তুরিজম মন্ত্রালয়
তুরিজম মন্ত্রালয়না “দেখো অপ্না দেশ” ৱেবিনার সেরিজগী ১৭শুবা তাংকক ‘এক্সপ্লোরিং রিভর নিলা’ হায়বা হীরমদা পাঙথোকখ্রে
Posted On:
10 MAY 2020 7:55PM by PIB Imphal
ইং ২০২০ এপ্রিল ৯দা পাঙথোকখিবা ভারত লৈঙাক্কী তুরিজম মন্ত্রালয়গী দেখো অপ্না দেশ ৱেবিনারগী ১৭শুবা ‘এক্সপ্লোরিং রিভর নিলা’ হায়না মিংথোনবা তাঙ্কক অদু মীয়াম্না তোয়না চৎনদবা মফমশিংনা লমকোইবা মীশিংদা মমল লৈবা লম কোয়বগী ইথিল পীরিবশিংগী মতাংদা উৎননবনি।
দি ব্লু য়োন্দরগী ফাউন্দর গোপীনাথ পরায়িইল, অইবা অমদি ৱারী লীবা অনিতা নায়র অমসুং ইনতাক পলাক্কর অরুন নারায়ন্না খুদোল তমখিবা ৱেবিনার অদুনা শরুক য়ারিবা মীশিংবু লমকোইবা অমদি কোয়না চত্তুনা থিজিল্লিবা মীওইশিংদা তরু তরুবা অমদি তোপ তোপ্পা মহাও পীবা ঙম্বা ভারতপুজা হায়নসু খঙনবা নিলা তুরেলগী নাক য়েত্তা তারিবা মীয়াম্না পাক শন্না খঙনবা ৱাৎপা শহর অমসুং খুঙ্গংশিংগী খোঙচৎ অমদা হুমদুনা পুখি।
‘এক্সপ্লোরিং রিভর নিলা’ হায়রিবা ৱারী অসি মফম অমগী, মফমদুদা লৈরিবা মীশিংগী তোপ তোপ্পা ৱাফমশিং খঙদোকপা, অমদি মফমদুদা লাক্লিবা মীওইশিংদা ৱাফমশিংদুবু খঙহনবা হায়রিবা ৱাফমশিংসি য়াওরবা রেসপোঞ্জিবল তুরিজমগী মশক মওংশিং উত্থোক্নবা শেমখিবনি। খুদোল তমখিবা মীওইশিংদুনা মফমদুগী চীঞ্জাক, কুম্মৈ হরাওশিং, আর্ত ফোর্মশিং, চৎনবী অমসুং মীয়াম্না চৎনরিবা মফমশিংদুগী মহৌশাগী ফীভম, মওং মতৌ, পুৱারীগী লন অমদি খুন্নাইগী মশকশিংবু ঙাক্তুনা থম্বগী মতাংদা ৱাফম কয়া ফোঙদোকখি।
ৱেবিনারদুদা উৎখিবা লমথুংফমশিংদুদি কোইম্বেতোর, কোচী অমদি কোজিকোদে এয়রপোর্ত্তগী ইরাই লাইনা য়ৌবা য়াবা অমদি রেল অমসুং লম্বীগী নেতৱর্কনা নীংথিনা শম্নরবা কেরলাগী পলক্কার, ত্রিসুর অমসুং মলাপুরম দিস্ত্রিক্তা লৈবা মফমশিংনি।
দেখো অপ্না দেশ ৱেবিনার সেরিজগী পান্দমদি লৈবাক মনুংগী ওইবা লম কোয়বগী থৌওং পুক্নীং থৌগৎপনি। হৌজিক অথিংবা লৈরিঙৈ তানফমসিদা তুরিজম মন্ত্রালয়না অথিংবা অসি লৌথোকখ্রবা মতুংদা লম কোয়নীংবগী অপাম্বা অদু মাংদনা লৈহন্নবগীদমক তুরিজম ইন্দস্ত্রীগী স্তেকহোল্দরশিং অমসুং লৈবাকসিগী মীয়ামশিং এঙ্গেজ তৌদুনা থম্ননবা লৌখৎপা য়াবা থৌরাং পুম্নমক লৌখৎলি। ৱেবিনারসিদা তুরিজমগী স্তেকহোল্দরশিং, মহৈরোয়শিং, অমদি লৈবাক শিনবা থুংবদগী মীচম মীয়ামশিংনা শরুক য়ারি।
ৱেবিনারগী তাঙ্ককশিং হৌজিক https://www.youtube.com/channel/UCbzIbBmMvtvH7d6Zo_ZEHDA/featuredদা ফংলে অমদি ভারত লৈঙাক্কী তুরিজম মন্ত্রালয়গী সোসিয়েল মীদিয়া হেন্দলশিংদসু ফংলে।
ওরিশা: ইন্দিয়জ বেস্ত কেপ্ত সেক্রেৎ হায়না মিংথোনবা মথংগী ৱেবিনার ইং ২০২০, মে ১২গী অয়ুক পুং ১১দা মতম লেপ্লে অমদি রেজিস্ত্রেসন লিঙ্ক অসিদা চঙলগা তৌবীবা য়াগনি https://bit.ly/OdishaDAD
****
(Release ID: 1622898)
Visitor Counter : 166