রক্ষা মন্ত্রী শ্রী রাজনাথ সিংহনা ইন্দিয়ন কোস্তেল গার্দ শিপ (আই.সি.জি.এস.) সচেৎ অমসুং ইন্তর্সেপ্তর হি (আই.বি.)শিং সি-৪৫০ অমসুং সি-৪৫১ অনি মফমসিদগী ভিদিও কনফরেন্স তৌদুনা ঙসি গোৱাদা হৌদোকখ্রে। ওফসোর পেত্রোল ভেসেল্স (ও.পি.ভি.)শিং মঙাদগী অহানবা আই.সি.জি.এস. সচেৎ অসি গোৱা শিপয়ার্দ লিমিতেদ (জি.এস.এল.)না মওং-মরিল শেমদুনা ইরমদমগী ওইবা মওংদা শাখি অমসুং স্তেত-ওফ.দি-আর্ত নেভিগেসন অমসুং ই-পাউ ফাওননবা খুৎলায়শিং পানশিনখ্রে।

দিজিতেলগী পাম্বৈদগী আই.সি.জি. অমসুং জি.এস.এল. অসি হৌদোক্লদুনা, শ্রী রাজনাথ সিংহনা হায়খি, “মসিগী জহাজশিং অসি হৌদোকপা অসি ভারতকী সমুদ্র মপালগী ওইবশিং শাবা ঙম্বগী চত্থবা থবক্তা মরুওইবা মায় পাকপা অমনি। কোবিদ-১৯ গুম্বা অসি লান্থেংননবগীদমক শিংনরিবশিং অসিগী অসিগী মথক্তা হায়রিবশিং অসিসু ঐখোয়গী লৈবাক অসিবু শোকহন্দনা তেক্ত-কায়দনা থম্নবগী অরেপ্পা ৱাশক ঙাকপগী অচৌবা খুদম অমনি। ‘ঐখোযগী সমুদ্র ঙাকপা’, আই.সি.জি. অমসুং ভারতকী জহাজ শাবগী ইন্দস্ত্রীগী হৌগৎলক্লিবা শক্তি অসি ঐখোয়গী লৈবাক্কী চাউথোক্নীংঙাই ওইবা ৱাফম অমনি।”

প্রধান মন্ত্রী শ্রী নরেন্দ্র মোদীগী ভিজন ‘সাগর’ (মফম খুদিংমক ঙাক শেন্নবা অমদি চাউখৎনবা) অদুবু হায়রদুনা রক্ষা মন্ত্রীনা হায়খি, “সমুদ্র অসি ঐখোয়গী ইরৈবাক্কী লাইফলাইন ওইবখক্তা নত্তনা মালেমগী চাউখৎপসুনি।” শোই-ঙামদ্রবা, ঙাকথোক্লবা অমসুং লু-নাল্লবা সমুদ্রনা ঐখোয়গী নেসন অসি শেমগৎপদা শেন্মীৎলোনগী খুদোংচাবশিং ফংহল্লি। ভারত অসি সমুদ্রগী ওইবা শক্তি অমসুং ঐখোয়গী চাউখৎপা অসি সমুদ্রগী মখা পোল্লি। মথৌ মশক খঙবা সমুদ্রগী শক্তি অমা ওইনা সরকারগী ওইনদি সমুদ্রা অসিনা মরু ওইবনি হায়না মহাক্না মখা তাখি।

কোস্তলাইনশিং অদু ঙাক্লিবা আই.সি.জি.গী থৌদাং অদু থাগৎলদুনা, শ্রী রাজনাথ সিংহনা হায়খি, “মালেমসিদা খ্বাইদগী চাউবদা মরিশুবা ওইনা মসি থাজনীংঙাই ওইবা ফোর্স অমা মশানা শেমগৎচখ্রে। মসিনা এক্সক্লুসিব ইকোনোমিক জোন (ই.ই.জেৎ.)তা কোস্তলাইনশিং অমসুং কোস্তলাইনগী কাংলুপশিং অসি ঙাক-শেনবদা নত্তনা শেন্মীৎলোনগী থবকশিং অসিসু ঙাক-শেল্লি, অমসুং সমুদ্রগী অকোয়বগী ফিভম ঙাক-শেল্লি।”

রক্ষা মন্ত্রীনা সমুদ্র অসি এন্তিনেস্নেলগী মচাকশিংনা মখল অমা হেক্তগী ওইবা অকিবা পীরক্নবগী মফম ওইশিল্লক্লে য়াই হায়বা খঙহনখি। মরম অসিনা স্তেকহোলদরশিংনা খুৎশম্নরগা অমগা-অমগা তেংবাংনবা অসি হকচিন্না মরু ওইবা অমা ওইরি। ঙসিদগী কোস্ত গার্দ শিপশিং অসিনা সমুদ্রগী লাল হৌরকপা, দ্রগ ত্রাফিক্কিং, স্মগ্লিং, সমুদ্রগী ৱায়েল পথাপশিং থুগায়বশিং থেংনবদা অমসুং ধমকা তৌরকপা মেরিনশিংবু থিবা অমসু কনবদা মখোয়বু পাঙ্গল কনখৎহনগনি হায়বগী থাজবা ফোংদোকখি।

শ্রী রাজনাথ সিংহনা হৌজিক্কী ওইরিবা ফীভমশিং অসিদা মখা তানা জহাজশিং শেমগৎ-শাগৎলিবা গোৱাগী শিপয়ার্দ অমসুং এল.তি.গী শিপয়ার্দ হজিরানা কন্না হোৎনবা অদুবু থাগৎখি। মহাক্না হায়খি, “মসিনা প্রোফেস্নেলিজম্বুসু উৎলি। ভারতকী শিপয়ার্দশিং অসিনা ঐখোয়গী প্রধান মন্ত্রীনা হন্দক্তা পুক্নীং থৌগৎখিবা ‘মেক ইন ইন্দিয়া’ অমসুং ‘সেল্ফ রিলাইয়েন্ত ইন্দিয়া কেম্পেন’গী ভিজন্দা শিংথানীংঙাই ওইবা থবকশিং অসি নীংশিংনীংঙাইনি।”

কোবিদ-১৯না থমহনখিবা অথিংবা কয়া লৈদুনসু আই.সি.জি.না মাংজিল থাবা মায়কৈরোমদা চংশিল্লক্লি হায়না ইন্দিয়ন কোস্ত গার্দকী দাইরেক্তর জেনরেল কৃষ্ণশ্বামী নতরাজন্না হায়খ্রে। জহাজ শঙ্গুগী আই.সি.জি.দা নৌনা হাপচিল্লকপশিং অসিনা মতম চুপ্পদা সমুদ্রবু য়েংশিন্নবা অমসুং কোবিদ-১৯গী মায়োক্তা লান্থেংনবদা জাতি অসিগী থৌদাংদা আই.সি.জি.বু মতে পাংগনি হায়না মহাক্না হায়খি।

মীতর ১০৫ শাংবা জহাজ ‘সচেৎ’ অসি চাউরাক্না তোন ২,৩৫০ হোনবা ঙম্মি অমসুং য়াম্লবদা নোৎ ২৬কী খোংজেলদা চৎপা ঙম্ননবা মাইল ৬০০০ খাংগদবা সিস্তেমশিংগা কোন্ননা কিলোৱাৎ ৯,১০০গী দিজল ইঞ্জিনশিংগী মওংদা শেম্মি।

অনৌবা খুৎলায়শিং অমদি সিস্তেমশিংগা কোন্ননা শেমখিবা অমসুং য়ৌখিবা অসিনা কমান্দ প্লেৎফোর্ম অদুগী থৌদাং লৌবদা অমসুং আই.সি.জি. চার্তরবু মপুং ফানা ফাহনবদা মপাঙ্গল হাপকৎহল্লি। জহাজ অসি ইঞ্জিন অনি ওইবা হেলিকোপ্তর অমসুং খোংজেল য়াংনা চেনবা হিশিং অমসুং স্বিফ বোর্দিং অমদি থিবা অমসুং কন্নবগীদমক নুংশিৎনা কামথোক্তুনা চৎপা য়াবা হিগীদমক্তা মওং শেমখিবনি। জহাজনা সমুদ্রদা থাও হৈদোক-চাইথোকপনা থোকহনবা পোল্লুসন অদুবু লাকশিন্নবগীদমক অকক্নবা লাকশিন্নবগী খুৎলাই পুবা ঙম্মি।

‘সচেৎ’ হায়বদি শেম-শাদুনা লৈবা হায়বদি নেসন অসিগী সমুদ্রগী মীচংদা ‘সেবা অমসুং ঙাক-শেন্নবগীদমক্তা মতম পুম্নমক শেম-শাদুনা লৈবা’ হায়বা আই.সি.আই.গী অনীংবা-অপাম্বা অদু উৎলি। আই.সি.জী.এস. সচেৎ অসি দিপুতী ইন্সপেক্তর জেনরেল রাজেশ মিত্তলনা কম্মান্দ তৌই অমসুং ওফিসর ১১ অমসুং থবক তৌবা মীওই ১১০না হিরোই ওইরি। ভারতকী সমুদ্রগী পুৱারীদা ইহান হানবা ওইনা তমথিরবা কোবিদ-১৯ থোরকপনা সোসিএল দিস্তেন্সিংগী প্রোতোকোল অসি অকনবা মওংদা ঙাক্তুনা দিজিতেলগী থোংদগী জহাজ অসি হৌদোকখিবনি।

আই.বি. ‘সি-৪৫০’ অমসুং ‘সি-৪৫১’ অসি ইরমদমগী ওইনা লার্সেন অমসুং তুব্রোনা শাখিবনি অদুগা মসি খ্বাইদগী অনৌবা নেভিগেসন অমসুং ই-পাউ ফাওননবগী খুৎলায়শিং হাপ্তুনা শাবনি। মীতর ৫০ শাংবা হি অনি অসিনা সমুদ্রগী মাইল (নোৎ) ৪৫ য়াংনা থৌবা ঙম্মি অমসুং মখোয়শিং অসি খোংজেল য়াংনা, সমুদ্রা মপালগা নক্নবা পেত্রোল অমসুং য়াংদবা সমুদ্রগী থবকশিং তৌননবা শেম্বনি। সমুদ্রগী ফীভমদা হেনগৎলকপদা থেংননবা আই.বি.শিংনা থুনা থবক চত্থবদা অমদি মখোয়বু মায়থিহন্নবগী মিৎয়েংদা মসি য়াম্না ফীদম্নীংঙাই ওইবা প্লেৎফোর্ম অমা ওইহল্লি। মসিগী হিশিং অসি এসিস্তেন্ত কমান্দেন্ত গৌরব কুমার গোলা অমসুং এসিস্তেন্ত কমান্দেন্ত অকিন জুতশিনা কমান্দ তৌরি।

কোস্তগার্দ অদু চহি চুপ্পা লেংদনা মথৌ পাংবা ঙমহনগদবা ইরমগী ওইবা লন-থুমগী মচাকশিং য়াওনা হাপ্পি। আই.বি.দা য়াওরিবা ইরমগী পোৎলমশিং অদু শিজিন্ননবা মখা তানা হেনগৎহন্নবগীদমক অসিগুম্বা ভারতকী জহাজ শাবগী ইন্দস্ত্রীদা অখন্নবা মওংদা পুক্নীং থৌগৎপা ওইনা ইরমগী পোৎলমশিং অদু চাদা ৭০ রোম হাপ্পি।

কোস্তগার্দ শঙ্গু অদুদা য়াওরিবা জহাজশিং অদু জাতি অমসুং সমুদ্রগী শাফনবা ঙাক-শেনবদা এক্সক্লুসিব ইকোনোমিক জোন (ই.ই.জে.)গী মিৎয়েং মখাদা সমুদ্র মপান ঙাক্ননবা অমসুং অতৈ থবকশিং মপুং ফাহন্নবা শিজিন্নগনি অদুগা মদুগী মতাংদা কোস্ত গার্দ চার্তা পীগনি। মসিগী জহাজশিং অসি হৌদোকপগা লোয়ন-লোয়ননা আই.সি.জি.দা জহাজ অমসুং হি ১৫০, এয়রক্রাফ ৬২ লৈদুনা পুৱারী অমা শেম্বা ঙমখ্রে। মসিদা নত্তনা, ভারতকী শীপয়ার্দতা জহাজ ৪০ তোঙান-তোঙানবা থাক্তা লৈরি অমসুং লেপ্তনা সমুদ্রগা হৌরক্লিবা সমুদ্রগী লান্থেং কয়া মায়োক্ননবা আই.সি.জী.গী মিৎয়েং মখাদা মপাঙ্গল হাপ্তুনা কলহনগদৌরিবা হিন্দুস্তান এরোনোতিক্স লিমিতেদ, বেঙ্গলুরুদা খুমাং এদভান্স ওইরবা অয়াংবা হেলিকোপ্তরশিং পুথোক্নবগী শেম-শারি।

সেক্রতরী ( দিফেন্স প্রদক্সন)শ্রী রাম কুমার, সেক্রতরী ( দিফেন্স-ফাইনান্স) শ্রীমতী গার্গী কোল অমসুং রক্ষা মন্ত্রালয়গী অতৈ আই.সি.জি.না ২০১৯ খক্তদা সমুদ্রদা মী ৪০০গী পুন্সি কনবদা, সিভিল ওতোরিতীশিংগী মতেং পাংবা ওইনা মীওই ৪,৫০০গী পুন্সি কনবদা অমসুং হকশেলগা মরি লৈননা মী হোনবগী থোইদোক হেন্দোকপা থবক তৌখি। আই.সি.জি.গী অথোইবা থবক অসি শুপ্নতগী ঈশিংদাখক্তনা লোইদ্রি, মরুপ ওইনা য়ান্নবা অমসুং পায়খৎমিন্নবা ওইনা সমুদ্র মপানগী রাজ্যশিংগী মতেং পাংনবদগী হিন্দ মহাসাগরগী মফম (ইন্দিয়ন ওসিন রিজন) দা গ্রগশিং মায় পাক্না ফাগৎপা ঙমখ্রে। আই.সি.জি. অমসুং অতৈ মীরৈবাক্কী এজেন্সীশিংগগী মরক্তা অশেংবা মতমগী ই-পাউশিং পীনবা, নকশিনননা তেংবাংনবা অমসুং লুনা খন্নবনা অসিগুম্বা থবকশিং অসিদা মায় পাকপা পুরকপনি।

ভারতকী ই.ই.জেদ.তা অখাকপা লৈতনা মিৎয়েং থম্বগী মহৈনা অথিংবা লৈবা লুপা ক্রোর ২,০০০ ফাগৎখিবগা লোয়ন-লোয়ননা মসিগী মতম অসিদা ভারতকী ঈশিংদা আইন্না য়াদবা মওংদা ঙা ফারম্বা মীওই ১১৯ গা কোন্ননা মীরৈবাক্কী হি ৩০ ফাগৎখি।

দিফেন্স সেক্রতরী দা. অজয় কুমার, সেক্রতরী (দিফেন্স প্রদক্সন) শ্রী রাজ কুমার, সেক্রতরী (দিফেন্স ফাইনান্স) শ্রীমতী গার্গী কোল অমসুং রক্ষা মন্ত্রালয়গী অতৈ ওফিসিএলশিংনা দিল্লীদগী য়াওখি অদুগা গোৱাগী রক্ষাগী রাজ্য মন্ত্রী শ্রী শ্রীপদ নায়ক অমসুং গোৱা শিপয়ার্দকী চেয়রমেন অমসুং মেনেজিং দিরেক্তর ভারত ভুশন নাগপাল (রিতায়র্দ)না গোৱাদা থৌরম অদু য়াওখি।

****