সার্স. সি.ও.ভি.০২ তঙাই ফদবা মওংদা ঙাকথোক্নবা অমদি ফননবা বাইওমেদিকেল সোলুসনশিং শেম্নবা বাইওতেক্নোলোজী বিভাগ অমসুং বাইওতেক্নোলোজী ইন্দস্ত্রী রিসর্চ এসিস্তেন্স কাউন্সিল (বি.আই.আর.এ.সি.)না কোবিদ-১৯ রিসর্চ কন্সোর্তিয়মগী এপ্লিকেসন কৌখ্রে। মসিদা নত্তনা, বি.আই.আর.এ.সি.না ‘ফাস্ত ত্রেক রিভ্যু প্রোসেস’কী মখাদা খুদক্কী ওইবা মওংদা শিজিন্ননবা য়ারবা কোবিদ-১৯দা ফন্দ পীনবা থৌরাং অমসু শেম্লে।

রিসর্চ কন্সোর্তিয়ম অসিগী মখাদা, দি.বি.তি. অমসুং বি.আই.আর.এ.সি.না কোবিদ-১৯ লাকশিন্নবা ইন্সস্ত্রী/একাদেমীগী ওইবা অমসুং একাদেমী অমসুং ইন্দস্ত্রীনা পুন্না দাইগ্নোস্তিকশিং, তীকাশিং, নোবেল থেরাপ্যুতিকশিং, হীদাকশিং নৌনা শিজিন্নবা অমদি অতৈ মরক্কী থবকশিং তৌবদা মতেং পাংনবা এপ্লিকেসনশিং মখা তানা য়েংশিল্লি। মখল কয়া থৌওংশিংদা ওন-ওন্দুনা য়েংশিল্লগা, খুৎলায়শিং, দাইগ্নোস্তিকশিং, তীকা থানবশিং, থেরাপ্যুতিকশিং অমসু অতৈ মরক্তা তৌবা য়াবা ৱাফম ৭০দা শেলগী তেংবাং পীবীনবা হায়খ্রে। সোর্তলিস্ত তৌরবা ৱাফমশিং অদুদা তীকা থাগদবা ১০, দাইগ্নোস্তিক্কী পোৎলম নত্ত্রগা স্কেল-অপকী ফেসিলিতী ৩৪, থেরাপ্যুতিক্কী ওপ্সন ১০, অনৌবা মওংদা হীদাক থানবগী ৱাফম ২ অমসুং ঙাকথোক্নবা চেকশিন-থৌরাংগী কাংলুপ ওইনা খাইদোক্লবা প্রোজেক্ত ১৪ য়াওরি।  

তীকা শেম-শাবা থুগৎহনবা ঙম্নবগী মিৎয়েংদা, দি.বি.তি.না প্রী-ক্লিনিকেলদা ইথিল পীবা তেস্ত তৌনবা শাগী মওংশিং ফংহন্নবা ইন্সতিত্যুৎশিং মশক খঙদোকখ্রে অমসুং মহু-ময়াই চমহন্নবা থাজবসু পীখি। আই.আই.তি. ইন্দোরনা ইন-ভিত্রো শেম্নবগী চাংয়েংদা মতেং পীনবা স্যুদোভাইরস সার্স সি.ও.ভি.-২ পুথোক্কনি। ইঞ্জিন বাইওসাইন্সেস তিমিতেদনা মশিং য়াম্লবা স্পাইক প্রোতিন অমদি রিসেপ্তর বাইন্দিং দোমেন প্রোতিনশিং তীকা অমসুং দাইগ্নোস্তিক কম্পনীশিংদা রিএজেন্ত অমা ওইনা ফংহল্লগনি। তীকা থাবগী থবক তৌগদবশিংগী পোর্তপোলিও অদু জিন্নোভানা মথংগী মীরোলগী এম.আর.এন.এ. তীকা থাবনা তেংবাং পীদুনা মখা তানা হেনগৎহনখ্রে অমসুং তোঙান্না সি.এম.সি., ভেল্লোরসু লিপিদ ইনকেপ্সুলেতেদ এম.আর.এন.এ.গী তীকা শেম্লি।

কোবিদ-১৯গী তীকা থানবগী ইন্ত্রানেজেল শেম-শাবগী অঙনবদা তৌরম্বা শেম-শাবগী থবক অদুসু ইন্দিয়ন ইন্সতিত্যুৎ ওফ কেমিকেল তেক্নোলোজীদা পীখ্রে।

দেল্লী য়ুনিবর্সিতী সাউথ কেম্পসনা লৈরিবা ফেজ উহনবা লাইব্রেরী অমদগী মহু-ময়াই হাৎনবা এন্তিবোদীশিং পুথোক্নবগী থবক পায়খৎখ্রে অমসুং দি.বি.তি.গী নেস্নেল বাইওফার্মা মিশন্দগী মতেং পীরি।

কোবিদ-১৯ দাইগ্নোস্তিকশিংবু ইরমগী ওইবা মওংদা মপুং ফানা ওইহন্নবা এ.এম.তি.জেৎ.তা অমসুং আর.তি. পি.সি.আর.গী কিৎশিং পুথোকপদা স্কেল-অপ তৌনবা কম্পনীশিংদা মাংজৌননা মতেং পীখ্রে।

মতম শাংনা দাইগ্নোস্তিক তৌবগী মথৌ তাবদা য়েংলগা, দি.বি.তি./বি.আই.আর.এ.সি.না বেন্নিৎ য়ুনিবর্সিতী, গ্রেতর নোইদাদগী সার্স সি.ও.ভি.-২গী ন্যুক্লিয়িক এসিদশিংগী ফ্লোরেসেন্স অমসুং ইলেক্ত্রোকেমিস্ত্রী মেদিএতেদ রেপিদ দিতেক্সনগুম্বদা মতেং পাংনবা দাইগ্নোস্তিক্সশিংগী প্লেতফোর্ম তোঙান-তোঙানবা মখল কয়া পীনবা অচেৎপা ৱাফম থমখ্রে।

অচৌবা স্কেলদা স্ক্রীনিং তৌবা য়াবা চীপ আর.আর.তি.-পি.সি.আর.গা শম্নবা পোর্তেবল মাইক্রোফ্লুইদশিং অমসুং মাইক্রোইলেক্ত্রোদ এরে কপল পোইন্ত-ওফ-কেয়র ওপ্তোইলেক্ত্রোনিক্কী খুৎলাইশিং: জে.এন.য়ু., দিল্লী; সার্স সি.ও.ভি.-২ লৈ-লৈতে খঙদোক্নবা অপ্তেমরগী লেতরেল ফ্লোগী চাংয়েংগী কীৎ শেম্বা অমসুং ইভাল্যুএৎ তৌবা অমসুং আি.আই.তি. গুৱাহাতীদগী ক্রিস্পরদা য়ুম্ফম ওইবা মাইক্রোফ্লুইদশিং শিজিন্নদুনা কোবিদ-১৯ দাইগ্নোস্তিক তৌনবা প্লেতফোর্ম কয়া অমনা শৌগৎলি। শেলগী তেংবাং ফংগদৌরিবা অতোপ্পা কম্পনীশিংদি দেনোভা, বাইওলেবশিং, শাইনবাইওতেক, প্রান্তে, প্রোমা থেরাপ্যুতিক্স, অতিরানি। পুন্না কম্পনী অমদি একাদমীগী ওইবা ইন্সতিত্যুৎশিংনা য়াম্না অনকপা মতমদা ইরমগী ওইবা দাইগ্নোস্তিক কীতশিং শেম্বদা অৱাৎপা লৈহন্দনবা শেলগী তেংবাং ফংলগনি।  

বাইওতেক্নোলোজী বিভাগনা মীয়ামগা-লন্নাইগা খুৎশম্নবা মোদেলদা কোবিদ-১৯গী দাইগ্নোস্তিকশিং, তীকাশিং অমসুং থেরাপ্যুতিকশিংগীদমক্তা রিএজেন্তশিং অমসুং রিসোর্সশিং ইরমগী ওইবা নৌনা পুথোকপদা পুক্নিং থৌগৎনবা এ.বি.এল.ই. অমসুং সি.আই.আই.গা শরুক ওইমিন্নদুনা অমদি সি.-কেম্পনা থৌবু ওইদুনা নেস্নেল বাইওমেদিকেল রিসোর্স ইন্দিজিনাইজেসন কন্সোর্তিয়ম (এন.বি.আর.আই.সি) অমা হৌদোকখ্রে।

মাগী ‘ফাস্ত ত্রেক রিভ্যু প্রোসেস’ তৌদুনা বি.আই.আর.এ.সি.না কোবিদ-১৯গী সুলুসনশিংগীদমক্তা শেলগী পীনবা খুদক্তা মথৌ তৌহন্নবা থৌরাং অমা শেমখ্রে। পি.পি.ই. সোলুসনশিংগা শাগোন্নরবা মসিগী স্তার্তঅপকী থৌরাং অসিদগী “হকচাং পুল্লপ কুপশিনবা স্যুইৎশিং”গী থবক্কীদমক্তা অন্না বাইওমেদিকেল প্রদক্তশিংদা অমসুং “ফেস শীলশিং” গীদমক্তা অল্ফা কোর্পসল্স প্রাইভেৎ লিমিতেদপু খনগৎখ্রে। ওতোমেতেদ সেনিতাইজরশিংগীদমক্তা মাইক্রোজিও., অরাপ্পগী অনাবশিং য়েংশিনবগীদমক্তা স্তেসিস হেল্থ প্রাইভেৎ লিমিতেদ, তুম্বা য়েংশিন্নবা খুৎলাই অমা ওইরিবা দোজীগীদমক্তা তর্তল শেল, অনাবশিং লাপ্না য়েংশিন্নবগীদমক্তা মোনিত্রা, এন.-৯৫ মাস্কশিংগীদমক্তা পেরিসোধনা অমসুং অম্বু বেগশিংগীদমক্তা রিমেদিওদা থবক পীখ্রে।

****