રેલવે મંત્રાલય

ભારતીય રેલવે 12.05.2020થી શરૂ કરવામાં આવેલી વિશેષ ટ્રેનોમાં વિવિધ શ્રેણી અનુસાર મર્યાદિત સંખ્યામાં વેઇટિંગ ટિકિટ આપવાનું શરૂ કરશે


આ વિશેષ ટ્રેનો માટે કોઇ RAC નહીં હોય

આ ટ્રેનો માટે 22 મે 2020ના રોજથી નવા ફેરફારોનો અમલ કરવામાં આવશે એટલે કે, આ માટે બુકિંગની શરૂઆત 15 મે 2020ના રોજથી થશે

Posted On: 14 MAY 2020 4:40PM by PIB Ahmedabad

ભારતીય રેલવેએ 12.05.2020ના રોજથી વિશેષ ટ્રેનો દ્વારા ફરી શરૂ કરવામાં આવેલી મુસાફર ટ્રેનોમાં કોઇ RAC (કેન્સલેશન સામે રિઝર્વેશન) ન રાખવાનો નિર્ણય લીધો છે. તેમજ, એવો પણ નિર્ણય લેવામાં આવ્યો છે કે, મર્યાદિત સંખ્યામાં વેઇટિંગ લિસ્ટમાં ટિકિટો ઇશ્યુ કરવામાં આવશે જેની વિગતો નીચે દર્શાવ્યા અનુસાર છે:

 

શ્રેણી

મહત્તમ વેઇટિંગ લિસ્ટની મર્યાદા

1 AC

20

એક્ઝિક્યુટિવ ક્લાસ

20

2 AC

50

3 AC

100

AC ચેર કાર

100

(ભવિષ્યમાં ચેર કાર શ્રેણી સાથે કોઇપણ ટ્રેન શરૂ કરવામાં આવે તો જ લાગુ પડે)

સ્લિપર

200

(ભવિષ્યમાં સ્લિપર શ્રેણી સાથે કોઇપણ ટ્રેન શરૂ કરવામાં આવે તો જ લાગુ પડે)

 

ભારતીય રેલવે દ્વારા 12.05.2020થી ફરી શરૂ કરવામાં આવેલી વિશેષ ટ્રેનોના સંદર્ભમાં અન્ય કેટલાક નિર્ણયો પણ લેવામાં આવ્યા છે જે નીચે દર્શાવ્યા અનુસાર છે:

  • વેઇટિંગ લિસ્ટ સંબંધિત અન્ય નિયમો લાગુ થવાપાત્ર રહેશે.
  • કોઇપણ તત્કાલ/ પ્રીમિયમ તત્કાલ ક્વોટા નિર્ધારિત કરવામાં આવશે નહીં.
  • વરિષ્ઠ નાગરિક ક્વોટા, મહિલા ક્વોટા અને દિવ્યાંગજનો (HP) માટે અન્ય ક્વોટા હયાત સૂચનાઓ અનુસાર નિર્ધારિત કરવામાં આવશે.
  • રીફંડના નિયમો એટલે કે ટ્રેન ઉપડવાના 24 કલાક સુધીના સમયમાં કેન્સલેશન માટે ભાડાની 50% રકમ અને 24 કલાકની અંદર કેન્સલ કરવામાં આવે તો કોઇ રીફંડ નહીં, અમલમાં રહેશે નહીં અને હયાત રીફંડ નિયમો એટલે કે રેલવે કેન્સલેશન અને રીફંડ નિયમો 2015 લાગુ થવાપાત્ર રહેશે.
  • ઉપરોક્ત ફેરફારો 22 મે 2020ના રોજથી શરૂ થતી ટ્રેનો માટે લાગુ થશે એટલે કે આ ટ્રેનો માટેનું બુકિંગ 15 મે 2020ના રોજથી શરૂ થશે.

 

GP/DS


(Release ID: 1623831) Visitor Counter : 299


Read this release in: English , Urdu , Hindi , Marathi , Manipuri , Bengali , Punjabi , Odia , Tamil , Telugu , Kannada