କୋଭିଡ-19କୁ ଯାଞ୍ଚ ଏବଂ ନିରୀକ୍ଷଣ କରିବା ଲାଗି ଇଣ୍ଟିଗ୍ରେଟେଡ କମାଣ୍ଡ ଏବଂ କଣ୍ଟ୍ରୋଲ ସେଣ୍ଟରକୁ ଦେରାଡୁନ ସ୍ମାର୍ଟ ସିଟି ଲିମିଟେଡ (ଡିଏସସିଏଲ) ବ୍ୟବହାର କରିଛି | କୋଭିଡ-19 ଲଢେଇ ପାଇଁ ଆବଶ୍ୟକ ଯୋଜନା ଏବଂ ପରିଚାଳନାରେ ଜିଲ୍ଲା ପ୍ରଶାସନ ସହଯୋଗରେ ଡିଏସସିଏଲ କର୍ତ୍ତୃପକ୍ଷ କାର୍ଯ୍ୟ କରୁଛନ୍ତି । ଏଚପିଇ, ଏସଜିଏଲ ଏବଂ ୱେବ ଲାଇନ ଟେକ୍ନୋଲୋଜି ସହଭାଗୀତାରେ ଭିଡିଓ ଏବଂ ଟେଲି କନଫରେନ୍ସିଂ ମାଧ୍ୟମରେ ଡିଏସସିଏଲ ଓ ଜିଲ୍ଲା ପ୍ରଶାସନ ଦୂରଦୂରାନ୍ତରେ ନିୟୋଜିତ ହୋଇ କାର୍ଯ୍ୟ ସମ୍ପାଦନାରେ ପ୍ରମୁଖ ଭୂମିକା ଗ୍ରହଣ କରିଥାନ୍ତି ।

ଇଣ୍ଟିଗ୍ରେଟେଡ କମାଣ୍ଡ ଏବଂ କଣ୍ଟ୍ରୋଲ ସେଣ୍ଟର

ଦେରାଡୁନ ସ୍ମାର୍ଟ ସିଟି ଲିମିଟେଡ ହସ୍ପିଟାଲଗୁଡ଼ିକରେ ଥିବା କ୍ଵାରେଣ୍ଟାଇନ ୱାର୍ଡ ଉପରେ ନଜର ରଖିବା ପ୍ରକ୍ରିୟା ଆରମ୍ଭ କରିଛି । ଡିଏସସିଏଲ ପୂର୍ବରୁ ଡୂନ, କରୋନେସନ, ଗାନ୍ଧୀ ଶତାବ୍ଦୀ ଏବଂ ଶୁଭର୍ତ୍ତି ହସ୍ପିଟାଲ ସହିତ ତାକଗେନ ହୋଟେଲରେ ସିସିଟିଭି ବ୍ୟବହାର କରି 24x7 ସୁରକ୍ଷା ଯୋଗାଉଛି ଯାହାଦ୍ୱାରା ଏକାନ୍ତବାସ/ଅବରୋଧ ଅଞ୍ଚଳରେ ସମାନ AI ଆଧାରିତ ଚେହେରା ଚିହ୍ନର ଭିଡିଓ ଫିଡ ICCC ରେ ଗଚ୍ଛିତ ହୋଇପାରିବ ।

ସିସିଟିଭି ସ୍ଥାପନ ଦ୍ଵାରା ସେବା ପ୍ରଦାନକାରୀଙ୍କ ସହିତ କ୍ଵାରେଣ୍ଟାଇନ ଅନ୍ତବାସୀଙ୍କ ନିରାପଦ ଏବଂ ସୁରକ୍ଷା ସୁନିଶ୍ଚିତ ହୋଇପାରୁଛି ।

ଜରୁରି ସେବା ଲକଡାଉନ ପାସ

 “ଜରୁରି ସେବା ଲକଡାଉନ ପାସ” ନାମକ ଏକ କମ୍ପ୍ୟୁଟର ଆପ୍ଲିକେସନକୁ ଦେରାଡୁନ ସ୍ମାର୍ଟ ସିଟି ବିକଶିତ କରିଛି । ଯଦି କୌଣସି ନାଗରିକ ଲକଡାଉନ ସମୟରେ ଜରୁରିକାଳୀନ ସେବା ଚାହାଁନ୍ତି, ତେବେ ସେମାନେ ଏଥିପାଇଁ ପାସ ଆବେଦନ କରି ଏହାକୁ ଅନୁମୋଦନ କରାଇପାରିବେ ଏବଂ ତାପରେ ଜିଲ୍ଲା/ସହର ସ୍ତରରେ ଏହାକୁ ଜରୁରିକାଳୀନ/ବରିଷ୍ଠ ନାଗରିକଙ୍କ ପାଇଁ ଅତ୍ୟାବଶ୍ୟକ ସେବା, ଅନ୍ତିମ ସଂସ୍କାର, ଚିକିତ୍ସା ସେବା, ଖାଦ୍ୟ ଯୋଗାଣ ଏବଂ ଖାଦ୍ୟ ସାମଗ୍ରୀ ସେବା, ଘର ବିତରଣ, ଆଇଟି ଏବଂ ଟେଲିକମ୍ ସେବା ଇତ୍ୟାଦିରେ ବ୍ୟବହାର କରିପାରିବେ ।

ଜନସଚେତନତା ଅଭିଯାନ

ମୁନିସିପାଲିଟି କର୍ପୋରେସନ ଏବଂ ଅନ୍ୟାନ୍ୟ ସରକାରୀ ସେବା ଦ୍ଵାରା ପ୍ରଦାନ କରାଯାଇଥିବା ସେବାଗୁଡିକ ଉପରେ ଡେରାଡୁନ ସ୍ମାର୍ଟ ସିଟି ଜନ ସଚେତନତା ଅଭିଯାନ କରୁଛି । ଡିଏସସିଏଲ ସମସ୍ତ ଯୋଜନା ସହାୟତାରେ ସହର ଲୋକଙ୍କୁ ବିଭିନ୍ନ ସାମାଜିକ ଗଣମାଧ୍ୟମ ଯେପରିକି ଫେସବୁକ, ଇନଷ୍ଟାଗ୍ରାମ, ଟ୍ୱିଟର ଏବଂ ହ୍ଵାଟ୍ସଅପ ମାଧ୍ୟମରେ ସଚେତନ କରାଉଛି ।

ଭିଏମଡି ମାଧ୍ୟମରେ ସଚେତନତା

ସହରର ଜଟିଳ ଛକ ଜାଗାଗୁଡିକରେ ଲଗାଯାଇଥିବା ଭେରିଏବଲ ମେସେଜିଂ ଡିସପ୍ଲେ (ଭିଏମଡି)ରେ ନାଗରିକମାନଙ୍କ ପାଇଁ କୋଭିଡ-19 ସଚେତନତା ବାର୍ତ୍ତା ପ୍ରକାଶିତ ହେଉଛି । ପୋଲିସ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ସେବା ପ୍ରଦାନକାରୀ ବିଭାଗର ଜରୁରିକାଳୀନ ନମ୍ବରକୁ ଭିଏମଡିରେ ପ୍ରଦର୍ଶନ କରାଯାଉଛି ।

**********