রেলৱে মন্ত্রালয়
ইন্দিয়ন রেলৱেনা লৈবাক পুম্বদা ২০২০গী মে ১৩ ফাওবদা “শ্রমিক স্পিসিয়েল” ত্রেন ৬৪২ ওপরেৎ তৌরি
পেসেঞ্জর লাখ ৭.৯০গী ময়া মখোয়গী হোম স্তেত য়ৌখ্রে
পেসেঞ্জরশিংদা চাকলেন অমসুং ঈশিং লেম্না পীরি
ত্রেনশিং অসি রেলৱেনা পেসেঞ্জরশিংবু থাদোক্কদৌরিবা রাজ্য অমসুং মখোয়বু লৌশিনগদৌরিবা রাজ্য অনিমক্না অয়াবা পীরবা মতুং খক্তদা চেল্লি
प्रविष्टि तिथि:
13 MAY 2020 5:15PM by PIB Imphal
তোঙান-তোঙানবা মফমশিংদা পন্দুনা লৈরিবা মাইগ্রেন্ত ৱার্করশিং, পিলগ্রিমশিং, তুরিস্তশিং, মহৈরোইশিং অমসুং অতোপ্পা মীওইশিংবু অখন্নবা ত্রেনশিংনা পুথোক-পুশিন তৌবনবা গৃহ মন্ত্রালয়গী পাউতাক মতুং ইন্না ইন্দিয়ন রেলৱেনা “শ্রমিক স্পিসিয়েল” ত্রেনশিং ওপরেৎ তৌনবা ৱারেপ লৌখি।
২০২০গী মে ১৩ ফাওবদা, লৈবাক অসিগী তোঙান-তোঙানবা রাজ্যশিংদগী “শ্রমিক স্পিসিয়েল” ত্রেন পুন্না ৬৪২ ওপরেৎ তৌরি। পেসেঞ্জর লাখ ৭.৯০গী ময়া মখোয়গী হোম স্তেত য়ৌখ্রে। ত্রেনশিং অসি রেলৱেনা পেসেঞ্জরশিংবু থাদোক্কদৌরিবা রাজ্য অমসুং মখোয়বু লৌশিনগদৌরিবা রাজ্য অনিমক্না অয়াবা পীরবা মতুং খক্তদা চেল্লি।
মসিগী ত্রেন ৬৪২ অসি আন্ধ্র প্রদেশ (ত্রেন ৩), বিহার (ত্রেন ১৬৯), ছতিসগর (ত্রেন ৬), হিমাচল প্রদেশ (ত্রেন ১), জম্মু অমসুং কশ্মীর (ত্রেন ৩) ঝার্খন্দ (ত্রেন ৪০), কর্নাতকা (ত্রেন ১), মধ্য প্রদেশ (ত্রেন ৫৩), মনিপুর (ত্রেন ১), মিজোরম (ত্রেন ১), মহারাস্ত্রা (ত্রেন ৩), ওরিশা (ত্রেন ৩৮), রাজস্থান (ত্রেন ৮), তমিল নাদু (ত্রেন ১), তেলঙ্গনা (ত্রেন ১), ত্রিপুরা (ত্রেন ১), উত্তর প্রদেশ (ত্রেন ৩০১), উত্তরাখন্দ (ত্রেন ৪), ৱেস্ত বেঙ্গল (ত্রেন ৭)গুম্বা তোঙান-তোঙানবা রাজ্যশিংদা তর্মিনেৎ তৌরি।
ত্রেন তোংদ্রিঙৈ মাংওইননা পেসেঞ্জরশিংবু মতিক চানা স্ক্রীনিং তৌরি। খোংচৎ মনুংদা পেসেঞ্জরশিংবু চাকলেন অমসুং ঈশিং লেম্না পীরি।
****
(रिलीज़ आईडी: 1623665)
आगंतुक पटल : 247
इस विज्ञप्ति को इन भाषाओं में पढ़ें:
Tamil
,
English
,
Urdu
,
हिन्दी
,
Marathi
,
Bengali
,
Punjabi
,
Gujarati
,
Odia
,
Telugu
,
Kannada
,
Malayalam