খাদী অমসুং ভিলেজ ইন্দস্ত্রীজ কম্মিসন (কে.ভি.আই.সি.)না প্রধান মন্ত্রী শ্রী নরেন্দ্র মোদীনা “ইরমদমগী” ওইহন্দুনা “মালেমগী ওইবা মওং”দা ওইহন্নবা নিংগ্রী তাখত্তুনা শেম শাখ্রে। ইরমগী পোত্থোকশিং পুথোক্নবা প্রধান মন্ত্রীনা পুক্নিং থৌগৎনীংঙাই ওইবা ৱাফম থম্লবা মতুং নোংমা লৈরগা কে.ভি.আই.সি.না পি.এম.ই.জি.পী.গী মরুওইবা থৌরমগী মখাদা তৌবা প্রোজেক্তশিং তৌনবগী গাইদলাইনশিং চৎনবা হৌহনখ্রে।

কে.ভি.আই.সি.গী চেয়রমেন, শ্রী বিনয় কুমার সক্সেনানা ঙসি মরী লৈনবা এজেন্সীশিংদা পি.এম.ই.জি.পি.দা থারকপা এপ্লিকেসনশিং স্ক্রুতনী তৌনবা খঙহনখ্রে অমসুং নুমিৎ ২৬কী মনুংদা ফন্দশিং অদু পীথোক্নবা বেঙ্কশিংদা মখা তানা থাখ্রে।

মসিগী অরেপ্পা-মতম অসি নুমিৎ ১৫দা হন্থহন্নবসু মহাক্না হায়খি। এজেন্সীশিংগী ওইনা, থাঙ্গৎলক্লিবা ৱাফমশিং অদু শেম-শাবদা লমজিংবিবা অমসুং লোন অদু সেঙ্কসন তৌবা য়াদ্রিফাওবা তঙাই ফদনা মখোয়গী মতেং পাংগদবনি। এজেন্সী পুম্নমক্না লোন সেঙ্কসন তৌনবগীদমক বেঙ্কশিংগা মখা-তাবা থবকশিং পায়খৎকনি।

য়েংলগা চুমথোক্লবা গাইদলাইনশিংগী মতুং ইন্না, মুম্বাইদা লৈরিবা কে.ভি.আই.সি. মোনিতরিং সেলনা এপ্লিকেসনগী মখা তাবা থৌওংশিংদু নোংমগী ওইবা মওংদা য়েংশিনবা মতমদা থাখায় খুদিংগী এজেন্সীশিংদা মদু চৎনহন্নবা ফীদবেক পীগনি। মদুগী মতুংদা প্রোগ্রেস রিপোর্তশিং অদু কে.ভি.আই.সি.গী সি.ই.ও. অমসুং চেয়রমেন্দা চেকশিন্না য়েংশিন্নবা থমগনি।

য়েংশিল্লগা চুমথোক্লবা গাইদলাইন অসি প্রধান মন্ত্রীনা ইরমগী পোত্থোকশিং পুথোকপা হেনগৎহন্নবা পুক্নিং থৌগত্তুনা থমখিবা ৱাফমদা য়েংলগা চৎনবা হৌখিবনি হায়না শ্রী সক্সেনানা হায়খি। “প্রধান মন্ত্রীনা, ‘ইরোমদোম লেপচবা’ হায়বসি লাইৱানি হায়না হায়খ্রে। পি.এম.ই.জি.পি.গী মখাদা লৈবা চত্থবা থৌওংশিংবু লায়থোকহন্দুনা ইরমদা শাজবা পোৎলমশিং পুথোকপদা হেন্না খোংজেল য়াংহনগনি। মসিনা লেপথোক্তুনা থম্লবা অতেনবা মতমদা থবকশিং অদু মশিং য়াম্না তৌহনগনি হায়না সক্সেনানা হায়খি। ” খাদী অমসুং ভিলেজ ইন্দস্ত্রীশিংনা ইরমদমগী মালেমগী ওইনা ওন্থোকপা হায়বসি লমদুগী ওইবা ইন্দস্ত্রীশিং অমসুং ইন্তর্প্রাইজেজশিংগী মতাংদা নৈননীংঙাই ওইবা হীরম অমা ওইগনি হায়না মহাক্না ফোংদোকখি। “কে.ভি.আই.সি.গী নোদেল এজেন্সীনা পি.এম.ই.জি.পি.গী মখাদা লাক্কদৌরিবা প্রোজেক্তশিং পায়খৎনবা নিংগ্রী তাখত্তুনা শেম শাখ্রে,” হায়না মখা তানা হায়খি।

লম-লমগী ওইবা পোত্থোকশিং অসি পুথোকপা খংহেন-হেনগৎহন্নবা এন.৯৫কী মাস্কশিং, ভেন্তিলেতরশিং অমসুং মাগা কোন্নবশিং, হকশেলগী স্তাফশিংগী পি.পি.ই. কীৎশিং, সেনিতাইজর/খুৎ চাম্নবা মহী, থর্মেল স্কেন্নর অমসুং অগরবতী অমসুং সাপোনশিং শাননবা জীলা খুদিংমক্তা য়ামদ্রবদা য়ুনিৎ অমমম শেমগৎলগনি। মসি লৈবাক অসিদা কোবিদ-১৯গী ওইরিবা ফীভমসিগী মতুং ইন্না পীননবগী তাল্লকপা হেনগৎলকপশিং অদু ফংহন্নবনি।

য়েংশিন্দুনা চুমথোক্লবা গাইদলাইনশিং অদুগী মতুং-ইন্না, থবক পায়রিবা এজেন্সীশিংনা স্ক্রুতীনি চত্থরিঙৈগী মতমদা এপ্লিকান্তশিং অদু য়ামদ্রবদা মার্ক ১০০গী মনুংদা ৬০ ফংব্রা হায়বদু স্কোর কার্দ অদুদা য়েংগদবনি। মসিগা মান্নবা মওংদা, বেঙ্ককী থাক্তা খত্তোরকপা হন্থনবা রো মেতরিএল, মীগী মশিং, চত্থোক-চৎশিনগী পাম্বৈ অমসুং মৈ য়ৌবা ঙম্বা-ঙমদবনচিংবা তেক্নিকেল ওইবা মওংদা তৌবা য়াবশিং অদু শোইদনা য়েংশিনগদবনি।

মসিগা মান্ননা, থবক পায়রিবা এজেন্সীশিংনা কৈথেলগী মতাংদা নৈনবা, থাঙ্গৎলক্লবা পোৎলমশিং অদু তাল্লকপগী চাং, কৈরোই-লৈকাইদা মান্নবা প্রোজেক্তশিং অমদি কৈথেলগী লাল্লোংশিং অদু য়েংশিনগদবনি। থাঙ্গৎলকপা ৱাফম অদু বেঙ্ক অদুগী মখাদা তাদে হায়দুনা খত্তোরক্তনবা খনগৎলবা বেঙ্ক অদুগী মখাদা লৈ-লৈতে হায়বদু এজেন্সী অদুনা চপ-চাবা মওংদা খঙগদবনি।

****