দেহরাদুন স্মার্ত সিতী লিমিতেদ (দি.এস.সি.এল.)না কোবিদ-১৯গী মায়োক্তা লান্থেংনবদা মোনিতর তৌনবা অমসুং সর্ভিলেন্সকী থবক থৌরমশিংগীদমক্তা ইন্তিগ্রেতেদ কমান্দ অমসুং কন্ত্রোল সেন্তর শিজিন্নখ্রে। দি.এস.সি.এল.গী ওথোরিতীশিংনা জিলাগী এদমিনিস্ত্রেসনশিংগা খুৎশম্নদুনা কোবিদ-১৯গীদমক্তা মথৌ তাবশিং অদুগী পোরম য়াৎপা অমসুং লাকশিন্নবগী থবকশিং পাইখৎখ্রে। তেক্নোলোজীগী পার্তনরশিং খুদম ওইনা ঐচ.পি.ই., এস.জি.এল. অমসুং ৱেবলাইন্নি, মখোয়শিং অসিনা থবক থোকহনবা অমসুং থবকশিং অসিবু নীংথিনা পাংথোকপদা মরু ওইবা থৌদাং শোয়দনা লৌই হায়বা খঙনবগীদমক্তা দি.এস.সি.এল. অমসুং জিলাগী এদমিনিস্ত্রেসনশিংনা ভিদিও অমসুং তেলী কনফরেন্সিংগী খুত্থাংদা লাপতক্না য়েংশিল্লি।

ইন্তিগ্রেতেদ কমান্দ অমসুং কন্ত্রোল সেন্তর

দেহরাদুন স্মার্ত সিতী লিমিতেদনা দেহরাদুন ইন্তিগ্রেতেদ কমান্দ অমসুং কন্ত্রোল সেন্তরগী খুত্থাংদা হোসপিতালশিংদা লৈবা ক্বরেন্তাইন ৱার্দশিং অদু মোনিতর তৌবগী থৌওং অসি হৌদোরকখি। দি.এস.সি.এল.না সি.সি.তি.ভি. সর্ভিলেন্স সীস্তেম শিজিন্নদুনা ২৪x৭ অশোই অঙাম য়াওহন্দনবগী মরু ওইবা পান্দমগা লোইননা দুন, কোরোনেসন, গান্ধী শতাবদী অমসুং সুভার্তী হোস্পিতালশিং অমসুং তকজীন হোতেলদা সি.সি.তি.ভি.শিং হান্নদগী হাপখ্রে অমসুং আইসোলেসন/ক্বরেন্তাইনগী মফমশিংদা লৈবা এ.আই. বেজ ফেস রিকোক্নিসনঅদুগী চপ মান্নবা ভিদিও ফীদ অদু আই.সি.সি.সি.দা থমগনি।

সি.সি.তি.ভি.শিং পানখৎপা অসিসু ক্বরেন্তাইন তৌদুনা থম্লিবশিংগা লোইননা সেবা তৌরিবশিং অদুগীসু অশোই অঙাম য়াওদনা অমসুং ঙাকশেন্দুনা থম্নবগী খোংথাং অমনি।

ইসেন্সিয়েল সর্বিস লোকদাউন পাস

দেহরাদুন স্মার্ত সিতীনা “ইসেন্সিয়েল সর্বিস লোকদাউন পাস” হায়না কোয়া কমপ্যুতর এপ্লিকেসন অমা পুথোকখ্রে। করিগুম্বা মীওই অমহেক্তনা লোকদাউন মনুংদা ইমর্জেন্সী সর্বিসশিং অমহেক্তা পাম্বা থোক্লবদি মখোয়না পাস অসিগীদমক থাজিনবা য়াগনি, অয়াবা লৌরগা অমসুং মখোয়গী য়ুমদগী থোকপা য়াগনি অমসুং সেনিয়র সিতীজন, অশিবা পোৎলোইবগী, মেদিকেল সর্বিস, চান-থক্নবগী সপ্লাই অমসুং হৱাই-চেংৱাইনচিংবা চানবগী পোৎলমশিংগী সর্বিস, হোম দিলিবরী, আই.তি. অমসুং তেলীকোম সর্বিস অসিনচিংবশিংগীদমক্তা জিলাগী থাক্তা/ সিতীগী থাক্তা লৈবা ইমর্জেন্সী/তঙাইফদবা সর্বিসশিংগী পাস অসি শিজিন্নবা য়াগনি।

পব্লিক এৱ্যের্নেস কেমপেন

দেহরাদুন স্মার্ত সিতীনা মুনিসেপাল কোর্পোরেসন অমসুং অতৈ-অতৈ সরকারগী সর্বিসশিংনা পীবা সর্বিসশিংগা মরী লৈননা লোকদাউন অমসুং সর্ভিসশিংগী মরমদা এৱেয়র্নেস শন্দোক্লি। সিতী অসিনা মখোগী সোসিয়েল মীদিয়াগী খুত্থাংদা খুদম ওইনা ফেসবুক, ইন্তগ্রাম ত্বীত্তর অমসুং ৱাৎসএপকী গ্রুপ্তা দি.এস.সি.এল.না পাইখৎলিবা প্রোজেক্তশিংগী মতাংদা মীয়ামগী মরক্তাএৱ্যের্নেস শন্দোক্তুনা মীয়ামগী পুক্নিং থৌগৎহল্লি।

ভি.এম,দি.এস.কী খুত্থাংদা এৱ্যের্নেস পীবা

সিতী অসিগী মরু ওইবা জঙ্কসনশিংদা থম্বা ভেরিয়েবল মেসেজিং দিসপ্লেশিং (ভি.এম.দি.শিং)দা প্রজাগীদমক কোবিদ-১৯গী এৱ্যের্নেস মেসেজ কয়া অমা থাদোকই। পুলিস, হেল্থ অমসুং অতৈ-অতোপ্পা মরু ওইবা দিপার্তমেন্তশিংগী ইমরজেন্সী নম্বরশিংসু ভি.এম.দি.শিং অসিদা উৎলি।

****