হরিয়ানানা দিসেম্বর ২০২২ ফাওবদা খুঙ্গংগী য়ুমথোঙ খুদিংদা তোতি শম্ননবা থৌরাং লৌখৎলি‍। স্তেৎ অসিনা ইং ২০১৯-২০গী মনুংদা জল জীবন মিশনগী মখাদা তোতি লাখ ১.০৫ শমখ্রে‍। হৌজিক স্তেৎ লৈঙাক্না লৈবাকসিগী ওইবা ইং ২০২৪-২৫কী পান্দমগী মাঙওইননা দিসেম্বর ২০২২ ফাওবদা চাদা ১০০ কোনশিন্নবা থৌরাং লৌখৎলি‍। অসুম্না তৌবসিনা হরিয়ানা খুঙ্গংগী য়ুমথোঙ খুদিংদা তোতি শম্নবগী চাউরবা পান্দম অসি ফংবা ঙমবা মাঙজিল থাবা স্তেৎশিংগী মনুংদা চল্লগনি‍।

জে.জে.এম.গী মখাদা য়ুমথোঙ খুদিংদা তোতি ঈশিং ফংহনবগী পান্দম ফংননবা তৌগদবা থবক থৌরমশিংগী থৌরাং  দিপার্তমেন্ত ওফ দ্রিঙ্কিং ৱাতর এন্দ সেনিতেসনদা উৎলদুনা ঙরাং স্তেৎকী ওফিসিএলশিংনা হায়খিবদা হরিয়ানাদা য়ুমথোঙ লাখ ২৮.৯৪ লৈ, মখোয়গী মনুংদা লাখ ১৮.৮৩দি হান্ননা ফংসনেল হাউসহোল্দ তেপ কন্নেক্সন (এফ.ঐচ.তি.সি.) লৈরে‍। লেমহৌরিবর য়ুমথোঙ লাখ ১০.১১গী মনুংদা ইং ২০২০-২১ কী মনুংদা হরিয়ানানা য়ুমথোঙ লাখ ৭তা তোতি শম্ননবা থৌরাং পায়খৎলি‍।

চৎলিবা চহীসিদা স্তেৎ অসিনা অপুনবা খুঙ্গং ৬,৯৮৭কী মনুংদা দিস্ত্রিক্ত অমগী খুঙ্গং ২,৮৯৮তা চাদা ১০০ কোনশিন্নবা থৌরাং পায়খৎলি‍। ঈকং থোক্কনবা মফমশিং অমদি এস্পিরেস্নেল দিস্ত্রিক্তশিংদা লৈবা খুঙ্গংগী য়ুমথোঙশিং কোনশিন্নবা অহেনবা মিৎয়েং থম্লি‍। চৎলিবা শেনবা চহীসিগী ওইনা স্তেৎ অসিনা চপ মান্না স্তেৎ মেৎচিং শেয়রগী শেনফম হাপচিনগদবা জে.জে.এম.গী মখাদা সেন্ত্রেল শেয়র ওইনা লুপা ক্রোর ২৯০ ফংবা য়ারি‍। তৌথোরকপা থবক অমদি শেলথুমগী ফিভমগী মতুং ইন্না স্তেৎ অসিনা অহেনবা শেনফম ফংবা য়াবগী ফিভমসু লৈরি‍।

ঈশিং তেস্তিং লেবোরেতরী ৪৪গী মনুংদা স্তেৎ অসিনা চৎলিবা শেনবা চহীসিদা লেব ১৮গী এন.এ.বি.এল. এক্রেদিতেসন ফংনবা থৌরাং তৌরি‍। মথৌ তাবা শেমদোক শাদোকপগী থৌরাং লৌখৎননবগীদমক ঈশিংগী ক্বালিতী চাংয়েং তৌননবা কম্ম্যুনিতী লেভেলদা ফিল্দ তেস্তিং কিতশিং য়েন্থোক্কদৌরি‍। স্তেৎ অসিনা ঈশিং ফত্তবনা শোকহল্লবা মফম ৩৫ মক্তা থক্ননবা ঈশিং ফংহন্নবা পান্দম থম্লি‍।

গ্রাম পঞ্চায়ত খুদিংমক্তা জি.পি. নৎত্রগা মখোয়গী সব-কমিতী ওইনা ভিলেজ ৱাতর এন্দ সেনিতেসন কমিতীশিং খুঙ্গংগী লেভেলদা থৌরাং য়াৎননবা শেমখ্রে‍। খুঙ্গংশিংগী ভিলেজ এক্সন প্লানশিং শেম্লে অমদি মদুদা য়ুম্ফম ওইদুনা এক্সন প্লান অসি ফাইনেলাইজ তৌখ্রে‍।

চীফ মিনিস্তরনা ইকুই কুইদ্রিঙৈদা পব্লিক হেল্থ ইঞ্জিনিয়রিং দিপার্তমেন্তকী দেশবোর্দ হাংদোকখ্রে‍। মসি খুঙ্গংশিং, তোতি কন্নেক্সনশিং, শেনথুমগী ফীভমনচিংবা অকুপ্পা ৱাফমশিং তশেন তশেংবা মতমগী ওইনা য়েংশিল্লিবা দাইনামিক ওইবা ফম্বাক অমনি‍।

কোবিদ-১৯গী লাইচৎ মনুংসিদা অসিগুম্বা খুঙ্গংগী মফমশিংদা য়ুমথোঙ খুদিংদা তোতি শম্নবগীদমক লৌখৎলক্লিবা থৌরাং অসিনা মরু ওইনা নুপী অমসুং নুপীমচাশিংগী অকনবা থবকশিং খরমখৈ হন্থহন্দুনা মখোয়দা খুদোং থিবা থোকহন্দনা ইকায় খুম্নবা পুন্সি মহিং অমা পীদুনা নুংঙাইনা হিংবগী ফীভম ফগৎহল্লগনি‍।

ভারত লৈঙাক্না স্তেৎশিংগা খুৎশম্নদুনা লৈবাকসিগী খুঙ্গংগী য়ুমথোঙ খুদিংমক্তা অপীবা ক্বালিতীদা চাং নাইনা অমদি মখোয়গী পুন্সি মহিংবু ফগৎহনবা ঙমগদবা মওংদা মতম শাংনা অমদি পুবা ঙমগদবা সর্ভিস দেলিভরী চার্জতা থক্নবা ঈশিং মরাং কায়না পীননবগীদমক্তা ‘জল জীবন মিশন’ (জে.জে.এম.) পায়খৎপনি‍।

খুঙ্গংগী মীশিংদা মীয়ামগী ওইবা তোতি তাফমশিংদা চত্তুনা ক্যু শাংনা লেপ্তুনা ঈশিং হোনবগী অৱাবা লৈহন্দনবা পান্দমদা হৌজিক ওইরিবা কোবিদ-১৯গী ফীভমসিদা খুঙ্গংগী য়ুমথোঙশিংদা অহেনবা মিৎয়েং চঙদুনা তোতি শম্নবগী থৌরাং পায়খৎপা হায়বসি কেন্দ্র লৈঙাক্কী পান্দমনি‍। খুন্নাইগী লায়রবা অমদি মীমান্নদ্রবা শরুকশিংদা মখোয় মখোয়গী ইংখোলনুংদা তোতি শমদুনা থক্নবা ঈশিং পীদুনা সোসিয়েল দিস্তেন্সিং ঙাক্তুনা ঈশিং য়াফমশিংদা চৎপগী খুদোংচাদবশিংদু কোকহন্দুনা খুঙ্গংগী ফুরুপশিংবু কোবিদ-১৯গী লাইচৎতগী ঙাকথোক্নবা লৈঙাক্না পুক্নীং চঙলি‍।  খুঙ্গংগী য়ুমথোঙশিংদা তোতি শমবা লোয়ন-লোয়ননা লমদমদুগী মীওইশিং অমসুং লমদগী লাকপা শিন্মীশিংগী থবক পীবা হায়বা পান্দম অনিমক ফংনবগীদমক থক্নবা ঈশিংগা মরী লৈনবা থবক থৌরাংশিং অহেনবা মিৎয়েং থমদুনা পায়খৎনবা স্তেৎ/য়ু.তি.শিংদা পাউতাক ৱারোলশিং পীখ্রে‍।

খুঙ্গংশিংদা তোতি শম্নবগীদমক্তা খুঙ্গং খুদিংমক্তা ৱাতর সপ্লাই স্কিমশিং নৈনদুনা হৌখিবা থা ৩সিদা স্তেৎ/য়ু.তি.শিংগা তানদুনা চাউরবা থৌরাংশিং পায়খৎখি‍।

*****