা “ তোঙানবা পুন্সি মহিং অমসুং শাফনা হিংনবা” ফোংদোকখ্রে।

****