এম.এস.এম.ই.অমসুং রোদ ত্রান্সপোর্ৎ য়ুনিয়নগী মন্ত্রী শ্রী নীতিন গরকরীনা ঙসি নুংথিল প্রধান মন্ত্রীনা লাউথোকখিবা লুপা কোতি ২০গী পেকেজবু তরাম্না ওকখ্রে। মহক্না হায়খি, পুৱারী ওইবা পেকেজ অসিগী খুত্থাংদা প্রধানমন্ত্রীনা এম.এস.এম.ই., ভিলেজ অমসুং কোতেজ ইন্দস্ত্রীশিংগী অনীংবা অমসুং অপাম্বা থুংহল্লগনি।

শ্রী গরকরীনা হায় হেন্দোক-থোয়দোক্না লৈরিবা রিসোর্সশিং, অহেনবা তেক্নোলোজী অমসুং রো মেতেরিয়েলগী মতেংনা ভারতনা য়াম্না থুনা মায়কৈ পুম্নমক্তা মীপাল তাংদনা মরোমদোম লেপচবা ঙম্লনি। মহাক্না হায়খি প্রধান মন্ত্রীনা মালেমগী একোনোমীদা ভারতপু সুপর পাৱর একোনোমী অমা ওইনা ওইবগী খল্লিবনি। মন্ত্রীনা হায়খি কোবিদ-১৯গী লাইচৎ  অসিনা মরম ওইরগা থোকহল্লিবা একোনিমিক স্লোদাউন অসি খুংদোংচাবনি হায়না লৌগদবনি অমসুং লৈবাক অসিবু মাং থাদুনা পুখৎনবগীদমক অফবা ৱাখল্লোন লৈবা অমসুং ইশানা ইশাবু থাজবা অসি মাংহন্দনবা হোনৎনগদবনি।

মন্ত্রীনা ফংদোকখি মদুদি প্রধান মন্ত্রীগী খোংথাং অসি লৈবাক অসিনা মতম কুইনা নীংশিংদুনা লৈহৌরগনি। মহাক্না হায়খি, সেক্তর অসিগীদমক প্রধান মন্ত্রীনা পীরক্লিবা মতেং অসিনা কোতি ১১ হেনবা মীয়ামদা থবক ফংহনগনি অমসুং জি.দি.পি.গী চাদা ২৯গী চাংদা মতেং পাংলি, সেক্তর অসিগী স্তেক হোল্দরশিংনা মসি কৈদৌনুংদা কাউবা ঙম্লোই। পেকেজ অসিগী মতেংনা এম.এস.এম.ই., ভিলেজ অমসুং কোতেজ ইন্দস্ত্রী সেক্তর অসি অনৌবা থাক্তা চাউখৎলক্কনি হায়না মহাক্না থাজবা ফোংদোরকখি।

****