గిరిజ‌న వ్య‌వ‌హారాల శాఖ మంత్రి శ్రీ అర్జున్ ముండా “ జిఒఎఎల్‌-గోల్‌” ( గోయింగ్ ఆన్‌లైన్ యాజ్ లీడ‌ర్స్‌) కార్య‌క్ర‌మాన్ని ఈరోజు న్యూఢిల్లీలో  ఒక వెబినార్ లో ప్రారంభించారు. గిరిజ‌న వ్య‌వ‌హారాల మంత్రిత్వ‌శాక ఫేస్‌బుక్ భాగ‌స్వామ్యంతో దీనిని నిర్వ‌హిస్తోంది. గిరిజ‌న వ్య‌వ‌హారాల మంత్రిత్వ‌శాఖ స‌హాయ‌మంత్రి శ్రీ‌మ‌తి రేణుక స‌రూతా.గిరిజ‌న వ్య‌వ‌హారాల శాఖ కార్య‌ద‌ర్శి శ్రీ‌దీప‌క్ ఖండేక‌ర్‌, గిరిజ‌న వ్య‌వ‌హారాల శాఖ సీనియ‌ర్ అధికారులు, ఫేస్ బుక్ ప్ర‌తినిధులు వెబినార్ ద్వారా జ‌రిగిన ఈ ప్రారంభోత్స‌వ కార్య‌క్ర‌మంలో పాల్గొన్నారు.
డిజిటల్ మోడ్ ద్వారా గిరిజన యువతకు మెంటర్‌షిప్ అందించడానికి గోల్ ప్రోగ్రాం రూపొందించబడింది. డిజిటల్ ఆధారిత ఈ కార్యక్రమం గిరిజన యువత లో దాగివున్న‌ ప్రతిభను అణ్వేషించడానికి ఉప‌క‌రిస్తుంది. ఇది వారి వ్యక్తిగత అభివృద్ధికి సహాయపడుతుంది . వారి సమాజం విస్తృత అభ్యున్నతికి దోహదం చేస్తుంది.
వెబినార్ లింక్  :https://www.facebook.com/arjunmunda/videos/172233970820550/UzpfSTY1Nzg2NDIxNzU5NjMzNDoyODg4MDg1MTAxMjQwODkw/  
ఈ కార్యక్రమాన్నిప్రారంభించిన‌ శ్రీ అర్జున్ ముండా,మాట్లాడుతూ, కోవిడ్ మహమ్మారి కార‌ణంగా ఎదుర్కొంటున్న సవాళ్లను దృష్టిలో ఉంచుకుని డిజిటల్ అక్షరాస్యతకు ప్రాముఖ్యత లభించిందని అన్నారు. గోల్ ప్రోగ్రాం ద్వారా ఫేస్‌బుక్‌తో గిరిజ‌న వ్వ‌వ‌హారాల మంత్రిత్వ‌శాక‌ భాగస్వామ్యం సరైన సమయంలో వచ్చిందని, గిరిజన యువతకు, మహిళలకు జీవితంలో ముందుకు సాగడానికి ఇది ఒక వేదికను అందించాలని ఆయన అన్నారు.
ప్రస్తుత దశలో 5,000 మంది గిరిజన యువత‌ డిజిటల్ ప్లాట్‌ఫారమ్‌లు , సాధనాల  పూర్తి సామర్థ్యాన్ని వినియోగించుకునేందుకు, వ్యాపారం చేసే కొత్త మార్గాలను తెలుసుకోవడానికి, దేశీయ  అంతర్జాతీయ మార్కెట్లతో అనుసంధానం కావ‌డానికి  ప్రధానమంత్రి శ్రీ నరేంద్ర మోదీ దార్శ‌నిక‌త‌కు అనుగుణంగా వారి నైపుణ్యాల‌ను అభివృద్ధి చేసేందుకు ఉద్దేశించిన‌ది.
డిజిటల్ నైపుణ్యాలు,  టెక్నాలజీ, గిరిజ‌న యువ‌త‌ను ప్రధాన స్రవంతిలోకి తీసుకువెళతాయని ఆయన విశ్వాసం వ్యక్తం చేశారు. గిరిజన యువత, మహిళల సామర్థ్యాన్ని పెంపొందించడానికి దీర్ఘకాలిక దృష్టితో ఈ కార్యక్రమాన్ని రూపొందించామని మంత్రి వివరించారు. హార్టికల్చర్, ఫుడ్ ప్రాసెసింగ్, బీ కీపింగ్, గిరిజన కళ లు , సంస్కృతి, ఔష‌ధ‌ మూలికలు, ఎంట‌ర్‌ప్రెన్యుయ‌ర్ షిప్ వంటి రంగాలలో  నైపుణ్యాలు, విజ్ఞానం అందుకోవ‌డానికి ఇది ఉప‌క‌రిస్తుంద‌న్నారు.ముందు 5 వేల మందికి శిక్ష‌ణ ఇవ్వ‌డం ద్వారా ప్రారంభించి క్ర‌మేణా  ఆస‌క్తి క‌న‌బ‌ర‌చిన ఎంత‌మందికైనా ఈ నైపుణ్య శిక్ష‌ణ అందించేందుకు సిద్ధంగా ఉన్నామ‌ని మంత్రి చెప్పారు.
శ్రీమతి రేణుకా సింగ్ సరుతా మాట్లాడుతూ ,గోల్ ప్రోగ్రాం  ఉద్దేశ్యం , కంటెంట్ ప్రత్యేకమైనద‌ని ప్రభావవంతమైనద‌ని చెప్పారు. గిరిజన మహిళలను డిజిటల్ ప్రపంచంతో అనుసంధానించడం ద్వారా వారి సాధికారత కోసం ఒక సానుకూల‌ వాతావరణాన్ని సృష్టించడానికి , వారి ప్రతిభను పెంపొందించడానికి డిజిటల్ ప్లాట్‌ఫారమ్‌లను ఉపయోగించడంలో ఇది చాలా ఉప‌క‌రిస్తుంద‌న్నారు.. ఎస్టీ యువత ఆర్థికంగా స్వతంత్రంగా ఎదగడానికి గోల్ కార్యక్రమం  వీలుక‌ల్పించ‌గ‌ల‌ద‌ని , ఇది విజ‌య‌వంతం అవెతెంద‌రి ఆమె ఆశాభావం వ్యక్తం చేశారు
శ్రీ‌ దీపక్ ఖండేకర్ మాట్లాడుతూ, గోల్ కార్యక్రమం గిరిజన ,గిరిజనేతర యువత మధ్య అంతరాన్ని తగ్గించడానికి ప్ర‌య‌త్నిస్తుంద‌ని, దేశ నిర్మాణంలో గిరిజన యువత పాల్గొనడాన్ని ప్రోత్సహిస్తుందని  అన్నారు.
ప్రస్తుతం ప్రపంచవ్యాప్తంగా గ‌ల కోవిడ్ మహమ్మారి మనం చూసిన అత్యంత తీవ్రమైన ఆరోగ్య , మానవతా సంక్షోభం అని ఫేస్బుక్ - (ఇండియా, దక్షిణ , మధ్య ఆసియా) డైరెక్టర్ శ్రీమతి అంకి దాస్ అన్నారు. భారత గిరిజన సంస్కృతి పరిరక్షణను పెంచడానికి  మన గిరిజన వర్గాల పోటీతత్వాన్ని పెంచడానికి గిరిజన వ్యవహారాల మంత్రిత్వ శాఖ ఈ కార్య‌క్ర‌మాన్ని ప్ర‌త్యేకంగా రూపొందించిన‌ట్టు చెప్పారు..
ప్ర‌స్తుతం 5000 మంది గిరిజన అభ్యాసకులను అనుభవజ్ఞులైన శిక్ష‌కుల‌తో అనుసంధానించే ఒక అభ్యాస ,శిక్షణా వేదికను సృష్టించడం ద్వారా  గోల్ ప్రోగ్రాం 2 వ దశలో  గిరిజన యువతలో మరింత ఎంట‌ర్ ప్రెన్యూయ‌ర్ షిప్ సామర్థ్యాన్ని పెంపొందించడానికి  చ‌ర్య‌లు తీస‌కోవ‌డం జ‌రుగుతోంది.. ఈ కార్యక్రమం పూర్వ విద్యార్థులచే నిర్వ‌హించ‌బ‌డే  అనేక గిరిజన సంస్థలకు ఉప‌క‌రంచ‌గ‌ల‌దు.
ఈ కార్యక్రమంలో, 5000 షెడ్యూల్డ్ తెగ యువత (‘మెంటీస్’ అని పిలుస్తారు) వివిధ విభాగాలు ,వివిధ‌ రంగాలకు చెందిన నిపుణులచే శిక్షణ పొందటానికి అద్భుతమైన అవకాశాన్ని పొందుతారు (దీనిని ‘మెంటర్స్’ అని పిలుస్తారు). 2 మెంటసీలకు 1 మెంటర్ ఉంటుంది. మారుమూల ప్రాంతాల్లోని షెడ్యూల్డ్ ట్రైబ్ (ఎస్టీ) యువత వారి ఆకాంక్షలు, కలలు , ప్రతిభను వారి సలహాదారులతో పంచుకోవడానికి డిజిటల్ ప్లాట్‌ఫారమ్‌లను ఉపయోగించుకునేలా ఈ కార్యక్రమం లక్ష్యంగా పెట్టుకుంది.
గోల్ (ఆన్‌లైన్‌లో నాయకులుగా వెళుతున్నారు), గిరిజన వ్యవహారాల మంత్రిత్వ శాఖతో ఫేస్‌బుక్ ఇండియా సంయుక్త చొరవ
●  5,000 మంది యువ గిరిజన వ్యవస్థాపకులు, నిపుణులు, చేతివృత్తులవారు  కళాకారులకు డిజిటల్ నైపుణ్యాలపై డిజిటల్ ఎంటర్‌ప్రెన్యూర్‌షిప్ ప్రోగ్రాం కింద శిక్షణ ఇస్తారు
ఔత్సాహిక అభ్యర్థులు ఆన్‌లైన్ పోర్టల్ “goal.tribal.gov.in” ద్వారా దరఖాస్తు చేసుకోవచ్చు.
●   దరఖాస్తు మే 4, 2020 నుండి జూలై 3, 2020 అర్ధరాత్రి వరకు పంపుకోవ‌చ్చు.
పరిశ్రమ  విద్యాసంస్థల నాయకులు “goal.tribal.gov.in” లో మార్గదర్శకులుగా నమోదు చేసుకోవాలనికోర‌డం జ‌రిగింది.
● ఫేస్‌బుక్  సొంతంగా ఈ ప్రాజెక్టును పైలట్ ప్రాతిపదికన 2019 ఫిబ్రవరి నుండి 2019 అక్టోబర్ వరకు 5 రాష్ట్రాల్లో 100 మంది మెంటసీలు , 25 మంది మెంటర్లను కలిగి ఉంది; దీనికి మంచి స్పందన లభించింది. ఫేస్‌బుక్‌ దాని విజయం ఆధారంగా, ప‌టిష్ట‌చర్యల కింద ఉమ్మడి చొరవ కోసం గిరిజ‌న వ్య‌వ‌హారాల మంత్రిత్వ‌శాఖ‌ను సంప్రదించింది. ఆ కార్య‌క్ర‌మం  కింద మెంటీలు, కార్య‌క్ర‌మ రూపం, పాఠ్యాంశాలు , వివిధ కార్యకలాపాల ఎంపికలో ఫేస్‌బుక్‌కు సహాయం చేస్తుంది.
మెంటీస్ , మెంటర్‌లు (goal.tribal.gov.in) లో నమోదు చేసుకోవాలి, ఇది మే 4, 2020 నుండి జూలై 3 వరకు 2 నెలలు అందుబాటులో  ఉంటుంది. పోర్టల్‌లో రిజిస్ట్రేషన్ కోసం స్మార్ట్‌ఫోన్ లేని ఎస్టీ యువతకు సౌకర్యాలు కల్పించడానికి  కామ‌న్ స‌ర్వీస్ సెంట‌ర్లు స‌హాయ‌ప‌డే విధంగా చూడాల్సిందిగా ఎలక్ట్రానిక్స్, ఇన్ఫర్మేషన్ టెక్నాలజీ మంత్రిత్వ శాఖను  కోరడం జ‌రిగింది.
వివిధ వృత్తుల నుండి గిరిజన యువతకు ప్రాతినిధ్యం వహించే విధంగా  భారతదేశం అంతటా పట్టణ , గ్రామీణ ప్రాంతాల నుండి ప్రాతినిధ్యం వహించే విధంగా వారి ఇన్పుట్ల ఆధారంగా మెంటీలు , మెంటర్స్ ను ఎంపిక చేస్తారు. ఐటి ఆధారిత వ్యవస్థ మెంటర్స్  మెంటీలను సరిపోల్చడానికి రూపొందించబడింది, తద్వారా వారు ఒకే రకమైన వృత్తికి చెందినవారు ఒకే భాష మాట్లాడేవారుగా ఉంటారు..
ఎంపిక చేసిన మెంటీలు ఈ కార్యక్రమంలో తొమ్మిది నెలలు లేదా 36 వారాల పాటు 28 వారాల మెంటర్‌షిప్‌ను కలిగి ఉంటారు, తరువాత ఎనిమిది వారాల ఇంటర్న్‌షిప్ ఉంటుంది. ఈ కార్యక్రమం డిజిటల్ అక్షరాస్యత, జీవ‌న‌ నైపుణ్యాలు , నాయకత్వం  ఎంట‌ర్‌ప్రెన్యుయ‌ర్ షిప్ అనే మూడు ప్రధాన రంగాలపై , వ్యవసాయం, కళ , సంస్కృతి, హస్తకళలు , వస్త్రాలు, ఆరోగ్యం, పోషకాహారం వంటి రంగాలపై దృష్టి సారించనుంది. జాతీయ స్కాలర్‌షిప్ , ఫెలోషిప్ పథకం కింద గిరిజన వ్యవహారాల మంత్రిత్వ శాఖ నుండి స్కాలర్‌షిప్ పొందుతున్న , గిరిజన టాలెంట్ పూల్‌లో భాగమైన కనీసం 250 మంది సభ్యులకు కూడా ఈ కార్యక్రమం ద్వారా మార్గనిర్దేశం చేస్తారు.
ఎంపిక అయిన‌ మెంటీలు అందరికీ ఫేస్‌బుక్ ద్వారా స్మార్ట్‌ఫోన్‌లు , ఇంటర్నెట్ సదుపాయం (ఒక సంవత్సరానికి) అందిస్తారు. వివిధ బాహ్య ఫోరమ్‌లను తెలియ‌జేయ‌డంతో  పాటు పాల్గొనేవారికి వారి ఎంట‌ర్‌ప్రెన్యూయ‌ర్ షిప్‌ నైపుణ్యాలు , నాయకత్వ సామర్థ్యాలను ప్రదర్శించడానికి అవకాశం లభిస్తుంది.ఈ కార్యక్రమం గిరిజనులలో అవగాహనను పెంపొందిస్తుంది. ఎస్టీల సంక్షేమం , కేంద్ర, రాష్ట్ర ప్రభుత్వాలు ప్రారంభించిన వివిధ పథకాల గురించి లబ్ధిదారులు మంచి అవ‌గాహ‌న పొంద‌గ‌లుగుతారు.
ముద్ర యోజన, కౌశ‌ల్ వికాస్ యోజన, జన ధన్ యోజన, స్కిల్ ఇండియా, స్టార్ట్ అప్ ఇండియా, స్టాండ్ అప్ ఇండియా వంటి ఇతర ప్రభుత్వ పథకాలతో ఈ కార్యక్రమాన్ని స‌మీకృతం చేయ‌డానికి ప్రయత్నాలు జరుగుతాయి. ఈ ప్రభుత్వ పథకాల కింద అవ‌కాశాలు అందుకోవ‌డానికి ఇది వీలు క‌ల్పిస్తుంది.


                                                                          *****