তুরিজম মন্ত্রালয়
তুরিজম মন্ত্রালয়না মৈসুরুগী চহী চা লীরবা খুৎশা হৈবগী মশক “দেখো অপ্না দেশ” সেরিজকী মখাদা ‘মৈসুরু: ক্রাফ করাভান ওফ কর্নাতকা’ হায়না মিংথোনবা ৱেবিনারগী খুত্থাঙদা উৎখ্রে
Posted On:
15 MAY 2020 1:02PM by PIB Imphal
ভারতকী ইনাক খুল্লবা ফিশা লোনশাগী লল উৎননবা অমদি মসিবু লমকোয়বা অমদি লাক্লিবা মীওইশিংদা ফংহন্নবা পান্দমদা তুরিজম মন্ত্রালয়গী দেখো অপ্না দেশ ৱেবিনার ‘মৈসুরু: ক্রাফ করাভান কর্নাতকা’ না মৈসুরু শহরগী অকোয়বদা চহী চা কয়া মপুং ফানা লৈরক্লবা মমিং ওইনা পল্লবদা চন্নাপত্না তোইজ, রোজৱুদ ইনলে ক্রাফকুমবা খুৎশা হৈবগী মনুং লুপশিনবা খোঙচৎ অমা পীখি।
মে ১৪, ২০২০দা পাঙথোকখিবা দেখো অপ্না দেশ ৱেবিনার সেরিজকী ১৯শুবা তাঙ্কক অদু এন.আই.এফ.তি. বেঙ্গলুরুগী দিরেক্তর মিস সুজান থোমাস, এন.আই.এফ.তি. বেঙ্গলুরুগী ফেকলতী দাঃ য়াথিন্দ্রা লক্কনা অমসুং এন.আই.এফ.তি. বেঙ্গলুরুগী ফেকলতী মিস সিল্পা রাওনা খুদোল তমখি। মখোয়না ভারতকী ইয়োং অমদি খুৎশা লৈবগী ইনাক খুল্লবা লনগী মতাংদা অমদি ক্রাফ তুরিজমগী অকোয়বদা অতোপ্পা নেরেতিব অমা শাগত্তুনা লমদমসিগী ওইবা খুৎশা হৈবগী লনবু লমকোয়বশিংগী মেপতা মফম অমা কনবা তঙাই ফদবগী মতাঙদা ফোঙদোকখি। খুদোল তমখিবা অদুদা মৈসুরুদা কোয়বা লাকপশিংগীদমক মৈসুরুগী মখল কয়াগী খুৎশা হৈবগী মওংশিং য়োকখত্তুনা থম্লিবা খুৎশা হৈবশিংগী শহর অমসুং খুঙ্গঙশিংদা বিহাইন্দ-দি-সিনদা চৎপগী খুদোংচাবশিংগী মরমদসু উৎখি।
খুৎশা হৈবগী পোত্থোকশিং অসি ভারতকী ইনাকখুল্লবা লন অমদি নাৎকী নুংগী ওইবা শরুক অমা ওইবতা নত্তনা মখোয়না ভারতকী শেন্মিৎলোনগী মরুওইবা শরুকসু ওইবা ঙমগনি। প্রধান মন্ত্রীনা থমখিবা ‘আত্মনির্ভর ভারত’গা চান্ননা ক্রাফ তুরিজম য়োকখত্তুনা ফুরুপশিংবু ঙাক্লৌ পীবা, থবক পীবা অমসুং মহৌশাগী ফীভমদা শোকহনবা তৌদনা খুন্নাইগী অপুনবা পুরক্তুনা লমকোয়বশিংদা তোপ তোপ্পা মহাও অমা পীননবা পান্দম থম্লি। ভারতকী খুৎশা হৈবগী চৎনবী অসিনা খুঙ্গঙশিং অমসুং শহরশিংবু শেন্মিৎলোনগী অচৌবা মফম অমা ওইহনবা ঙম্বগী মঙম লৈ।
এপ্রিল ১৪, ২০২০দা হৌদোকখিবা দেখো অপ্না দেশ ৱেবিনার সেরিজ অসিদা মখল কয়াগী তুরিজম প্রদক্তশিং অমসুং ইন্দিয়ানা লৈবাক শিনবা থুংনা মহাওগী মতাংদা উৎলদুনা হৌজিকফাওবদা তাঙ্কক ১৯ পাঙথোকখ্রে।
ইলেক্ত্রোনিক এন্দ ইনফোর্মেসন তেক্নোলোজী মন্ত্রালয় (মৈতী)না শেমখিবা নেসনেল ই-গভর্নেন্স দিভিইজন (এন.ই.জি.দি.)না প্রোফাসনেল তিম অমনা হকথেংননা তেক্নিকেলগী ওইবা তেংবাং পীদুনা মন্ত্রালয়না দেখো অপ্না দেশ ৱেবিনার পাঙথোকপদা ঙাক্লৌ পীদুনা দিজিতেল এক্সপিরিএন্স ফম্পাক শীজিন্নদুনা মীয়ামগা নীংথিনা শম্নহনবদা অমদি স্তেকহোল্দর খুদিংমক্কা ঈ-পাউ ফাওদোকহন্বদা মতেং পাংলি।
ভারত লৈঙাক্কী তুরিজম মন্ত্রালয়না mygov.in দা পাঙথোকপা দেখো অপ্না দেশ লোগো দিজাইন কন্তেস্তকী খুত্থাঙদা মীয়ামদগী পীরকপা ক্রিএতিব ইনপুতশিংদা য়ুমফম ওইদুনা দেখো অপ্না দেশ কেম্পেনগী ওইবা তোপ তোপ্পা ব্রান্দ আইদেন্তিতী অমা শেম্নবা মিৎয়েং থম্লি। কন্তেস্ত অসি মে ১৬, ২০২০দা লোইশিনগনি।
ৱেবিনারশিংসিগী তাঙ্ককশিং হৌজিক https://www.youtube.com/channel/UCbzIbBmMvtvH7d6Zo_ZEHDA/featuredদা ফংলগনি অমদি ভারত লৈঙাক্কী তুরিজম মন্ত্রালয়গী সোসেল মেদিয়া হেন্দলশিংদসু ফংলগনি।
মে ১৬, ২০২০গী অয়ুক পুং ১১দা পাঙথোক্কদবা ৱেবিনার অসিগী মথংগী তাঙ্কক অসিগী মমিং উত্তরাখন্দ: সিম্প্লি হীবন! হায়না মমিং থোল্লি। রেজিস্ত্রেসনগী লিঙ্ক: https://bit.ly/UttarakhandDAD
****
(Release ID: 1624294)
Visitor Counter : 143